إتخذتُ قراراَ من أصعب قراراتي
كي أُنهي به أهاتي و عذاباتي
بيدي لا بيدك قررت الرحيلا
" وأردتُ " من حبك أن أستقيلا
و ظننتها صفحةَ طويت من صفحاتي
لتبدأ بعدها صفحة جديدة من حياتي
وتتسارع الحروف لتكتب سطورا
ولكن تأبى السطور أن تستقيما
فحروفي ما زالت تبحث عن عباراتك
وسطوري تأبى إلا أن تخط كلماتك
"ظننتك " سطوراَ كتبت بماء
وجدتك محفوراَ في قلب السماء
هناك 63 تعليقًا:
عزيزتى
هل فعلا اتخذتى القرار فقرارات المحبين تتغير دائما طالما حبه موجود داخلك
فكل قرارتك ضائعه ضعيفة ستظل الاهات موجوده فليس قرار الرحيل هو المهم فالاهم هو قرار انهاء حبه من قلبك هل تقدرين على اتخاذه
سلام
فقد علمتنا التجارب ان الرحيل اسهل من النسيان
لكن هناك نسيان حتى تستمر الحياه
العزيز حسام
القرار دائما يكون قرار عقل لا قرار قلب وغالبا ما يقف القلب حائلا دون تنفيذ هذا القرار بشكل كامل
وهذا هو معنى الكلمات المكتوبه فهى فى النهايه رغم إتخاذها قرار الرحيل إلا انها وجدته محفورا فى قلبها
ربما صادفت يوما حبا ينسيها حبها الاول0 فنحن لنا سلطان على عقولنا ولا نلك ذلك السلطان على قلوبنا0
سلام
العزيز الطائر الحزين
نحن نرحل ولكننا نأخذ معنا الذكريات
و طبعا تستمر الحياه
تحياتى
تصدقى
فيه ناس مقاوحه ومعافره وبتعاند وبتعصلج وبتقلق وبترعب
وناس تقرر وما تقدرش
وناس تقدر وما تقررش
وناس تـشغل وما تـتـشغلش
وناس تـتـشغل وما تـشغلش
وناس تحب وما تصرحش
وناس تصرح وما تحبش
واخيرا
فيه ناس بؤ
كلنا ساعات بنحاول نعمل زبك وبنلاقى نفسنا بنرجع
بس لو فكرنا بعقولنا المصلحة فين
معاه او من غيره
حنبه او بعيد عن عنه
يعنى حكمنا عقلنا وحبينا بتفكيرنا الاول اللامور هتبقى احسن كتير
ولو العقل رفض الحب دا يبقى الحكاية محتاجة شويه ارادة
مش اكتر
اتمنى تقدرى تكونى الارادة اللى تخليكى تستقيلى وللابد
دا اذا كان هوا ميستاهلش حبك
تحياااتى ليكى
المدونة جميلة وانتى احساسك جميل اوى
اتمنى اكون صديقة
رائعة يا لومى
السلام عليكم ورحمة الله وبركاته
ظننتك سطر كتب بماء
وجدتك محفورا فى السماء
نعم ليس من السهل أن نطوى صفحة ، كانت ذات يوم خالدة ؟
تحياتى
السلام عليكم
çok güzel bir site.
أيه الرومانسيه دى كلها يا قمر
واللهى لو كان كويس نرجع
ولو مكانش مناسب
نمسك نفسنا شويه وكله بيعدى ياقمر
مبدئيا أنا جاي أسلم وأطمن وطبعا أعلق على الكلمات الرقيقة العذبة
تحياتي بجد
عزيزتى لومى
بجد رائع إحساس جميل أوى وفكرة جميلة
بس الزمان يعلم النسيان
اهلا اهلا
يعنى نتعاطف مع الراجل و لا مع الخطوة
هل هو محفور
لقوة التأثير
و لا لعظم قيمه التأثير
و يا وحعى و يا وجعنا كلنا من الذات و البحث عن الذات
فى رأي إنها بعد أن قررت انهاء تلك المعانة.. الموضوع أصبح مسألة "إعتياد" على وجوده فى حياتها أكثر منه حب
جميل جداً تعبيرك عن الفكرة خاصة مدى وجوده فى حياتها
عزيزى ....
