الخميس، مايو 31

المرض نعمه 2

هل فكر احدنا يوما فى الطريقه التى يتمنى ان تنتهى بها حياته؟
طبعا الاعمار بيد الله
كم مرة استيقظت على جرس الهاتف وهو يلح بشده لتسمع خبرا
مفاجئا بموت صديق او قريب؟
كيف حدث هذا؟
لقد كان معى بالامس على الهاتف وحكى لى اخر نكته ؟
الله يرحمه
و كم مريضا صادفته يتعذب من شده المرض و دعوت الله
ان يخفف عنه ويريحه مما هو فيه؟
لا بد انهم كثر
والان هل تتمنى ان تموت بالطريقه الاولى او الثانيه؟
ستقول لى الاعمار بيد الله
ولا يملك احدنا ان يختار
وانا معك بكل تأكيد
ولكن فكر معى قليلا
لو انك ذهبت الى طبيب واخبرك انك بعد الشر بعد الشر يعنى
مصاب بمرض خبيث وان ما تبقى لك معنا فى هذه الدنيا
وانت عارف طبعا ان الدنيا فانيه
يعنى ما ينبكيش عليها
كيف ستتصرف؟
اقولك انا
غالبا ما ستسود الدنيا فى عينيك و تنهار مقاومتك و ربما امتنعت عن الكلام
وعن مقابله الاصدقاء وتوقفت عن ممارسه اى نشاط حيوى
وهذا طبيعى جدا ولكنه ليس منطقي فبقليل من التفكير ستجد انك فى وضع مميز جدا
فعادة ما نعيش فى هذه الدنيا وننشغل بامور الحياه وتغيب عنا امور كثيره
هل الموت هو اخر الدنيا؟
سيقول البعض
نعم هو اخر الدنيا
ولكن هناك حياة اخرى انت لاه عنها
تبدأ بمجرد خروج روحك وصعودها الى بارئها
وكثر منا من لا يعملون حسابا لهذه اللحظه
فلو علمت ان الله سبحانه وتعالى قد اعطاك الفرصه
وحدك دون غيرك لتلتفت لهذه اللحظه الاتيه لا محاله
اليس من الافضل ان تستفيد منها
فلقد اعطاك الله فرصه لتصحح كل اخطاءك بلا استثناء
بالتوبه و الاستغفار
بتوفيق اوضاعك ومن حولك
هذه محاوله لتحويل كل ما هو سلبي فى نظر البعض الى شىء ايجابى
ملحوظه:لمن لم يقرأ بوست المرض نعمه السابق هذا كان ملخص فكرة صديقى الفيلسوف

هناك 48 تعليقًا:

Xee يقول...

العزيزة لومي

أخالفك الرأي جدا....فالمرض هو أفظع شيئ في هذه الدنيا بلا منازع...أفظع من الفقر و الظلم و الجهل و حدث ولا حرج

النعمة المشار إليها في مقالك الجميل قد تكون نعمة الإيمان و ليس نعمة المرض
فكم من مريض إقترب أجله كان مرضه السبب في قنوته من رحمة الله

مرض الموت صديقتي يقتل الإنسان ألف مرة في اليوم،،، يقتله جسديا و نفسيا
ينهشه نهشا و يمزقه تمزيقا ما بين رهبة مماهو ات و خوف و ولع على من سيترك خلفه

خبريني بما أفظع من صدور حكما بالإعدام مع التعذيب الجسدي و النفسي إلى يوم التنفيذ أخبرك عن مرض الموت

تحياتي و مودتي

islam يقول...

السلام عليكم
لا شك أن المرض نعمة، وجميع الإبتلاءات كذلك، فهى تجعل الإنسان يفيق من غفوته ويتذكر ما كان نسيه من أمر الآخرة
ولكن المشكلة أن الإنسان نساى بطبعه، فسريعا ما ينسى ما تذكره
وما لنا إلا أن ندعوا الله أن يذكرنا فلا ننسى... أمين
*****
فى الحقيقة بوست صعب التعليق عليه
تحياتى
السلام عليكم

غير معرف يقول...

