رن هاتفي
وأنا واخدني النوم الساعه الثامنه والنصف صباحاً
الو مرحبا
اهلين اهلين00 خالتو؟
إيه خالتو00 مبارك ما إجاكون
ولدت عليا؟شو جابت؟
بنت بنت
حمدلله على سلامتها
ملحوظه:تم الاتصال بى لعلمهم انى فى الشغل ولكن هذا اليوم كنت فيه فى القاهرة
ولم يريدوا ان يوقظوا احدا فى هذا الوقت
الحمد لله جت فيّا
:):):)
عدت للنوم
******
رن هاتفي
ماما تتصل
ألو صباح الخير
صباح النور
مبروك عليك الحفيده الجديده
الله يبارك فيك
بس دول حيسموها فاطمه
جميل مبروك عليهم
بدأت نبرة صوتها تعلو
ده انت كمان موافقه؟أنا الاسم د مش عاجبني
يا حبيبتي دي بنتهم وهما حرّين فيها
لا ازاي ومن بين كل الاسماء ما عجبش اخوك غير يسمي الاسم ده؟
الست ما عجبهاش كلامي وقفلت السكه
زفّيت الخبر لكل من كان معي
مرات اخويا جابت بنوته اسمها فاطمه
الكل ألف مبروك وتتربى فى عزهم
*****
اليوم سبوع الطفله وحتى لحظه كتابه هذه السطور لم تقيد
الطفله لانه لم يستدل لها على اسم
:):):)
ولم أرها وربما تمر شهور قبل ان اراها ولكن الاكيد إنه حيبقى لها إسم
فى خلال اليومين القادمين
هام جداً:يا ريت حد يقول لي هل رضى الام كمان فى انه ما يسميش اسم مش عاجبها
بصراحه الموضوع ده ازمني نفسيا
لانه حابب الإسم هو ومراته وأنا كمان حاباه
بس هم عايزين رضاها
هى فى الاخر قالت له سم ما شئت وأنا راضيه
تفتكروا؟؟؟
هناك 37 تعليقًا:
فاطمه اسم جميل
ويتدلع بسهوله
ممكن فطومه وممكن فطمطم وممكن فطاطيمو
ولو عايزه شويه دلع وموضه خليوا الاسم فاطيما
ماشى يا عمه؟
عمة فاطمه يعنى
ابنتي الكبرى فاطمة
وندللها
funna
فنا
أوتوتا أو توتي
غير بطوطة وفطومة وطمطم وأشباهها
وهو اسم اختاره النبي صلى الله عليه وسلم لبنته
ورضا الوالدة أيضا في الاسم إلا إذا امرت باسم محرم أما عدم رضاها عن اسم معين يجب تغييره
مثال على مشكلة الاسم الممنوع
واحد صاحبي سمى عبدالرخمن وأصر والده على تغيير الاسم إلى محجوب
وفعلا قام بالتغيير ومات والده بعدها بشهور وبقي الطفل محجوب
كان ممكن يبذل مزيد من اللين مع والده لإقناعه بالاسم إذا أصر يغير
أما بخصوص النوم فلعلك قرأت تدوينتي قانون مورفي
عزيزي ....