تصدق إنى مصدقه
المشكله إنى أعرف ناس كتير كده
تقريبا فى حاجه فى الجو
:):):):)
تحياتى
العزيزة حدوته
أهلين وسهلين
تشرفى فى اى وقت المدونه وصاحبتها سعيده بزيارتك وربنا يديم الصداقه
يا عزيزتى الحب عاطفه ابعد ما تكون عن العقل
حاجه كده بتخطف الواحد من غيرما يحس ويلاقى نفسه اسير فى شبكته
وبعد شويه يبتدى العقل يفكر وده بيبقا غالبا عند المرأه لانها دائما تبحث عن الارتباط كنهايه حتميه لهذا الحب وهنا تنشأ الخلافات
فتجد نفسها مضطرة لاخذ قرار الرحيل ولكن يظل قلبها متعلق بحبها
أما حكايه يستاهل او ما يستاهلش فهو ممكن يكون ما يستاهلش من منطلق العقل
لكن حكم القلوب بقا غلاب
تحياتى
العزيز إسلام
وعليكم السلام ورحمة الله وبركاته
اشكرك على تعليقك
ربما ذات يوم تطوى هذه الصفحه
تحياتي
وعليكم السلام
mostafa senalp
اهلا وسهلا بك فى هذه المدونه
وسعيده لانها عجبتك
من حسن الحظ انك كتبت كلمتين بس عرفت معناهم
وإلا كان شكلى حيبقا وحش :):)
tashakurat
العزيزة
فى القلب
تسلمى يا رب
حنمسك نفسنا كتير
مش شويه
وعلى رأيك كله بيعدي
تحياتي
العزيز شريف
مبدئيا انت فين يا راجل؟
حمد لله على السلامه
ثانويا اشكرك على مرورك واطمئنانك
ها؟ لقيتنى عامله ايه؟
طمننى اصلى قلقانه على نفسى اليومين دول
:):):)
انا بخير والحمد لله
فين يا عم السلسله اللى وعدتنا بيها؟
تحياتى
العزيزة
dark
تسلمي يا رب
سعيده انها عجبتك
كله بيتنسى لو الواحد عايز ينسى
او لو فى شىء اقوى ينسي
تحياتي
العزيز
blank-socrate
انت فين يا راجل؟
لك مطلق الحريه فى ان تتعاطف مع اى منهما
ربما هو محفور لقوة تأثيره
هى كانت تظن انها نسيته ولكن اتضح انه محفور فى قلبها
ربما لو جاء من يؤثر فيها بقوة اكبر لزال تأثيره فعلا
البحث عن الذات يحتاج الكثير من الاراده والتصميم والقوة
وكلنا يستطيع فى لحظه ما ان يجد ذاته
تمنياتي بالتوفيق
العزيز عدى النهار
إتخاذ القرارلإنهاء المعاناه صحيح
وربما كان اعتيادا كما ذكرت
ربما كانت تظن ان القرار كاف لابعاده عن حياتها
ولكنها كانت تفشل فى كل مرة تحاول ان تجد فيه حبا جديدا فتأبى الحروف إلا ان تكتب نفس القصه
لا يمكن ان يكون العيب فى كل من بعده
لا بد ان المشكله فى ارتباطها به
رغم اتخاذها القرار
إلا انه ظل فى قلبها
واحيانا اظن انها سعيده بذلك
النفش البشريه غريبه بعض الشيء
تحياتي
ونفضل كده .. رايحين جايين
ماحدش بيشوفنا وإحنا رايحين
ولا حد شافنا شافنا و إحنا راجعين
لكن قلوبنا بتثور و تقول: و الله ما راجعة
وتتعب من البعد و تقول: رجعت فكلامي
و لوحدها تقاسي قسوة قرارنا
ولوحدها تفرح بطعم الرجوع
كل ده
وإحنا قاعدين
في حضن حب قلب سر حلاوة حياتنا في حبه... بغض النظر عن بعده أو قربه
الشكر لك العمل وعلى درجة جيدة في عطلة نهاية الاسبوع
ما اصعب هذه القرارات .. فاللسان ينطق ولكن العقل والقلب يرفض ... تحياتى لك ولكلماتك الرومانسية
ايه الجمال ده
