السبت، مايو 12

قدم لى عرض جنان

قدم لى عرض جنان
اصله يا ناس فنان
و كان كلامه صريح
ده بجد مش تلميح
يا العرض تقبليه
يا الباب ده تقفليه
أقبل واخش برجلى
والا يا ناس ماقبلش
كان حلمى ابيض واسود
دلوقت بقا الوان
ألوان جريئه وزاهيه
اصله يا ناس فنان
وقبلت العرض اصلى
كان لي فى قلبه مكان

هناك 12 تعليقًا:

يا مراكبي يقول...

ظريفة جدا مدونتك دي .. والبوست ده كمان ده لغته عامية مصرية جدا

أنا زوجتي دمشقية من مواليد القاهرة برضة

loumi يقول...

يا محاسن الصدف :)
سعيده بزيارتك واتمنى ان تتكرر

كراكيب عادل يقول...

والمكان دة مقاسة كام متر؟؟

انا خايف اقولك وقعتي ومحدش سمي عليك

loumi يقول...

ما يقع الا الشاطر يا عادل:):):)

غير معرف يقول...

لا ميتخفش عليها لمى

دى توقع بلد ههههههههههههه

loumi يقول...

هههههههههههههه
ده انا؟
مقبوله منك برضه يا جيجو

Hannoda يقول...

بوست كلماته سهلة و بتوصل بسرعة

لكن إستوقفتني الجملة الأخيرة:

أصلى كان لي فى قلبه مكان

استوقفتني لإن أول ما وصلت لكلمو" اصل" اللي فأول الجملة توقعت إني حاقرى الجملة ده:

أصل كان له فقلبي مكان

تفتكري أنهي الجملتين أهم؟؟؟؟

تحياتي

غير معرف يقول...

فكرتيني بكلمات بوش الإبن: اللي مش معانا يبقى ضدنا..!

I am allergic to ultimatums.. they make me provocative ..you know that about me dear.. sincere offers should be subject to time limit not to yes or no answer.

loumi يقول...

هنودة العزيزة
سعيده بوجودك
وبتعليقك
فيه ناس بيبقا لينا فى قلبهم مكان وناس بيبقا ليهم فى قلبنا مكان
و الحاله التانيه بتبقا اهم بالنسبه لينا
بس برضه مش لازم ننسى الناس اللى لينا فى قلبهم مكان
فى انتظار جديدك
تحياتى

loumi يقول...
أزال المؤلف هذا التعليق.
حواء يقول...

اى عرض يخللى الدنيا اولوان ويريح القلب والبال اذا ما قبلناهوش يبقى جنان .. تحياتى

loumi يقول...

بوسى كات
منطق جميل
تمنياتى لك بعرض جنان
سلام