ما * ما * ما

ما فيش فايده

ما تطنشى

ما علش

كل الكلمات التى تبدأ بما هى اول ما واجهنى عندما عدت الى مصر بعد غياب سنين

و اتضح لى فيما بعد انه اسلوب حياه ما حدش عايز يتعب نفسه ما حدش عايز يطالب بحقه وميمات كتير قوى ومع ان البلد الذى كنت فيه هو ليس من دول الخليج الا انه به بعض الميمات ايضا ولكن بقدر اقل بكثير مما هو عليه هنا واصطدمت كثيرا فى البدايه مع هذه الميمات وازاى وليه وده ما ينفعش

وبصراحه مع مرور الوقت بهتت عليا هذه الميمات رغم رفضى لهذا الاسلوب الاستسلامى ولكن اكثر ما كنت استخدمها هى (سعد زغلول قالها كلمه مافيش فايده) ولكن كيف يقول سعد زغلول ذلك وهو الذى احدث تغيرا كبيرا فى مصر لقد قال سعد زغلول مافيش فايده وهو على فراش المرض عندما احس ان اجله قد دنا وان الدواء الذى يأخذه لن يجدى معه نفعا فقال لصفيه ما فيش فايده وهنا مشروع ان يقول ما فيش فايده

اما ان نستخدمها عمال على بطال فهذا اسلوب سلبى انهزامى فى الحياه لا يجدى نفعا باى حال من الاحوال

و ما تستغربوش

وما تنسوش

وما تقلقوش

وكل الميمات اللى انتوا عايزنها بس ميمات تطلعنا لقدام مش ترجعنا لورا

ميمات ايجابيه مش سلبيه