اوصانا الرسول صلى الله عليه وسلم
بكثرة ذكر هادم اللذات الا وهو الموت
مما يجدد التوبه والاستغفار0

يا مراكبي يقول...

الموت قادم لا محالة وليست المشكلة في الموت بذاته .. المشكلة تكمن فيما بعد الموت: هل نحن على إستعداد له أم لا؟

فالموت ليس نهاية كما يبدو لنا .. بل هو بداية لما بعده .. وما أطول ما بعده .. وا أصعب ما بعده

المرض جند من جنود الله .. له حكمة من الإبتلاء به .. مهما كان مؤلما وثقيلا على النفس

عصفور المدينة يقول...

السلام عليكم
سعدت بزيارة هذه المدونة
ولا أدري ما هو عمرك ولكن أعلمك أن الذين هم في سني وطالع إذا كانوا ممن لم تغرهم الدنيا المفروض أن هذا الموضوع يشغل حيزا كبيرا من تفكيرهم
والصحيح أنه المفروض يشغل أذهان الجميع بطريقة عملية يعني على رأي الفلسطينيين
إذا بدنا نموت بدنا نموت
يمكن أن يكون الإنسان نحن نراه نموت فجأة ولكن هو ممن استعد للقاء الله عمرا مديدا وممكن إنسان يطعن في السن وهو لاه غافل هرم وشب أمله
فالخلطة المناسبة للإنسان تختلف عن غيره وعافية الله أوسع للجميع
وأهديك تدوينة شقيقة لتدوينتك هذه

أحزان1
وسعدت بزيارتك ودعابتك بس عندنا بيقولوها كتكوت مش عصفور

zenzana يقول...

الأشياء المؤجلة لا يحين موعدها الموتي

وحدهم أجلوا مواعيد كثيرة كذبوا

أحلاما كانت ستحدث لو أنهم

صدقوها ...أنتظروا موعدا واحدا حدث

لأنه كان لابد أن يحدث ..لم يكن غفلة

منهم حقيقة، كان يقينهم الوحيد.

Gid-Do - جدو يقول...

العزيزة لومى

قولتيلى تعال شوف المدونة ـ جيت اشوفها اهو ـ انت يابنتى بتشتغلى فى محل حانوتى يمكن كمان معددة ولا مغسلة اموات ـ عبال ما انتهيت من قراية البوست كنت اكتابت خلاص كل المصريين بقوا دة ـ ليهم حق ينفوكى فى المنيا ـ ولو بايدى كنت نفيتك فى الوحات ـ

عدى النهار يقول...

جميل منكِ طرح فكرة النظر لشىء إيجابى فى ما قد يصيبنا فأمر المؤمن كله خير كما قال الرسول صلى الله عليه وسلم. موت الفاجئة حقيقى مؤلم حتى ولو كان لناس لانعرف عنهم شىء وأيضاً المرض بلاء عظيم. أسأل الله العفو والعافية والحياة الكريمة الحسنة والميتة الكريمة الحسنة.

موقف ذكره الشيخ الغزالى وتذكرته عند قراءة هذا البوست وهو أن رجل فاضل عرفه الشيخ مرض وتطلب الأمر بتر إحدى ساقيه وذهب إليه الشيخ مواسياً فوجده فى حالة نفسية طيبة ويحمد الله على أن الساق التى فقدها صحبته طيلة عمره صحبة طيبة وسعت به دائماً فى كل خير. الأمر بيتطلب وعى وفهم سليم للدين ونفسية متوازنة وقبل كل شىء رحمة ربنا .

نرجع للأغنية الجميلة المعبرة دى... كنت فاكر إن خلاص مافيش حد فيه نفس أو يعرف يكتب مثل هذا الكلام لكن الحمد لله طلعت غلطان.
تحياتى

gohayna يقول...

