صوته من الفرح عالي
والنور فى عنيه يلالي
ودقه قلبه صافيه
وطايره فى العلالي
ده حبيبي لما شافني
برموش عنيه حضننى
وقال لي ما تخافيش
لو ميت سنه حنعيش
اللقمه نقسمها
والعشه تجمعنا
ع الحلوة والمرة
يا حبيبتي ما تخافيش
و رضينا بقليلنا
راضيين بقسمتنا
وف ليله هب حريق
مش بس اكل العشه
ده اكل القلعه وناسها
وجاب عاليها واطيها
واتقلبت الدنيا
اخبار من وزن تقيل
شقه وتلاجه هديه
وكمان فلوس نقديه
وحبيبي قال لى شوفتى
ما انا قلت ما تخافيش
بس عشان ده يحصل
يلزمنا عقد العشه
ده العقد كان فى قلوبنا
مش حبر وورق ودمغه
قالوا مطلوب فانله و000
قلت لأ لأ ده كتير
طب دول حييجوا منين؟
ما اتحرقت العشه
و ف وسط الزحمه دخلوا
حراميه ونصابين
وعنك وضاعت حقوقنا
وادينا مرميين
نصرخ ما نصرخ خلاص
ماهو ده بقا سلو بلدنا
من قطر لعباره لقلعه
بصيت له من قبل ماانطق
قال لى ما تتكلميش
دى الشكوى لغيره مذله
لينا رب اسمه الكريم
هناك 38 تعليقًا:
والله يا لومى انتى رائعه
ايام وشهور سنين بتعدى وبنسمع نفس الكلام
عام الرخاء والثورة الخضرا وشدوا الحزام وعنق الزجاجه وبحر البترول وهانت وعلى وشك
الناس دول جمعوا كل مساوئ البشر والشياطين على بعض
كذب وفجر وقسوة وبجاحه وظلم
حكومة كل يوم تسمع ان شبابها بيموتوا غرقانين عشان مش لاقيين ياكلوا فى بلادهم ومش بتهتم
وكل يوم تسمع نداءات ناس مش عارفه تعالح اولادها وبيشحتوا فى الفضائيات ومش بيرمش لها جفن
حكومه لصوص
فى نفس الوقت اللى بتسمح لحرامى يستغل الموانى وحرامى يستغل الحديد وحرامى يستغل الاراضى وحرامى يستغل الغاز وحرامى يستغل البترول وحرامى يبيع ديون مصر بملاليم وياخد تمنها كامل
فى نفس الوقت اللى عملت الكلاب مليارديرات والحيوانات حكام وصفايح الزباله نواب
فى نفس الوقت مستكتره على اسره اربع حيطان يعيشوا فيها او دواء يخفف الامهم او اكل يحفظلهم الحياة
ايه اللى وصلناله ده؟
علقت قبل ذلك عن موضوع إثبات الهوية بالملابس الداخلية وقلت هو عبقرية في إثبات الهوية
وأيضا كلماتك رائعة
ايه يا لومي الكلام الجامد ده
كلمات كالرصاص بجد بتعرينا من رداء العفة اللي احنا لابسينه
مشكلة قلعة الكبش عار على كل مصري بيروح بيته بالليل
انت عارفة ان اخر خبر قريته عنهم عند مراقب مصري انهم لما راح يشتكو و يعملو محضر، اتحبسوا هما و المحامي بتاعهم
تحياتي
طب دول حييجوا منين؟
ما اتحرقت العشه
و ف وسط الزحمه دخلوا
حراميه ونصابين
وعنك وضاعت حقوقنا
وادينا مرميين
نصرخ ما نصرخ خلاص
ماهو ده بقا سلو بلدنا
من قطر لعباره لقلعه
بصيت له من قبل ماانطق
قال لى ما تتكلميش
دى الشكوى لغيره مذله
لينا رب اسمه الكريم
---------------------------
صح لينا رب اسمة الكريم حلوة اوى يا لومى بجد ....
زياد كويس انهم متهموش بقلب نظام الحكم
يازياد
الناس والمحامى اتحبسوا بسبب لومى
الكلام الكبير دة تعب الحكومة
ولومى ساكنة جنوب الوادى
وبعيد عن ايد الحكومة
فانتقموا من الغلابة
لومى اكتبى بقين زى دول
فى الخواجة بشبوش
يمكن يكون سرك باتع
ربنا على الظالم
عزيزى....
