الثلاثاء، أبريل 29

ما انكسرت الصورة

تحديث:هذا البوست هو أول ما كتبته ونشرته من عام
أعيد نشره بعد مرور عام كامل على دخولي عالم التدوين
كام ساعه مستنيه
جايبه لحبيبى هديه
ده حبه ف يوم غمرنى
نسانى روحى واهلى
فكرت اجيبله ايه
او ايه بيحلم بيه
*
هديه حبيبى ليا
كانت لى احلى هديه
غمضت عينى قوام
وكتبت احلى كلام
لمحته من بعيد
و جريت امد الايد
بس السلام بارد
جوايا قام مارد
واتهزت الصورة
مانا أصلى معذورة
وقاللى كلام كتير
ما سمعت غير صفير
اصله ما كانش واضح
ولاحتى ليه ملامح
ماناأصلى معذورة
ماانكسرت الصورة

هناك 24 تعليقًا:

غير معرف يقول...

وانكسرت الصورة عن شئ جميل الوجه والروح والعقل

دٌمـتـى محبه و محبوبة يا عزيزتى

loumi يقول...

سعادتى بتعليقك كبيرة لانه اول تعليق لى فى المدونه وبقدر سعادتى كان حزنى على ندى فربما تطاردنا جميعا لعنه اللون الاحمر.
تحياتى لك نبيذ.

أبو خالد يقول...

أبنتى الغالية/لومى
كل سنة و أنتى بكل خير
كل سنة وانتى منوره هذا العالم الأفتراضى ..دمتى إنسانة رقيقة

أحمد سلامــة يقول...

لومييييييييييي
ازيك يا لومي
عاش من شافك
:)
انا متاخر عليكي كتيييييير
انا عارف
بس بجد مدونتك كانت وحشاني قوي
والبوست ده
جميييييييييييييييل جدا
تسلم ايدك من سنة
والسنادي
وكل سنة

عدى النهار يقول...

كل يوم أكتر من حاجة تحسسنا بسرعة مرور الوقت!! كل سنة تدوينية وإنتى بكل خير

إوعي يكون البوست ده بيعبّر عن إنطباعك عن التدوين.. ماعتقدش

:)

loumi يقول...

العزيز أبو خالد

وإنت طيب وبألف خير يا رب
والنور نور حضرتك من بعد ما دخلت هذا العالم
تحياتي لك

loumi يقول...

صديقي الغائب الحاضر

حمدلله على سلامتك

عشت يا فندم
:)

أنا بخير و الحمد لله
يا رب إنت تكون تمام
والمدونه كمان وحشتها تعليقاتك
عايزه رأيك في بوست كرسي برجلين خشب
لو سمحت
:)
الله يسلمك يا فندم عن السنه إللي فاتت والسنه دي والسنه إللي جايه
:):):)

loumi يقول...

وإنت بخير يا مدحت

وكل سنه وإنت كمان طيب
أنا كنت فاكراك أكبر منى
طلعنا مواليد شهر واحد
تدوينياً
:):):)

إعتقادك في محلّه
فهذا من اول ما كتبته
قبل أن أتعرف على عالم التدوين
أصل بصراحه أنا كنت عمري ما كتبت أي حاجه قبل يوم 20/4/2007
:)

shirry يقول...

ليه اتكسرت ليه

بجد حلوة اوي الخاطرة دي
بس انا كنت متوقعة نهاية تانية
هي دي حلوة برضو لانها غير متوقعة

بالتوفيق

وابقي تعالي بقي

klmat يقول...

حبيبتى لومى
كل سنه وانتى واسرتك وكل حبايبك طيبين ودايما مبدعه تسلم ايدك
هديتك جميله اوى ربنا يخليكى
كل الدعوات الحلوه
عميق حبى واحترامى

.:.-=- ELGaZaLy-=-.:. يقول...

ياة يا لومى...

قديمة اوى....


هممممممممممممم
انا بقالى كتير معلقتش هنا...تحياتى اليكى....

وهابقى ادعبس كدة اقرا شوية

عين فى الجنة يقول...

يعنى الحبيب كان وهم وسراب ولا حلم لم يتحقق؟
تحياتى ومبروك الشكل الجديد الجميل للمدونة

على باب الله يقول...

جميلة جداً

---

و كل سنة و أنتي طيبة بمناسبة
سنة أولي تدوين

--

vision يقول...

باجى عالطول والله ومبملش هنا بحب اقعد افتش فالبوستات والحقيقه كل بوست احلى من الى قبليه...وحشااااااااانى وفى بالى كتير يارب تكون كويسه

alexandrany يقول...

أعذري مرور المتقطع والقليل
ولكني سعدت لاني لم أفوت تلك المناسبة
كل سنة وانتي طيبة يا لوومي
دمتي بخير

loumi يقول...

العزيزة شيري

أهلاً وسهلاً بك يا إبنة المحله الكبرى

مدونتك لذيذه وإن شاء الله حتبقا لي زيارات أُخرى

تمنياتي لك بالتةفيق يا قمر

loumi يقول...

الغاليه أميره


وإنت طيبه يا جميله
أنا عجبنتني قوي أغاني
وجيه عزيز فعلاً حاجه تسعد

وإن شاء الله
تفرحي بحبايبك قريب
خالص حبي

loumi يقول...

يااااه يا محمد

حمدلله عالسلامه

إنت فين يا راجل؟

كويس إن إنت رجعت تدون


حاخطف رجلي أشوف إنت كاتب إيه

loumi يقول...

الله يبارك فيك يا راجي

هههههههههههه

إنت فهمت إيه من الكلام؟

loumi يقول...

العزيز
على باب الله

تسلم يارب
وإنت طيب

تمنياتي لك بكل خير

loumi يقول...

ميرووووووو
اللذيذه

بيتك ومطرحك يا قمر

وإنت كمان وحشتيني
يا رب إمتحاناتك تخلص على خير


سلام يا جميل

loumi يقول...

alexandrany

أشكرك على هذا المرور الجميل
الذى أسعدني
ويا رب تكون بخير
وبأحسن حال

تمنياتي لك بالتوفيق

اسكندراني اوي يقول...

لعل المانع خييييير اين انتي

loumi يقول...

يا خاااااااااااال

أنا بخير والحمد لله
بعثت لك بريد إلكتروني
على gmail

أرجو أن يكون قد وصل
تحياتي لك