بصي يا لومي

انا عن نفسي ليا تجربه شخصيه في الموضوع دا

كان فيه فتره تعبت فيها وتعبي كان شديد
وايام الكشف كانت صعبه للغايه وبما اني دكتوره فاصعب شيء انك تكوني فاهمه انه ممكن يكون عندك مثلا مرض معين
او شاكه فيه

كانت لحظات انتظار صعبه للغايه

بجد عايزه اقولك ان الانسان في الوقت دا مش بيفكر غير في الدنيا والي عمله
وكل حياتك الي فاتت والي كان ممكن تعشيها بتترسم قدام عنيكي

عشت اصعب يومين في حياتي كلها
لغايه ما ربنا كرمني وطلع الموضوع بسيط وكل الي كنت شاكه فيه كانت اوهام

الحمد لله
من واقع الايام دي
انا اتغيرت كتير
وعرفت ان الانسان ما هو الا دقائق تسير علي الارض

بأنتظار انتهاء وظيفتها والي زوال

مفيش حاجه تستاهل اننا نرتكب ذنوب ونعصي ربنا

ما فيش حاجه تستاهل اننا نزعل عليها

مفيش ابدا صدقيني

الدنيا والعمر اقصر من ما نتخيل
............
تحياتي يا قمر

ابو العربى يقول...

والله احيانا المرض ياتى رحمه من الله للمريض
الهم انعم علينا بالصحه دائما
وفعلا لازم الواحد يراجع نفسه كل شويه ويتوب وينوب عن ما فعله بعمل صالح

تحياتى

loumi يقول...

عزيزى زى
صيغه المبالغه افعل تختلف من شخص للتانى
انت شايف المرض افظع
انا شايفه القهر والظلم افظع
و غيرنا ممكن يشوف الفقر افظع
يعنى نظرتنا للاشياء تختلف وبالتالى ما اراه انا نعمه قد تراه انت نقمه
اما اذا تسبب المرض فى قنوط المريض من رحمه الله فهذا عيب المريض وليس عيب المرض 0
هى الفكرة كلها انك لو عارف انك قدامك فرصه عشان تكفر عن ذنوبك وتستغفر ربنا لازم تستغل الفرصه دى وتحمد ربنا لانه فضلك عن ناس ماتوا من غير ما تتاح ليهم الفرصه دى0
خالص تحياتى0

Gid-Do - جدو يقول...

لومى

انا كنت حلو انت اللى عملتينى متشائم من ساعة ما قريت البوست دة وانا حابس نفسى فى اودة وزوجتى كل ما تدخل على تلاقينى عمال اقول
لومى السبب
والمسكينة مش عارفة فاكرة لومى دية موظفة عندى واخيرا قالتى ارفدها
فقلت بس الواحات هى الحل
لكن بما انك مبسوطة فى المنيا يبقى كفاية عليكى وهى عقاب برضة
سعيد بروحك المرحة وربنا يسعدك دائما
تحياتى

loumi يقول...

عزيزى....
ارجو ان اكون قد استطعت
ان اوصل الفكرة بطريقه مرضيه
تعليقك يزيد البوست ثراءا
تحياتى

loumi يقول...

اسلام
وعليكم السلام ورحمه الله وبركاته
ادعو الله ان لا بكنو من النسايين
وان نظل نذكر نعم الله الكثيره علينا
التعليق على البوست يمكن ما يكونش سهل لانه ممكن تكون الفكرة كتير منا مش واخدين بالهم منها
سعيده بتعليقك
والسلام عليكم

loumi يقول...
أزال المؤلف هذا التعليق.
loumi يقول...

عزيزى
المجهول

الحديث يدل على انك متفق معى فى وجهه النظر

تحياتى

loumi يقول...

العزيز احمد
كلامك صحيح
هل نحن فعلا نعد العده
لما بعد الموت؟
و هل نتعظ مما نراه امامنا؟
اللهم اجعلنا من عبادك الصالحين
تحياتى

loumi يقول...