الاستقالة من الحب دي اصعب استقالة في التاريخ علشان اللي هيكتبها ممكن يرجع فيها في اي وقت
وبعدين فين المدير اللي هقبلها ومين اللي هينفذ القرار
عفوا ياحبي لا بيروقراطية في الحب وكلام الليل دايما مدهون بزبدة وواضح ان الاستقالة ساحت مع اول ضوء للشمس
تحياتي يا عسل
ايه الجمال ده
الاستقالة من الحب دي اصعب استقالة في التاريخ علشان اللي هيكتبها ممكن يرجع فيها في اي وقت
وبعدين فين المدير اللي هقبلها ومين اللي هينفذ القرار
عفوا ياحبي لا بيروقراطية في الحب وكلام الليل دايما مدهون بزبدة وواضح ان الاستقالة ساحت مع اول ضوء للشمس
تحياتي يا عسل
في لحظات العذاب والاحساس بالحرمان بيهون علينا الهوي ولما بنقعد لوحدنا ويمر شريط حياتنا قدامنا بنحتار
التجارب دراسة فريدة من نوعها على ارض الواقع
الله يكون في عونك
قرار صعب
والاصعب منه عدم الرجوع فيه
ربنا يعينك ويصبرك
هنوده الغاليه
اه تتصورى
كل ده وإحنا رايحين جايين
صحيح ما حدش شايفنا
بس إحنا شايفين نفسنا ومش عاجبنا اننامش قادرين ناخد القرارونثبت عليه
تحياتى
الايام بتعدى
وانا مبسوطالك
:):)
ديفيد
اشكرك على الزياره
تحياتي
العزيزة
bocycat
اشكرك على تعليقك اللطيف
فعلا دايما المشكله الازليه نفتح الشباك وإلا نقفل الشباك؟
:):)
تحياتى
الغاليه ميمى
:):):):)
فعلا كلام الليل مدهون بزبده
بس انهى كلام؟
وكلام مين بالظبط؟
ويا ترى نوع الزبده إيه؟
يا ريت تكون لورباك ومن غير ملح لو سمحت
ويا سلام لو معاها شويه مربى مشمش
من اللى ماما بتعملهم ونعيش بقا
ههههههههههههه
الغاليه ميمى
كتبت تعليق تانى
بس ساح
ههههههههههههههههههه
تحياتى يا جميله
العزيز سندباد
اتخاذ القرار دايما بيكون نابع من ضيق ومراره والم
وبعد مده بيختفى الالم والمرار ويبقى القرار
عشان كده بنحتار
-----------------
بس ما فيش شك ان القرار مش سهل اننا نتخذه والاصعب تنفيذه
تحياتى
العزيز
sharm
التجارب بتختلف من شخص للتانى بحسب شخصيته وثقافته واسلوب حياته
والواقع مليان تجارب
تحياتى
العزيز اسكندرانى قوى
إيه يعنى الحاله ميؤوس منها؟
:):):)
شكرا لزيارتك
تحياتى
لومى العزيزه
الحب درب من دروب الجنون للاسف لا يستطيع من جن بالحب ان يكون له قرار فهو فى غالب الامر مسلوب الاراده وهذا ما دل عليه القطع الاخير من كلامك الجميل ومع ذلك فما احلى هذا الجنون بكل احواله واشكاله من حلاوات وعذابات ولقاء وهجران فهو جنون لذيذ
لومى
ازيك من زمان حرمانا من انسك
حنقول اية
الحب اصعب من عضة الكلب
لومي
شوفي يا اختشي بقي ،انا شايفه و الله اعلم ان اول حب مش ممكن يتنسي، بنكمل حياتنا و بنحب تاني و تالت لكن اول حب بيفضل لابد في قفدان الواحد، و ما تحرجينيش و تسألي يعني ايه قفدان لأني معرفش، سمعتها من جدي و حفظتها زي البطه، لو حد يعرف معناهاو النبي يقولي و بالمره كمان يقولي يعني ايه ارابيز
الأستاذ العزيز حسنى
الحب جنون والفنون جنون
لذلك فالإنسان ليس له قرار فى الحب غالبا