اهى ماما بقا كانت خايفه من اسامي الدلع دى
:):):)
انا قلت برضه فاتيما جميل
ماشى يا عمو
تحياتي
العزيز عصفور المدينه
ربنا يخليلك
funna
واخواتها واخوانها
على فكرة حكايه الدلع دى منتشره فى مصر اكثر من اى دوله تانيه
وده بيدي انطباع ان الاسم مش حلو فالناس بتحاول تغيره بالدلع
بس دلوقت كله بقا بيدلع
اما قانون ميرفى
فكانت اول مرة اسمع عنه عند جدو العزيز
وحاروح اشوفه عندك ان شاء الله
و يا رب والدتى تبقا راضيه قلبا وقالباً
تحياتي
علي فكره اسم فاطمه ده جيل جدا
وانا والدتي اسمها فاطمه كمان وبدلعها كمان لان اسم فاطمه ده اسهل اسم بيدله
ومتزعليش انهم سموها فاطمه ده اسم بنت الرسول
ولا ايه
تحياتي ليكي
اهلين عموووو كيفك
ان شاء الله بخير
حاولي تليني دماغ الحاجه الكبيره كلمتين حلوين كده من اخول وزوجته وانتي والحبايب حننو قلبها على الاسم
هو عموما اسم جميل
ويكفي انه اسم بنت السول واحبهن الى قلبه
ما تتدخولو لها من المدخل ده
ممكن يجيب نتيجه بس حيبقالي الحلاوه
اما من ناحيه رضاها او غير رضاها اعتقد انه برا بها لازم يعني نتلاطف معاه
اما الناحيه الشرعيه الله اعلم معرفش
عموما دا كله لن يغير من الامر شيئ في ان حضرتك لازم توزعي حمص ومغات
ولا انتي بتحكي الحكايه دي عشان تاكليهم علينا
ههههههههههههههههه
الف الف مبروك
وعقبال كل اللي عاوز اطفال ربنا يديله يارب
أولاً مبروك وربنا يبارك فى البنوتة
متهيألى ممكن شوية لين من الطرفين تحل المشكلة. يعنى الأسامى الجميلة كتيرة وأخوكى وزوجته برضه يحبوا إن إسم بنتهم يكون مُحبب للأهل المقربين
أما لو كانوا مرتبطين بالإسم اللي إختاروه وهو إسم جميل فعلاً يبقى يتكلوا على الله ولومى تشتغل على السيدة الوالدة شوية لغاية ما تقنعها بالقبول والترحيب والذى منه
(:
مبروك يا خلتو
يا رب وش جديد أرزقنا رزق جديد
أول حاجه البنت مكتوب اسمها عند ربنا وهو ألى خلا أخوكى ينطق بيه ساعه ما شاف البنت
قولى لماما العذيذه كده وقوليلها يرضيكى نخالف الى كتبه ربنا من الاول
ويمكن الأسم ده يجلب لها البركه
بأذن الله
بس انا مش عارفه ليه حاسه ان ماما زعلانه من حاجه تانيه
زى مثلا انه مش ولد
والله اعلم
لومي العزيزة
الف مبروك
انا شخصيا بحب اسم فاطمة بس اكيد ماما عندها اسباب موضوعية لرفض الاسم
حاولوا تتفاهموا معاها ويا ريت تقومي بدور حمامة السلام
تحياتي
لومى
اسالوا المولودة الجديدة عن رايها والسؤال لابد ان يكون واضح زى كدة
انت عاوزنا نسميكى ايه؟
عجبى ـ رغم ان الاب والام عارفين مقدما انهم منتظرين طفل او طفلة وكان عندهم وقت طويل لاختيار الاسم ورغم هذا اجلوا اختيار الاسم لحين حضور المولود ـ هو دة اسلوب تفكرينا فى كل حيتنا ـ وعلشان كدة بنتقدم ـ تحياتى
فعلا غريبة إن اليومين دول لسه فيه ناس ممكن تأجل تسمية المولود لحد يوم الولادة .. الكل بيكون مستعد بإسم الولد وإسم البنت تفاديا لأي إحتمال
عموما ممكن يحلوا المشكله إنهم يأجلوا الإسم لحد ما ييجي ميعاد المدرسة
ألف مبروك على كل حال .. فين بقى المغات؟ المدونة مالها ناشفة كده؟
العزيز طارق
ربنا يخليلك ماما
و طبعا هو بيسميها كده تيمناً بابنه الرسول
تحياتي
مبروك لاخوكي
خلاص هما يسموها فاطمة في شهادة الميلاد ووالدتك تدلعها باي اسم
انا شايف ان الزوج والزوجه هما اللي يختاروا وبقدر الامكان لا يزعلوا الوالدين لانهم الخير والبركه
العزيز