عصفور المدينه
وعليكم السلام
و رحمه الله وبركاته
اسعدنى انك سعدت بزياره المدونه
ربما اكون فى مثل عمرك وربما اقل قليلا:)
وبما انه اذا بدنا نموت بدنا نموت
يبقا الواحد لازم يتزود بالايمان
الصادق لمواجهه هذه اللحظه
سعدت بزيارتك
تحياتى

loumi يقول...

احزان1
قرأت الموضوع وتركت تعليق
هى فعلا يا كتكوت
بس انا جيرتها للعصفور
مشان تناسب عصفور المدينه
:):):)
تحياتى

loumi يقول...

الجميله راندا
سعدت بتعليقك الاول
واتمنى ان تتكرر الزيارات
انت عندك وعى ربنا يديمه عليك
تحياتى
يا جميله

loumi يقول...

جدو جدو جدو
مش ممكن والله
تعليقين فى بوست واحد
احمدك يا رب حققت لى كل اللى
باحلم بيه واضح انى زعلت المدام
طب اعمل ايه دلوقت؟
انت مش مهم
هههههههههه
والله انا سعيده بيك جدا
وان شاء الله البوستات اللى جايه
تكون بنفس قدر التشاؤوم
عفوا قصدى التفاؤول
وربنا يخليك وتزورنى كمان وكمان
تحياتى للمدام
مش ليك
:):)

loumi يقول...

عدى النهار
كل ما اشوف اسمك ادندن
اغنيه عبد الحليم0
و عدى النهار
الايجابيه مطلوبه فى كل شىء
بس مش كل الناس بتقدر تعمل ده
زى ما قلت محتاج
وعى و توازن وايمان قوى وفهم سليم
اتمنى ان تجتمع كل هذه الاشياء عند كل الناس فتصبح حياتهم افضل
الاغنيه دى هديه من صديقى
صاحب مدونه كراكيب عادل
جميله ومعبره جدا جدا
والحمد لله انك اكتشفت ان لسه فيه ناس ممكن تكتب الكلام ده
سعيده بزيارتك واتمنى ان تدوم
ودايما بيعدى النهار
بس بييجى وراه يوم
جديد فيه امل
وحياه
تحياتى

loumi يقول...

بصيت يا جي جي

الحمد لله ان الموضوع طلع بسيط
و طبعا انا مقدرة القلق اللى
ممكن الواحد يحسه لما يكون شاكك
فى شىء معين وخصوصا كطبيبه
لان اللى بيعرف حقيقه الشىء غير الانسان اللى ما بيعرفش
يمكن كلامى ناس تقول انه نظرى
بس انا سألت ابنى تحب تموت فجأه والا تبقا عارف انك حتموت بعد فترة
من غير ما يتردد
قاللى ابقا عارف طبعا
ولما سألته ليه
قاللى عشان اكفر عن ذنوبى
يمكن احنا مش عمليين وعاطفيين شويه
ومش بنحب المواجهه
والافضل ان الانسان يعيش كأنه يموت غدا
المهم بقا اخبار الدنيا عند ايه؟
ليك وحشه
يا قمر

loumi يقول...

عزيزى ضد الظلم
كل اللى يجيبه ربنا كويس
دى كانت مقوله جدتى دائما
مهما الم بها من مصائب
تحمد الله وتشكره على نعمه
وهذا فى حد ذاته نعمه
ان تتقبل كل ما يصيبك من الله بنفس راضيه شاكرة
اتمنى هذه النفس للجميع
تحياتى لك

أسوور يقول...

