جايلي المره دي بيلقف
ومن عطشه عايز يخطف
من إيدي كباية الميه
مديت له الميه بإيد
وسألته إيه الجديد؟
قال لي الناس عطشانه
ومتبهدله وعفشانه
قلت بس فيه ناس فهمانه
حلّوا الميه و المحطات شغاله
والناس تروح تملا
جركن وقله وحله
تشرب وكمان تستحمى
قال لى وهو ده الحل؟
قلت له حل مؤقت
لحد ما الشبكه تركب
قال لى وده بقا إمتى؟
خبيت وشى و مكسوفه أقول له
للي يعيش كده قدامه كام سنه
بص لي وما عجبوش كلامي
قلت له أصل إنت دايماًمش واخد بالك
أصل المشكله دي من قبل زمانك
كل الحق ع الست سنيه
اللى زمان جرّسوها ف الوسائل المرئيه
وقالوا عليها ست نظيفه بس مفتريه
ودايما سايبه الميه ترخ ترخ م الحنفيه
ما هى لو كانت فتحت الشبّاك
وندهت ع الأسطى محمود السباك
و كان جه ركبلها كام جلده
ما كانش يبقا ده حالنا النهارده
ما انت عارف إحنا اللى دايما غلطانين
ومش حاسّين ولا للنعمه صاينين
إحنا اللى ولاد ستين في سبعين
وربنا يخلي لنا الحكومه قول أمين
هناك 57 تعليقًا:
لومى
البوست رائع واسلوبك جميل وسلس
عارفه ان موضوع الميا ده مأثر فيا
جدا وحاسه اوى قد ايه الناس دى تعبانه وشقيانه وابسط قواعد الآدميه مش متوفره والناس اللى بتصاب بأمراض
والعياذبالله ربنا يشفيهم ويصبرهم
والحكومه بتبلبط فى مارينا
يارب كل مسئول اتسبب فى اللى وصلنا اليه
يتشحتف ويشيل جركن ويتقطع عنه المياه والنور والهواء
كمان انتى كتبتى فى الموضوع اللى شاغلنى
بس ماباليد حيله
كلامك يعجب الكل
تحياتى وسلامى
وسعيده او انى اول تعليق
لو كل العصافير عندها نفس الفصاحه دي
كانت مشاكلنا اتحلت من زمان
تحياتي على
البوست
الفكره
والاسلوب
برافو بجد علي احساسك اللرائع ده
بجد ابدعتي
تحياتي ليكي
قرأت إن ملعب الجولف الواحد بيستهلك مياه تكفى لرى 10 الآف فدان قمح
الغريبة إن مبارك قرفنا سنين طويلة بالبنية التحتية اللي أعاد بنائها.. وهى دى النتيجة
وأغلب الظن إن حكاية إعادة البناء دى كانت فى القاهرة بس (وكأنه عمدة قرية مش رئيس بلد) ومع ذلك داخل قلب القاهرة فى مدينة نصر فى أماكن محرومة من المياه 4 أيام متصلة وإنقطاع كهرباء متكرر
مابقاش له حاجة يفتخر بيها والحمد لله إن ده بيحصل فى حياته.. بس اللي يحس
لومى
ياجميله البوست
رووووووووووووووووعه
الست سنيه
ياه لومى
الست سنيه
ده أنتى متقنعنيش بالعكس
مصريه صميمه
البوست السهل الممتنع
فى الصميم
تحياتى على البوست الروعه الحساس الذى يدل على رقه مشاعرك وأحساسك العالى
آمين
ازيك يا لومى
حلو العرض بجد وفعلا هى المشكله فى الست سنيه
العزيزة كلمات
ربنا يخليكى يا رب
انا باحاول افهم الاولاد قد ايه الميه مهمه وازاى يرشدوا استهلاكهم للميه بس لما يسمعوا ان ملعب واحد من ملاعب الجولف بياخذ مياه تكفى تروي 10فدادين قمح اقولهم إيه؟؟