اما القرار فيكون فى الابتعاد او البقاء
وربما تبقى حلاوة الحب فى الذكرى الذى تظل فى نفوسنا بعد الإبتعاد
فبعض الاحلام إذا تحققت فقدت بريقها وحلاوتها
تحياتى
جدو يا غالي
انت اللى انشغلت عنينا
بالتماحيك اولا
ثم باللعبه والمرجحه
بس متهيالي عضه الكلب اسهل
اهو 21 حقنه والواحد يبقا احسن
بس الحب ما بينفعش معاه ولا حتى شربه الحاج محمود
هههههههههههههههههه
والله واحشانى تعليقاتك
انت وزياد
تقريبا هو كله التمساح
وربنا يخليك لينا يا عمدة بلدنا
سلام
العزيزة ولاء
شوفى بقا يا اختشى
حكايه الحب الاول دى وهمون كبيرون جدانون
بس الاكيد ان فيه حب بيبقا حقيقى قوى هو اللى بيفضل لابد فى القفدان على رأى جدك
وكلمه قفدان دى يا حبيبتشى جايه من دمج كلمتين فى بعض
الاولانيه القفا :)
والتانيه الودان :)
و معناها المنطقه اللى بين القفا والودن
واظن انه المكان اللى بتلبد فيه البراغيت عند الفلاحين وهما نايمين فى الغيط فى الطل
حلو التعريف ده؟؟؟
:):):):)
اما الارابيز
فهم مجموعه اغلبهم من الشباب متوزعين فى كل انحاء الوطن العربى وهم من يتكلمون العربيه ويستخدمون كلمات انجليزيه لتكمله اى جمله يريدون التعبير بها
يعنى بالبلدى العيال اللى اللغه الانجليزيه اخدت على لسانهم اكتر من العربى فالواحد مهم يبتدى يتكلم عربى وبعدين يروح قالب انجليزى على عربى
ويا داهيه دقى عاللى حصللى
تحياتى يا قمر
ارجو تكونى استفدتى من المعلومات القيمه
هههههههههههههههههه
ماشاء الله عليكى كلامك جميل
والانسان المحب مش بسهوله بينسى
بس طالما بدأ العقل يحذر
يبقى ناخد بالنا وافضل وسيله للمقاومه
فكرى فى كل الحاجات السيئه
اللى فيه وكل المواقف
اللى مش ولابد
والباقى حا ييجى لوحده
اتمنى من الله ان ينور بصيرتك
وتاخى القرار الصح
بوست جميل
بصي هقولك حاجه
لقد علمتني التجارب ان اتجنب عشق النساء
يعني انتو لما بتحسو ان الراجل مشغول عنكو شويه بتحسوا ان مفيش اي مشاعر ليه من ناحيه البنت اللي بيحبها وده غلط لان مش من الصح ان انا اقضي كل وقتي مع البنت اللي بحبها
واسيب التفكير في اي حاجه تانيه
صح ولا ايه
لا يا لومي
مش ميئوس منها ولا حاجه انا ضد الياس وانتي عارفه
بس اتمنى لكي الصموووود
العزيزةklmat
اشكرك على زيارتك وتعليقك الرقيق
عارفه
المشكله اننا لما بنحب بنحب اللى قدامنا بكل ما فيه من عيوب واخطاء بجانب الأشياء الجميله اللى فيه طبعا0
واتمنى ان يستطيع كل انسان ان يتخذ القرار الذى يستطيع ان ينفذه وهو مرتاح 0
تحياتي
loumi
اخبارك ايه؟؟
وايه الكلام الجامد ده
ومش عارف هيا الناس النهاردة كلها عايزة تنسى ومش قادرة..؟؟
عارفة
فين ناس كدة
لما تحب..مبتكرهش
ولما حتى بتنسى حب قديم
بتفضل جذوره موجودة
ممكن تكون جذور ميتة..بس موجودة
وممكن قوى تمنع جذور جديدة من النمو
اكيد انا جاى اطمن
واكيد جاى اتابع اللى وقع منى
:)
تحياتى ليكى
ولأكبر قرار سبقتك وفشلت فيه
العزيز
طارق