أشك فى ان المرض نعمة
المرض نقمة يا عزيزتى .. لا تتمنيه .. لا تستهينى به .. لا تفترضى ما لا تعرفينه ولا تتوقعى ما لم تعيشينه
أما كيف نموت فالموت واحد مهما تعدد الاسباب
وأنا شخصيا اعتقد انى لو اصبت بمرض خبيث سأحزن جدا وأتمنى أن أعيش كل لحظة فى الدنيا لم أعشها وسوف أتمنى أن استمتع بكل متعة لم أحسها

ولن أحتاج ان اصالح أحد فكل الناس اصدقاء ومقربين
متهيألى ان فى ناس هتعوز تصالحنى لأنى لم أخطىء يوما فى حق انسان سوى نفسى
الله محبة .. إن أحبك الناس فأنتى قريبة من الله
تحياتى

Xee يقول...

العزيزة لومي

اسمحيلي اعلق على تعليق جدو التاني

جدو العزيز

هههههههههههههههههههههههههههههههههه
ههههههههههههههههههههههههههههه
هههههههههههههههههههههههههههههه
جامده جدا يا جدو

تحياتي ليكي ولجدو

loumi يقول...

عزيزتى ياسمين
اليك بعض التعليقات

المرض افظع شىء فى الدنيا
ده كلام زى

ماذا يفيد الايمان؟
ده سؤال هارملس

لا شك ان المرض نعمه
ده كلام اسلام

لا يمكن ان نتجتمع على رأى واحد وده منطقى
لان كل انسان يرى الامور من من وجهه نظره هو
ولكن هذه كانت دعوة للتفكر ورؤيه مختلفه
للنعم التى قد تتاح لنا ولا نحسن استغلالها
انا لا افترض ما لا اعرفه ولا اتوقع ما لم يحدث
ولكن اذا كنا نتعامل من خلال عالم افتراضى
فلا ضير من افتراض اشياء
فقد تتحول الفرضيات الى
واقع ملموس فى يوم من الايام
الله محبه ده شىء اكيد
بس ربنا زى ما بيحبنا
لازم احنا نحب نفسنا ونحبه اكثر
يا ياسمين
اللى بيظلم نفسه
بيظلم اللى حواليه برضه
بس من غير ما يبقا واخد باله
اصل انا كنت فاكره زيك انى ياظلم نفسى بس
وده كان فى نظرى ابشع الوان الظلم
بس مع مرور الايام اكتشفت انى ظلمت ناس وناس ظلمتنى
وهى دى حال الدنيا
ومتوقعه انك مش حتقتنعى بكلامى

تمنياتى لك بدوام الصحه والعافيه
وربنا يبعد عنك وعن كل من حولك المرض
تحياتى يا قمر

كراكيب عادل يقول...

الله الله علي الموضوع دة ربنا يكرمك

اختيارك لة ممتاز بجد

مش بس بياخد فرصة دة كمان بيؤجر علي المرض دة لو احتسب الاجر طبعاا

والانسان المؤمن فقط

هقولك علي حاجة لازم الي يروح الجنة يكون طاهر نقي

والبشر بيمر بحجات كتير بتلوثة

لازم لة مجموعة فلاتر علشان يتنقي منها المصائب

والامراض والابتلاءات

ومنها اخر حاجة القبر وما يحث فية

واخيراااا الفلتر الاخير الارض

الارض لا تاكل اجساد الطاهرين وتبلي فية اجساد الغير ذلك

المهم الفلاتر دي بتكون رحمة طبعااااااااا

لان ربنا غفور ورحيم

ربنا يخليك يا رب وشكراا بجد ليك

loumi يقول...

العزيز عادل
الله يخليك يا عادل
ولا داعى للشكر
فهذه الفكرة تلح علي من فترة
كى اطرحها
صراحه انا اول مرة سمعت فيها الرأى ده
ذهلت
لان فلسفه المرض والموت
مش حاجه سهله
بس بجد حسيت قد ايه ممكن شىء سلبى ممكن يتحول لشىء ايجابى
بشويه تفكير ووعى وفهم صحيح للامور
ارجو ان اكون قد طرحت الفكرة بشكل جيد
تحياتى

gohayna يقول...