وحسبنا الله ونعم الوكيل
الناس مش لاقيه تشرب وهم مبرطعين فى مارينا 0
ربنا هو إللي شايف وعارف0
تحياتي لك0
العزيز اسكندرانى قوى
مشاكلنا حتتحل لما الناس تبطل تسكت وتتكلم وما تضيعش حقها
الفصاحه دى حيله اللى مش قادر يعمل حاجه غير شويه كلام
لا بيقدموا ولا بياخروا
تشكر يا ذوق
:):):)
العزيز طارق
اشكرك على تعليقك
اتمنى دايما تجد ما يسعدك
تحياتي
العزيز مدحت
اظن انهم خدعونا فقالوا بنيه تحيه
هم تقريبا خبوا الفلوس تحت الارض
والله العظيم حاجه تحزن
ناس ارضها بتموت قدامها من العطش وناس بتتسحل وتتاخد ارضها
وناس تانيه كل همها تلبس انهى كرفاته النهارده وبتستحمى بميه معدنيه
حنقول ايه غير حسبنا الله ونعم الوكيل
انا فهمت ان الميه بتكفى 10فدادين طلعت 10الاف فدان يا دى النيله يعنى مشكله مصر فى القمح ممكن تتحل لما نهد ملاعب الجولف ونحول الميه دى للري
يا سلام يا اولاد
بس البيزنيس ليه اصول طبعا ايش يجيب القمح قدام الملاعب وعجبى
تحياتى لك ولمعلوماتك
بس عايز الصراحه معلومه اوفر مستفزه
:(:(:(:(
العزيزة فى القلب
طبعا يا بنتى مصريه صميمه
انا من جيل فرافيرووووووووو
انا جاىىىىىىىىىىى
هههههههههههههههههه
اشكرك على تعليقك الرقيق
ده بس من ذوقك يا قمر
تحياتى
الغاليه
dark
طبعا المشكله فى الست سنيه
وشوفي مصر بقا فيها كام ست سنيه
شفتي المشكله عويصه ازاي؟
هى الحكومه حتلاحق على إيه وإلا إيه بس
الرحمه حلوة برضه0
تحياتى يا قمر
السلام عليكم
اتسال لو لم يكن هناك نيل كان يبقى ايه حالنا؟؟؟؟؟
ولا النيل هو كمان عاوز جلدة
تحياتى اسلوبك مميز
إنت وعصفورك كلامكوا دايما قاسي
وأغنيتك كمان فيها قسوة
ولما فكرت شوية في القسوة ده جاية منين
لقيتها مش منك
لقيتها من ظلم عايشين فيه
إن كنا مصريين أو عرب
مش عارفة هو الظلم مرتبط بالقومية
يعني المفروض نقول غربي عزيز؟؟
وعربي مظلوم؟؟
ولا الظلم مرحلة بتعدي و تفوت
كتير أطمن نفسي و أقول إن المراحل في مفهومنا ضئيلة .. لكن مراحل التاريخ بتتكلم بالقرون مش بالسنين
إيه رأيك بالمسكن ده؟؟
ينفع؟
الشعب المصري هو الوحيد اللي بيعرف يسخر من مشاكله
احييكي علي البوست الجميل
تحياتي
ماتبقي تبعتيلنا عصفورك ده في الجنوب كام يوم، و الله هينبسط قوي من المية اللي غرقت البلد
:)
تحياتي ليكي و لعصفورك الفصيح
و اسف على التغيب الكام يوم اللي فاتو ، بس من الواضح ولله الحمد ان اللي فاتني بس كان بوست بينقط سعادة و تفاؤل
هههههههههههههه
الطائر الحزين
وعليكم السلام ورحمه الله وبركاته
بيقولوا مصر هبة النيل
وانا شايفه ان النيل هو هبة ربنا للمصريين
النيل عايز الناس تعاملوا بحب اكتر من كده
تحياتي