انت لسه فى طور التعلم
بما انى اكبر منك سنا بكتيييير يعنى
الرجل والمرأه خلقوا ليكملوا بعض
وبعدين فيه فرق بين الانشغال بشىء مهم فعلا او محاوله التهرب
ولانسان العاقل هو فقط من يستطيع التفرقه بين الحالتين
لكل طرف الحق فى ان يتمتع بخصوصيه نوعاما
تحياتى
أخبار النتيجه إيه؟
العزيز اسكندرانى قوى
اشكرك طمنتنى
:):):)
طول ما فى نفس فى امل
تحياتى
العزيز فان جوخ
اهلا وسهلا بيك
انا الحمد لله كويسه
انت بقا مختفى فين؟
شوف يا سيدى
اللى بيحب بصدق ما بيعرفش يكره
هو ممكن يبعد بس ما يقدرش يكره
وياما قرارات بناخدها وبتطلع اكبر مننا
و بنرجع فيها
بس اكيد لكل قرار سبب
وهو ان احنا بنبقا عايزين نعيش الحاله دى
هى دى طبيعه الحياه
تحياتى
أزيك يا أستاذة عاملة ايه في درجة الحرارة 40 انا بطمن وبسأل وبقولك قريب هتشوفي الجزء الأول
العزيز شريف
40 بس ؟؟؟دى فى الظل كمان
:):):)
الحمد لله ماشى الحال
تسلم على سؤالك وانا مستنيه اما نشوف اخرتها
:):):)
تحياتى
ده شعرك؟؟...بجد!!...نتي محترفه!!!!
ماشاء الله بجد انتي لازم تعملي ديوان!!
ما شاء الله والله...
نتي بتكتبي حلو اوي
استمريييييييييي
العزيز إرتعاشات
اشكرك على زيارتك
ايوة شعرى بكس الشين هههههههههههه
محترفه إيه بس
ربنا يسهل و أقدر استمر
شكرا لزيارتك
تحياتى
لومي
ايه يا بنتي دا
ربنا يسامحك يا شيخه
والله يا لومي تقريبا كلنا كدا
كل ما تخدي قرار وتفتكري انك هتكوني قده في يوم من الايام
وتحسي انك انتصرتي علي قلبك وحبك
ورفعتي كرامتك تلاقي نفسك وقعتي في بير سحيق منالحزن ودوامه تاخدك لدنيا تانيه من غي راحاسيس لغايه ما تبتدي مرحله الضياع
لدرجه انك ممكن تبحثي في شوش الناس عن ملامحه
او تركزي مع صوت حد لانه شبه
او نظره من عيون غريبه شوفتيها قبل كدا في عنيه
اقولك ايه ولا ايه يا لومي
يلا بقي
تسلم ايدك بجد
كل حاجه من حاجتك ليها طعم جميل جدا
متزعليش من تاخيري عليكي يا جميله انا مقصره معاكي بس معلش
تحياتي يا قمر
كلمات جميله
تحياتى
Lord Love
العزيزة جي جي
اهلين اهلين
ولا يهمك يل قمر
انا برضه مقدره الظروف
كل مرحله من مراحل العمر اللى بيمربيها الانسان بيبقا فيها مواقف مختلفه وبالتالى القرارات بتختلف من فترة لفتره وفى قرارات بناخدها ونرجع فيها و هو ده حال الدنيا
الظروف بتتغير وطريقه التعامل مع الامور بتتغير مع تقدم العمر وكثرة التجارب
وفى الاخركله توفيق من ربنا
يعنى الإنسان لازم يبقا عنده يقين ان كل اللى يجيبه ربنا كويس
والغريب ان فيه قرارات بنحس اننا كان لازم ناخدها وما بناخدهاش
شفتى بقا كله بتاع ربنا
تحياتى يا قمر
الغالي أدهم
شكرا على تعليقك
الصورة جميله جداً
فين السلايد شو اللىانت قاعد طول الليل تعمل فيه؟
:):):)
تحياتى
البوست دة في الجون
هايل هايل هايل
عجبني جداااا
العزيز عادل
سعيده انه عجبك
بجد الصور
كانت تستحق المتابعه
تحياتي
من حبك أن أستقيلا... وقدرتى تقوليها :)
إرسال تعليق