اسكندراني قوى
اهلين
اهلين وسهلين
كيفك انت؟
يا ابنى هى اول ما تسافر وتشوفها حتطير بيها من الفرحه
احنا يا فندم بنوزع ملبس
و كراويه
ودى مش زى الكراويه المصريه
لا دى بتتعمل زى الموغات و بتحط على وشها مكسرات
بس الشرعى العقيقه حضرتك
وكلكم مدعويين
وابقوا قابلوني
العزيز مدحت
الله يبارك فيك
انا بقالي اسبوع سايباهم رسايل رايحه ورسايل جايه
لحد ما لقيته عايز يكلمنى فى الموضوع
وانا كان رأيي إنه يسمي اللى هو عايزه
وانا شخصيا حابه فاطمه من ضمن شويه اسماء كلها قديمه
المهم الحاجه لانت شويه لانى بجد صعب عليا هيثم جدا
وقعدت اكلمها
بس هى اشترت دماغها وقالت خلاص هو حر وانها مش زعلانه
شكرا
على ثقتك فى انى ممكن اغير حاجه
:):):)
العزيزة فى القلب
الله يبارك فيك
يارب يا رب
اه طبعا انا قلت كده
لو مكتوبه فاطمه
حتتسجل فاطمه
لا لا ابدا
اخويا عنده ولدين قبل فاطمه
واحنا عيله ما بنميزش بين ولد وبنت خالص
تحياتي
الغاليه ميمي
الله يبارك فيك
هى بصراحه خايفه انه ما يتنطقش باللغه العربيه الصحيحه
ويحور من بطه لبطاطا لفتوش
هههههههههههههههههه
والله عملت لحد ما دخت من كثر الطيران
رايح جاى
ههههههههههههههههههههههههههه
تحياتي
العزيز جدو
والله هما كانوا مسميين من الاول
بس ماما كانت فاكرة انها حتقدر تخليه يغير الاسم خايفه يتحور من فاطمه لاسماء اخرى
كفطوم وبطاطا
على فكرة
انا قريت
حكايه الحمار والقرد والقرداتى
وما اكثرهم فى هذه الايام
القصه اللى عند زنزانه
مؤلمه
بس ما ينفعش تنتهى بطرد البنت
لازم يستدل على اهلها
بعيدا عن موضوع الدين
مش عارفه باحس ان القصص دى للفرقعه
اكثر من اى شىء تان
الناس فى مصر ما عندهاش حته مسلم ومسيحى بالشكل اللى بيحاولوا يبينوه فى وسائل الاعلام
لازم فعلاً الناس تبقا اكثر وعياً
العزيز احمد
انا رأيي إنهم يستنوا ليوم ما ييجى عدلها:):):)
يا باشا احنا عندنا كراويه
حاجه كده غير الكراويه المصريه
وبيتحط على وشها جوز هند ومكسرات
لو عزموك إبقا ابعت لى
:):):)
تحياتي
شكلى جبت الكلام للعيله كلها
هههههه
العزيز
wahed
الله يبارك فيك
زى ما تكون بتقرا افكار والدتي
بس هى قالت
يسميها اى اسم وينده لها فاطمه
:):):)
ان شاء الله ده اللى حيحصل
تحياتي
لومى
السلام عليكم ورحمة الله وبركاته
أولا ألف مبرو .. ولابنا يبارك فيها
بس مش عارف ماما زعلانه ليه
عامة بكره لما تشيلها وتجرى حواليها هتنسى الإسم، وتفتكرها هى بس
ويا سيتى خليها تدلعها بالإسم اللى بتحبه
مبروك
السلام عليكم
هو يسميها زى ماهو عايز بس يحاول مع مامتك يحببها فى الاسم ويقول لها بالهدوء والتفاهم وان مرديتش يسموها هما فاطمة ومامتك تناديها بالاسم اللى يعجبها
اه ماهي هي دي اخرتها ابقو قابلوني
طيب فين والساعه كاااام ؟؟؟
ههههههههههههههههههههههههههههه
ماشي انا حسال زمايلنا الشوام عن الكراويه دي واعرف هي اكل ولا شرب
هههههههههههههههههههههههههه
إسلام
عليكم السلام ورحمة الله وبركاته
الله يبارك فيك ويا رب يفرح كل الناس
اه طبعا اول ما تشيلها حتنسى الاسم خالص وتحبه على محبتها طبعا
تحياتي
العزيزة هند
ان شاء الله حتتسمى باسمها المكتوب لها
وماما اول ما تشوفها وتحضنها حتغير
رأيها فى الاسم
اشكر لك زيارتك
تحياتي
العزيز
إسكندراني أوى
هههههههههههههه
بعد الصلاه
:):):)
العنوان
دمشق
الجسر الابيض
حارة الأبرش
واللى يسأل ما يتوهش
بيت ابو فاطمه
هههههههههههههههههههه