هنوده الإنسانه
دايما الحقيقه بنشوفها قسوة
الانسان البسيط العادي دايما مظلوم على مر العصور هو ده نصيبه من الدنيا لما يحكمها ناس ما فيش فى قلوبهم رحمه وكل همهم بيدخل جيوبهم كام
المشكله فعلا ان التغيير محتاج مقومات وهى غيرمتوفره فى زماننا بالمره
معلش اصلى مش متفائله
بس اكيد كل ليل وليه اخر
تحياتى يا قمر
العزيز سندباد
وهو احنا قدامنا غيرالسخريه؟؟
اشكرك على الزياره
تحياتي
العزيز طحن
زييييييييي
يا مرحبا يا مرحبا نورك غطى على الكهربا
:):):)
لا يا عم انا عصفوري ما يتغربش ابدا
جنوب ايه؟؟؟؟
لا ولا يهمك يا باشا
ما فاتكش كتيييييير
هههههههههههه
فى انتظار جديدك
تحياتي
الغالية لومي
بوست حلو قوي والكلام من النوع السهل الممتنع
عصفورك طلع اروبة قوي وبيعرف كل حاجة
كنت عايزة اسأل هوفي كام واحد في مصر بيلعبوا جولف؟
طب في كام واحد مش لاقيين ياكلوا عيش حاف؟
يبقى نودي الميه فين؟
تحياتي وتسلم ايديكي
الغاليه ميمي
عصفوري من غلبه مش لاقي حاجه يعملها غيرشويه كلام بيبعبع بيهم وخلاص
:):):)
اما عن كام واحد بيلعب جولف
إنت عايزة مصريين وإلا اجانب بيجوا من بره يلعبوا بالعمله الصعبه؟
يعنى ممكن نقول بالبركه كده بتاع خمسه وخميسه فى المليون بس المشجعين اكتر شويه
يعنى كل واحد بيلعب بيجيب الشله بتاعته معاه
يعنى حسبه اتوبيس سياحه متستف
:):):)
دول اللاعبين
وقولى بتاع 25 مليون مش لاقيين ياكلوا عيش حاف
كتيير؟؟؟
يبقا نودى الميه لمين؟
شفتى بسيطه جدا برافو عليكى
للى حيدفع اكثر
تحياتي
عارفه الحاجه اللى محيرانى بجد هى امتى يعترف الحاكم انه فاشل؟
مجرد فاشل
وطنى وشريف وعفيف وامين ومخلص وحنين وطيب وكل صفات الدنيا الجميله فيه
ماشى
بس فاشل
امتى طيب يقتنع انه فاشل
يا ترى ايه تفسير الفشل فى عقله؟
التعليم بايظ
الصحة بايظه
الميه مافيش
السكن مافيش
الفقر منتشر
الاميه منتشره
المعتقلات مليانه
الطوارئ شغاله
الناس زعلانه
الكرامه متهانه
كل ده ومعتبر نفسه ناجح؟
امتى يقول لنفسه ولنا او لنفسه بس
انا فاشــــــــــــــــــــل
فكرة جديدة جدا لطرح الموضوع .. بس ده مين العصفور ده اللي مش عاجبه الكلام الجميل ده؟
أما عن مغزى الموضوع .. أنا مش مصدق إن فيه مسؤول يكون عنده مشكلة زي كده ويعرف ينام! ما فيش دم خالص كده؟
والله اللى محيرك محيرنا كلنا
بس القصه إنه مش فارقه معاه انه يكون فاشل من وجهة نظر الناس كلها
لانه طول ما هو موجود
فى مكانه معتبر ده نجاح
وحسبنا الله ونعم الوكيل
العزيز الباشمهندز
أحمد
المصيبه انهم مش واخدين بالهم إن الناس خلاص فاض بيها وما بقتش بتسكت
بجد دى ناس ما بتحسش
الناس مش لاقيه ميه للشرب والمشايخ فتوا بجواز التيمم عشان توفير الميه للشرب وهم ولا كأن فى اى حاجه بتحصل