ربنا يكرمك والله يا لومي

وانتي كمان وحشاني

وبعدين ازاي تبصي من غير ما اقولك

فرضا كان حد خالع راسه ولا حاجه

ههههه

تحياتي يا حبيبه قلبي

Gid-Do - جدو يقول...

loumi

على طريقة ضربنى وبكى وسبقنى واشتكى
جيتى تتهمى راجل محترم ـ زياد ـ عمرة ما ندهلك غير باسمك ورغم هذا اتحفتيه بلقب ـ واد ـ ماشى

ورحت مدونتك علشان اشوف ادلة الجريمة واكتشفت خيبة بالويبة من العيار التقيل ـ ام اسمها لومى ـ بتسال ابنها ضناها فص كبدها

بس انا سألت ابنى تحب تموت فجأه والا تبقا عارف انك حتموت بعد فترة
من غير ما يتردد
قاللى ابقا عارف طبعا
ولما سألته ليه
قاللى عشان اكفر عن ذنوبى

وفى لحظتها اصدرت حكمى ان حتى الواحات مش كفاية عليكى انت لازم اوراقك تروح لفضيلة المفتى

loumi يقول...

لا بقا يا جي جي
ده انت اللى قايله لى
بعضمت لسانك بصي
هههههههههههههه
يا رب دايما بخير وسعاده
تحياتى

loumi يقول...

يا جدوووووووووووووووووو
اكيد انت فاكر ان ابنى ده عيل صغير
ده انا باتكسف امشى جنبه لا يقولوا عليه اخويا الكبير
:):):):)
وبعدين مقاوح
وبعدين انا ام ديمقراطيه
احب اتكلم معاهم فى كل حاجه
يعنى
لو ما اخدش خلاصه تجربتى حياخدها منين؟؟؟؟؟
:):):)
ها؟
ها؟
ها؟
تقدر تقوللى؟
عارفه انك حترزعنى تعليق
ما حصلش
ربنا يخليك ليا
مخللى الحياه ليها طعم تانى
بس مش حاقولك هو ايه
تحياتى

حواء يقول...

تعددت الاسباب والموت واحد .. بس فى ناس بترضى بقضاء الله وقدره وتتعايش مع المرض عادى لدرجة ان من كتر ايمانها ان ربنا عايز كدة ممكن تقاوم وتخف منه وناس تانية تفضل تندب حظها وياحبذا بقى لوكانت صغيرة فى السن او فى اولاد وحيعملوا ايه من بعدى وحاجات من دى .. عموما المرض ده بنشوفه كتير فى جيراننا واقربنا واصحابنا ولازم نعرف ان ده كله قضاء وقدر لا اعتراض عليه ومش لازم ييجى لنا المرض عشان نرجع للوراء ونشوف حياتنا ماشية ازاى ونصلحها ممكن ييجى فى وقت مينفعش فيه الندم ولا الاصلاح .. تحياتى

بسمه عبدالباسط يقول...

موضوع هايل
فعلا كل الناس بينسوا أنهم فى يوم هايموتوا ومحدش بيعمل لليوم ده والمرض فعلا نعمه تعرفى ليه حتى لو مش علشان هايخلى الواحد يفتكر ربنا ويستغفر من ذنوبه أصلا كل حاجة بتتعبنا بناخد عليها حسنات فيه حديث للنيى أنا طبعا مش فاكراه بس معناه بيقول أن الواحد لو بس أتشك من الأبرة بياخد ثواب على كده ما بالكم بقى بمرض خطير أو أى مرض
ياريت فعلا كلنا نصحى ومن غير حتى مرض نفوق من اللى أحنا فيه
تحياتى

أسوور يقول...

لومى
طب ايه رايك بقى انى اقتنعت بكلامك فعلا
انتى عندك حق اسوا شىء اننا نظلم الناس حوالينا
بجد تعليقك قريته عدة مرات
واثر فية جدا
تحياتى

-_- يقول...