وتروح بعيد ليه بس ؟
غاوى شحططه؟
الكراويه دي مسحوق ويضاف عليها نفس المقدار من ارز مطحون
بمقدار ملعقتبن من كل منهما لكل فنجان شاى وترفع على النار وتقلب حتى الغليان
وتصب ويزين الوش بجوز هند او دعد زى ما انت تحب يعنى
:):):)
ولوز مقشر وفستق مقشر وصنوبر وبندق للى غاوي يعني
وتؤكل بالملعقه بالهناء والشفاء
وطبعا تحلى بالسكر على النار مع التقليب المستمر
شفت بقا؟
دى وصفه سهله
دى وصفه هايله
بس إيه تاكلها من هنا وتبقا عايز تناااااام من هنا
ولا ينصح بها فى الصيف
وفى المناطق الحاره
تحياتي
الله اسم جميل
ربنا يكرمني بالبنت الي اسميها فاطمة
بوست جميل له عندي معني تاني
ربنا يخليهاله
سواء كانت فاطمة او غير كده
وبعدين انا مش شايف ان الاسم هيفرق كتير
المهم يحبوها ويربوها كويس
وع العموم فاطمة اسم جميل
وانا نفسي اعرف حاجة بقا
عرفتى منين انى بدخن؟؟؟؟؟
العزيز عادل
إنت فين يا راجل؟
ربنا يزقك بفاطمه ان شاء الله
وتحكيلهم حكايه سوسو ولولو وتوتو
بتاعة محمد سمير
:):):)
تحياتي
العزيز
horas
الله يخليك
طبعا الاسم مش مهم
لانها اكيد متسميه مسبقا عند ربها
وعارف
بعد ما كتبها فاطمه
راح للمختار
اصل الكلام ده فى سوريا
وغير الإسم وبقت أسماء
زى ما مامتي عايزه
هههههههههههه
انا عرفت من بوستك
كلب وحيد يتنفس
:):):)
تحياتي
تدخل غريب حبتين
بس الامهات امهات
اتمنى يقدرو يتقبلو زعلها باراحة
ويسموها الاسم اللي حابينو
اكيد ما دا ام
يبقى حبتين وهتنسى
مبروك عالبيبي
العزيز احمد سلامه
بالظبط الامهات امهات
لازم تتدخل فى كل شىء
بس فى النهايه كل واحد حر
يسمي زي ما هو عايز
وهو سماها فاطمه الإسم اللي هو عايزه
وتاني يوم
راح غير الإسم وبقت أسماء
:):):)
تحياتي
ازيك لومى
عامله ايه ؟
والله طالما هم موافقين خلاص وأكيد ماما هاتتقبل ده لو قعدت مع نفسها وحاولوا تقنعوها
وفاطمة اسم جميل
خصوصا لو اتنطق صح
مبروك يا لومى عالمولودة الجديدة وانا من رأيى مش المفروض حد يتدخل فى حياة حد تانى حتى لو كان الاولاد وخصوصا اما بقى لهم حياتهم الخاصة وبقى لكل واحد شريك وهما الاتنين بقى لهم خصوصياتهم .. حكاية تدخل الحموات حتفضل ازمة بين اى اتنين طول العمر .. معلش اصل انا عانيت من التدخل ده فى حياتى من حماتى .. وعلى فكرة دى حاجة مالهاش علاقة برضا الام او الاب .. تحياتى لكى
الغاليه
dark
الحمد لله يا حبيبتي انا كويسه
هما رسيوا على اسماء خلاص
:):):)
بوستك الاخير جميل
افتكرت البنت السمرا اللى فى فيلم مافيا اللي كانت ماسكه ايد احمد السقا ساعه الاغنيه
النت قطع منى قبل ما اعلق عندك
بس قريب حتلاقى تعليقي
تحياتي
العزيزة
bocycat
الله يبارك فيك يا رب
طبعا التدخل مش وارد
بس اخويا ومراته متفقين جدا على انهم ما يزعلوش ماما فى موضوع الاسم
مش عارفه ليه؟
ومع انهم سموها فاطمه وما ما اعترضتش وقالت خلاص دى بنتهم
إتصل بينا امبارح وقال إنه غير الإسم وخلاها اسماء
وعلى فكرة اسم اسماء مش ماما اللى اختارته
حد من خالاتي اقترحه
الحمى الصعبه بتبقا سبب فى مشاكل كتير بين الزوجين بس الراجل والست الناصحين اللى يعرفوا يكسبوا رضاهم من غير ما يزعلوهم وبرضه يمشوا اللى هم عايزينه
تحياتي يا قمر
مبروووووووك يا جميلة
و الاسم و الله روعه
و يا ريت يبأه فاطمة الزهراء
( لو فيه اسامي مركية)
و مامتك بحبه دلع و كده
هترضي
:))
ربنا يحميكم يارب
تحياتي و حبي
إرسال تعليق