حللنى بقا لما يفكرولهم فى حل ومبدئيا قال إيه تغيير وزاري
يعنى هو الوزير اللى جاى ماسك المحبس فى ايده حيركبه تقوم الميه تنزل من الحنفيات؟
بجد حاجه تفرس
تحياتي وحمد لله على سلامتك والاسره
ويا عم بلاش تمشى ورا كل اللى بيتقالك
ونورت مصر
:):):)
السلام عليكم
ازيك يا جميل
جميل اةى البلوج بتاعك
كل ما ادخل ببقى مش عاوزة امشى
والاغنية تحفة
اسلوبك جميل
وموضوع البوست يوجع القلب
هيا كمان الميه بقى فيها مشاكل
ابسط حقوق الانسان
الموضوع من كتر ما هوا يعتبر مهزلة مش لاقية له تعليق بجد
تحياتى ليكى
ولابداعاتك الجميلة
عزيزتى لومى
عندى لك التاج
تحياتى وسلامى
عندى تاج ليك يا جميييل
أرجو الذهاب ألى مدونه مكان فى القلب وأخذه
حتى عزيزى ونقط اتشالت
يالا
العزيزة حدوته
وعليك السلام ورحمة الله وبركاته
يا ستى المدونه تحت امرك تدخلى وتريحى وتنبسطى زى ما انت عايزة
بيتك ومطرحك
والله انا شايفه اننا ما بقالناش اى حقوق فى ظل الظروف اللى احنا فيها
وإحنا مش بس كمصريين لا كشعوب عربيه عامة
تحياتى واشكرك على الزياره
العزيزة كلمات
اشكرك
بس هو لازم يعنى؟
تحياتى
العزيزة فى القلب
إيه حكايه التاجات
معاكم يا بنات؟؟؟
:):):)
تحياتى
عزيزى 0000
هو انت بيهم معترض
من غيرهم معترض؟؟
:):):):)
لومى
السلام عليكم ورحمة الله وبركاته
يا يا لومى .. ربنا يخلى لنا عصفورك
بس ياريت يروح يستطلعلنا الأمر ويشوف .. هما لسه عايشين من غير ميه .. وإزاى عايشين
أه معاك آمين
ويارب يهدى الناس أجمعين
السلام عليكم ورحمة الله وبركاته
العزيز إسلام
وعليكم السلام
دول مش بس لسه من غيرميه دي العدوى انتقلت لباقى المحافظات
والعمليه دخلت فى بيزنس الميه
والبلاسك
وكله فى سبيل تنشيط الإقتصاد المصري
وسلم لى ع البتنجان
والسلام عليكم
تحياتى
امين امين واحنا مصدقين وبس خيفين نفتح بقنا احسن يجوا يشربونا الميه غصب عننا
العزيز
الستاذ حسني
إن قلت ما تخافشي
وإن خفت ما تقولشي
تحياتي
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
لومي
انا فوقيا راجل غريب كدا ما تشيلخه من امدونه
هو كاتب ايه الحج دا
ما دهيه ليكون فاهم وعارف خيبتنا التقيله دي
عرف اننا عاندنا مايه مقطوعه
وكله بايظ
يكونش داخل بجركن مايه انتي مش واخده بالك ولا ايه؟
بلاش الحركات دي بقي يا لومي عيب عليكي انا اختك برضه
بالنص يعني
الحمد لله في مصر الناس هطق من الميه واتلعيم والفشل الزريع في كل حاجه
وانا هنا هطق من الحر ولا وايه كمان
هيقطعوا الكهرباء قطع مبرمج عشان الاحمال زادت
يعني لا ميه
ولا تكيف ولا اي حاجه
بلادنا كلها جميله اوي يا ولاد والله
مالقيش عندك حته في البيت فاضيه تاخديني فيها
هههههههههههههههههه