هو فعلا فيلسوف

بس المرض وحش برضه

مدونتى فيها موضوع ريحته وحشة
اللى بيقرف ميدخلش عندي

:)))))))

.:.-=- ELGaZaLy-=-.:. يقول...

هممممممممممممم

تصدقى كلامك صح وجدااا

المرض بيخلى الشخص يفوق زى

الشخص الى هايخش فى نوبة ومحتاج قل

علشان ميجلهوش انهيار عصبى

بس المشكلة ان اسمنا انسان من النسيان

ربنا يرحمنا

عجبتنى اوى التدوينة يا لومى بجد

loumi يقول...

العزيزة بوسى كات
انا اول امبارح جانى خبر وفاة
ام صيدلانيه كانت تعمل معى من فترة
وبجد اتاخدت
لانى كنت معاهم من حوالى 15 يوم فى حقيقه حفيد الست دى وكانت قاعده وسطينا منورة القعده بروحها المرحه وبشاشه وجهها بجد ما قدرتش غير انى اقول ربنا يرحمها
ولما عرفت انها كانت مصابه بسرطان من عام تقريبا
تذكرت البوست وكل التعليقات
تحياتى لك

loumi يقول...

العزيزة
bos bos
كلنا بننسى لبعض الوقت
والحمد لله ان ربنا بيبعتلنا حاجات
تفكرنا وترجعنا من التوهان تانى
ومن نعم ربنا علينا ان الحسنه بعشرة امثالها بينما السيئه بمثلها
وزى ما قلتى حاته الشوكه ربنا بيبعتهالنا عشان يحض بها عنا خطيئه
فى رحمه ونعمه اكبر من كده؟
وسعيده ان الموضوع عجبك
تحياتى

loumi يقول...

العزيزة ياسمين
رأيي انك انسانه جميله
وسعيده بأن تعليقى اثر فيك
لانى اعتقد ان الفائده من تبادل الأراء هو اضافه اشياء ورؤى
جديده لبعضنا البعض
تحياتى ليك
وتمنياتى بالتوفيق

loumi يقول...

ديفيد سانتوس
اشكر لك زيارتك
وان غدا لناظره لقريب
تحياتى

loumi يقول...

العزيز شارم
انا لبست الكمامه
وجازفت ودخلت موضوع مطرقع
ههههههههههههههههه
تحياتى
اه طبعا هو فيلسوف
تحياتى
تانى

loumi يقول...

العزيز الغزالى
سعيده جدا ان التدوينه عجبتك
التدوينه الاخيره عندك جميله بجد
وفى انتظار نهايه القصه
ما تمررناش بقا
:):):)
تحياتى يا مهاجر

اتفضل عندنا يقول...

لومي
المرض و الصحه الاتنين ابتلاء من ربنا سبحانه و تعالي ، بالعكس انا باحس ان الصحه ابتلاء اكبر لانها بتغر الانسان و بتلهيه...المؤمن اللي بجد ربنا في قلبه دايما و في كل حال
نورتيني بزيارتك و هتشوفيني عندك كتير

loumi يقول...

عزيزتى
سعيده بزيارتك
والحمد لله مشكله الحروف اتحلت
ما فيش شك ان الدنيا تلاهى
والانسان نساى بطبعه
بس الصحه نعمه
ولازم نحافظ عليها لاننا سوف نحاسب
عليها
والمرض ابتلاء عشان نفوق من التوهان اللى احنا فيه
ولما نقول ان المرض نعمه
فاحنا بنحاول
الاستفاده من هذا المرض لمراجعه النفس
وتصحيح ما يمكن تصحيحه والاستغفار
تحياتى يا قمر
وتشرفينى فى اى وقت
المدونه تحت امرك
تحياتى

غير معرف يقول...

اهنئك على هذه الكتابه

دومتي مبدعه

loumi يقول...

أشكرك على الزياره
والتعليق