عارف لما وصلت لاخر تعليقك
قلت
ما فيش حد فينا بيحب الفساد والمفسدين
بس كانسان بسيط مش محتاج اكتر من بيت وولقمه وهدمه وصحه وتعليم معقول الدوله دى مش قادرة توفر ده
طيب والمليارات اللى بتزوغ وما حدش بيعرف عنها حاجه
ده غير اللى معروف راحت فين
لقيت ان احنا وصلنا للدرك الاسفل
تصدق باقول لنفسى يسرقوا بس يوفروا للغلابه دول عيشه بسيطه مقبوله
يعاملوا الناس بأدميه شويه
واحنا بقينا ايه بالنسبه لهم
كلنا على الجزمه القديمه كده؟
شفت بقا احنا وصلنا لايه؟
تحياتى
عصفور المدينه
بصراحه عبقريه ما فيش كلام
دى لازم تتحط من اهم 10 افتكاسات فى العالم والله يا اخى عندنا عباقرة مش عارفه بس الناس عايزة ايه اكتر من كده
للاسف ما كنتش قريت كلامك عن هذا الموضوع بس حادور وان شاء الله حاوصل
اشكرك على التعليق
تحياتى
زياد
لا كلام جامد ولا حاجه ده من الغلب بس
انا شفت جزء من الفيلم التسجيلى اللى عاملاه الصحفيه امل فوزى
شىء مش ممكن بجد الناس دى لو عملت اى شىء اى شىء مش حتبقا غلطانه
فى ايه اكتر من ان واحد يلاقى نفسه ومراته واولاده ووالدته على الرصيف
فضيحه بكل المقاييس
ولينا رب اسمه الكريم
تحياتى
الغزالى
ليك وحشه يا راجل
عارف وانا بكتب التعليق ده بالتداعى افتكرت الناس اللى فى مساكن المطار اللى بيوتهم حتتهد برضه
فهى متقسمه ناس هدد وناس حريق وناس غريق
ولينا رب اسمه الكريم
تحياتى
يا جدو
انا سرى باتع جوا حدود الوطن
ما باحبش اتعدى حدودى
ههههههههههههههههههههههه
تحياتى
افضلي انتي بس اوجعي فينا
في الحر دة
بقولك فعلا كلامك موجع
وانا معنديش استعداد
لينا رب اسمه الكريم
رائع جداا
العزيز عادل
معلش استحمل شويه
امال الغلابه اللى مش لاقيين شمسيه حتى تضللهم فى الحر ده يعملوا ايه؟
ولينل رباسمه الكريم
تحياتى
عزيزى ضد الظلم
اشكر لك زيارتك
تحياتى
انا لازم أقول انك شجاعه قوى علشان تكتبى حاجه زى كده.
بس يريت تخفى شويه وخاصه على موضوع العباره.
ابنك أدهم
(وبعدين يا همام
اوعا تخش جحر الأسد
و تفتكر انك هتاكل شمام).
هو بحق كلام يوجع
يوجع اوي يا لمومي
والله انا دخلت مدونات كتير النهارده
وكلها فيها حاله من السخط علي الاوضاع الي احنا فيها
فيه حاله غريبه بتجتاح البلد
حاله من الخنقه والكبت
ودا كله عاجلا ام اجلا هيؤدي الانفجار اكيد
وتكون عواقبه مش محسوبه
تسلم ايدك يا لومي
بجد تحفه
تسلم ايدك يا جميل
تحياتي
كلام من القلب الي القلب...لذلك شعرت بقوة كلماتك ....و المعني و المضمون...
تحياتي و تمنياتي بالتوفيق دائما.