تسلم ايدك يا قمر
تحياتي
والله يا لومى انا فعلا مع الحكومه الشعب المصرى بيعمل كل حاجه غلط و يرمى على الحكومه والله حرام عليكو
هو هابلاقيها منين والا منين وانتو عارفين انا اقصد مين
المهم دلوقتى انا احنا رجعنا الشعب لعصر الترعه
جهينه
احنا اصلا معندناش تاكييف فى البيت هاهاها
حكومتنا العبقريه ...ما أعظمها
هو الأخ
love lord
حزب وطني ولا حاجة؟
:)
هههههههههه
العزيز ديفيد
بما أنك تعرف جيدا العربيه
ارجو ان تكتب تعليقك بها
لكى تصل المعلومه التي تريد ان تقولها بسهوله
تحياتي لك
العزيزة جىجى
على فكرة ديفيد بيقرا عربى كويس
يعنى اكيد عارف وفاهم كل حاجه
بس الغالب ان إحنا اللى مش فاهمين
ههههههههههههههههه
انا كنت فى القاهرة من يومين بازرو صديقه ليا قاعده فى الكويت وجايه فى اجازة و حكت لى على حكايه قطع الكهربا أصل الخير لما بيعم بيعم على الكل :):):)
ابقوا اعملوا بقا تنقلات مؤقته
يعنى شوفوا المنطقه اللى مش حتتقطع فيها الكهربا فى يوم وروحوا اقعدوا فيها
انت تنورى يا قمر فى اى مكان
ولو ما شالتكيش الارض نبقا ندور لك على مكان امين ومكيف
هههههههههههههههه
زى ادهم ما قال لك
تحياتي يا جميله
الغالي
love-lord
والله كل واحد حر
:):):):)
وبعدين ماله عصر الترعه؟
الارض لو عطشانه
نرويها بدمانا
دى حته من أغنيه فى فيلم الارض انت ما توعاش عليها
بس لازم تشوف الفيلم ده
تحياتى
العزيز
أدهم
لازم يعنى التسييح ده؟
:):):)
انت جاى امتى؟
ترجع بالسلامه
بل حكومتنا النظيفه ما اعبقرها
مجدي مهنا كان كاتب فى عموده من كام يوم ان ليه صديق باعتله يقوله
اذا كانت دى حكومتنا الذكيه
فإحنا عايزين حكومه غبيه
لأننا ما أخدناش حاجه من الذكاء ده غير وجع القلب والبهدله
بس للامانه يعنى اللى احنا فيه نتاج فشل سنيييييييييييييييين
تحياتى
زياد
سعيده بوجودك مره اخرى
خلليه هو يرد عليك
:):):):):)
تحياتي
ازيك يا حجه وحشاني والله انتي فين يعني ولا انا لازم اشخكط وازعق واقطع النور والميه والهوا عن المدونه بتاعتك
وكمان ادهم بيقولي مفيش تكييف
ايه واجب الضيافه دا
بدل ما تقولولي انكم هتركبوه عشاني
ماشي يا حج ادهم
متشكرين لحسن تعاونكم معنا
عاجبك كدا يا لومي؟
ماشي الحسلب يجمع
باي يا قمر
العزيزة جي جي
:):):):)
تحياتي
البوست جميل جداااا
تحياتى على الاسلوب الرائع ده
تصفيق حاااااااد
الاسلوب روووووووعه
انا بحب اوي الاسلوب دا
لأنه بيوصل بسرعه
للقلب و العقل
تحياتي و تقديري لك
:)
العزيزة شمعه أمل
اشكرك على زيارتك وتعليقك
مدونتك لذيذه
وإختياراتك متنوعه
تحياتي
العزيزة ولاء
اشكرك على الزياره
مدونتك كلها حيويه وشقاوة
ربنا يوفقك يا رب
تحياتى
انا مش حزب وطنى بس هانضم قريباااااا
إرسال تعليق