حلوة حلوة حلوة
نقد مغلف بحكاية حب
وبرضه خسرانين كل حاجة فى النهاية
كلنا فى الخسارة سوا يا لومى
تحياتى
lord_love
ما تتصورش تعليقك عمل فيا ايه
بجد ربنا يخليك ليا
وما يحرمنيش من كلامك
وبعدين يا ادهم اللى بيدخل بيت الاسد بيتاكل
هههههههههههههههههههه
ربنا يوفقك
ماما
جي جي
ربنا يخليكى
ده بقا وضع طبيعى لكل اللى بيحصل حوالينا
وان غدا لناظره لقريب
تحياتى يا قمر
الربان
صاحب سفينه الحريه
اشكرك على كلماتك اللى من القلب
تحياتى يا صاحب السفينه
العزيزة ياسمين
انا برضه لسه عندى امل
مهما بيحصل بيفضل عندى امل
لازم بعد الضيق فرج
وبعد العسر يسر
يمكن ياخذ وقت
بس اكيد حييجى صباح
نعيد فيه اللى راح
تحياتى
لك ولسوسو
ما تجيبى شويه لب
ههههههههههههه
لومي
ادعوك للمشاركة في استطلاع راي
عن اكثر عشرة مدونات تاثيرا في قرائها
عل مدونتك واحدة منهم
اليك الرابط
http://www.6ef.blogspot.com/
صباح الفل والورد والياسمين
الاول ميخلصنيش زعلك يامولاتي الأميرة
وأوعدك خلال أيام قليلة
هيكون بوست
عفوا حبيبي متعرفش ومتقدرش
خرج للنور
منه الله
علم وينفذ ان شاء الله
تحياتى
شريف
صباح النور
ايه ياعم ما تفرج عن البوست
حرام عليك كده بقا
ههههههههههههههههههه
شكرا يا عم على المجامله اللى انا مش قدها دى وفى انتظار البوست
تحياتى
انا كنت وعدتك تكوني اول واحدة أبعتلها البوست الجديد وها أنا أوفي الوعد
http://sfahmy78.blogspot.com/2007/06/blog-post.html
منتظر تعقيبك
صورة بالف كلمة
مدونة جديدة
انظر حولك
د . خالد عزب
أولا متصرخيش ومتزعقيش ومتتضايقيش
الجزء الثاني هيكون الاخير وبرده هيكون حصريا عندك
موضوع حصريا ده مش بالساهل كده ناس بتتدفع فيه فلوس
أنا بضحك طبعا وأوعدك أن الجزء الثاني هيكون الاخير
وثانيا أحكيلي بقه أكتر موقفك عجبك في الجزء الاول من ريهام وياسين
كعادة كلماتك يا لومي
قليلة
سريعة
نافذة
واضحة
حازمة
ولا صفة من اللي فاتوا مجاملة
تحياتي
مساء الفل يا قمر
انا دخله امضي حضور بس
فين الدفتر
ولا انتوا عندكوا الساعه الالكترونيه
تحياتي يا جميله
لومى
دى اول زيارة
بس عجبنى كلامك الجامد دة
بس المشكلة لما الآذان يأذن فى مالطة
تفتكرى حد هيقوم يصلى
:)
مدونتك حلوة اوى
daktara
بصراحه
صورة موز موز موز
ايه يا ابنى ده؟
بس ده كان سنة 2005
يا ترى صورة 2010 ايه؟
تحياتى
صباح الخير يا شريف
بص يا سيدى
اولا انت داخل طالع عندى من غير ما تقول كلمه واحده على اللى انا كاتباه وانا كاتمه فى قلبى وساكته ما علينا
بص بقا
انا عجبنى لما دخل اول محاضره وهو بيدور عليها
وسمع صوت من وراه بيقولوا ماما قالت لك انت كنت فى الحضانه
اتسترا اتسترا
ههههههههههههههههه
عموما هو الجزء الاول ما فيهوش احداث كتير يعنى عشان الواحد يختار منها
ويا ريت ما تبقاش تكتب الاغنيه كلها
يعنى اللى مش بيحب هانى يعمل فى روحه ايه ؟
يولع فيها عشان خاطر الست ريهام والاخ ياسين؟
ههههههههههههههههههههه
ابقا حط لينك الاغنيه
حيبقا افضل
واهى فكرة
وفى انتظار اما اشوف اخرتها
ههههههههههههههه
تحياتى
هنودة
يالله بقا
مستنيين
ما تطوليش علينا بقا
شكرا يا قمر على كلماتك
وخللى بالك من نفسك
تحياتى
جي جي
ازيك؟
انت تشرفى فى اى وقت
بس احنا عندنا ساعه رمليه
ههههههههههههههههه
تحياتى
حلم
العزيزة
سعيده بزيارتك
و يدن فى مالطه ليه؟
هو يعنى لما بيدن هنا حد من اللى احنا بنتكلم عنهم بيقوم يصلى؟
تحياتى
إرسال تعليق