الجمعة، يونيو 1

حبك فوق احتمالي

حبك فوق احتمالي
وانت بجرحى لا تبالي
لماذا تراني صامته
ولبوحك مستسلمه
استعذبت الصمت سنينا
وتأتيني اليوم مصارحا
كطفل يلهو بدأت اللعبه
وما ادركت ما تكون النهايه
هل ضاق صدرك بصمتك
فقررت ان تبوح بكلماتك
ليتك ما صمتت دهرا
وجئت تنطق كفرا
فحبك فوق احتمالي
وانت بجرحي لا تبالي

هناك 28 تعليقًا:

harmless يقول...

عجبت لامر المحبين
يحبوا غير مقتنعين
دائما هم لائمين
لا صبروا
ولا كانوا عاذرين
ذهبت ايام المضحين
وانقرض منا المخلصين
وانزوى الحب الحقيقى
فى مكان مهين مكين

gohayna يقول...

حبك فوق احتمالي

وانت بجرحي لا تبالي

عارفه انا حاسه انه فيه تناقض كبير اوي الايام دي في الحب

يمكن علشان مبقاش ليه وجهه صحيحه

ليه اللغبطه
سعات الواحد يتمني كلمه من شخص معين وال ما تيجي يتمني انها تكون خيال وليس لها واقع

حاجه غريبه بجد يا لومي

الاحاسيس متضاربه
والمشاعر ملتهبه

والحب احمق اهوج اعمي
والطريق وعر وغير ممهد

والسقوط اكيد

ايه يا بنتي دا؟

سيبك
هو حضرتك فين بقي يعني

مخصماني ولا ايه؟

شكلي هوقع عقوبه علي ناس كتير اوي
بس انتي مش منهم

انا اقدر برضه

تحياتي يا قمر

mimi يقول...

لومي
اولا البوست ده كان مستخبي فين من يوم 1-6 الى يوم 7-6
ثانيا ايه الكفر في ان الواحد يعترف بحبه لحبيبه دي اجمل لحظات ممكن الواحد يعيشها ما فيش داعي يضيعها باللوم والعتاب دي الست قالت قول الحب نعمة مش خطية
الحب الحقيقي مش بيدق القلوب كتير بلاش نضيعه

Xee يقول...

ليتك ما صمتت دهرا وجئت تنطق كفرا

أكانت تفضل أن يصمت؟؟

صمت على امل أم صراحة بألم؟؟

سؤال و ليس تساؤل

تحياتي

فين لومياتك دي من زمان
:)

Gid-Do - جدو يقول...

لومى

بما انك كتيبة شعر واغانى انا بقترح نعمل الكلام دة فديو كلب ـ مفيش غلط فى الحروف ـ
وانا حكتب السيناريون بتاعه هدية

الابطال
لومى
زى

السيناريون

البطلة قاعدة فى الصالة قدام التلفزيون لابسة جلابية ملاينة بقع طبيخ وصلصة ومتغسلتش من شهر شعرها منكوش رجليها حافية وعليها متر قشف ـ الكاميرا زوم على القشف وتنقل على الشعر المنكوش والبطلة بتهرش جامد


يدخل البطل ـ الكاميرا زوم على وشة وهو قرفان وساكت ويتقدم خطوة ناحية البطلة ويقف ساكت والقرف مرسوم على خلقتة جامد

البطلة تبدء تقول

حبك فوق احتمالي
وانت بجرحى لا تبالي

البطل يعمل دوران سريع للخلف ويختفى من الكادر والقرف لسة على خلقتة

الفديون دة راح يكسر الدنيا وفى اول عرض حى الناس من حبهم للبطلة راح يرموا عليها مية نار بدل الكالونيا

اية رايك يالومى ؟
تحياتى

Xee يقول...

ههههههههههههههههههههههههه
ههههههههههههههههههههههههههه
هههههههههههههههههههههههههههههههههه

الواد عماد شكلو صحي من النوم على ضحكي يا جدو بجد

هههههههههههههههه

loumi يقول...

عزيزى....
ماذا يعنى الاقتناع فى الحب؟
و كم هى مده الصبر فى الحب؟
وما هى الاعذار المقبوله فى الحب؟
فعلى رأى ياسمين حاء ..الحب رياء
وعلى رأى الست
انما للصبر حدود للصبر حدود
وعلى رأيي الحب بذرة تحتاج الى الكثير والكثير لتنبت شجرة قويه ثابته الجذور
وارفه الاغصان تظلل باغصانها كل من استظل بظلها
تحياتى

loumi يقول...

يا جى جى
الحب كعاطفه
لا يتغير عبر العصور والازمنه
ولكن الناس هى التى تتغير
ازدواجيه وخلط للامور
وتوهان
اسواء شىء فى الحب
ان يولد فى بيئه غير مناسبه
لا تساعده على النمو
واذا اختلفت اهداف المحبين
هنا يحدث السقوط اذا
جاز لنا ان نسميه سقوطا
وبعدين
انا اقدر برضه اخاصمك؟
من هنا على مدونتك عدل
تحياتى يا جى جى

loumi يقول...

ميمى الجميله
اصل انا اتعلمت من التدوين
ان الواحد لازم يختار المعاد المناسب للنشر
ههههههههههههههههههههههههه
كان بيستوى على نار هاديه
بصى بقا حضرتك
زمان كانوا مفهميننا ان الحب بييجى مرة واحده فى حياة الانسان
فاتضح انهم خدعونا فقالوا
ههههههههههههههه
كل مرحله من عمر الانسان
وليها حب خاص
بطعم ولون مختلف تماما
و طبعا اجمل لحظه فى حياة الانسان لما يعترف للى بيحبه بمشاعره
بس المشكله ان معظم الرجال بيقدر يحب لمجرد الحب
بينما معظم النساء لما بتحب بيبقا عندها هدف الاحتفاظ بهذا الحبيب
لتسعد به وتسعده عمرها كله
احنا دايما عندنا خلط بين الحب والارتباط
احنا كبشر رجالا ونساءا على حد سواء
تحياتى يا ميمى

loumi يقول...

زىىىىىىىىىىىىى
اين انت يا رجل الادغال؟
بجد بجد بجد
ما فيش اجمل من لحظه الاعتراف بالحب للحبيب زي ميمى ما قالت
بس اذا كان حب محكوم عليه
بوقف التنفيذ
نعمل ايه؟
ده سؤال
مش تساؤول
ألا هو ايه الفرق بين الاتنين؟
ههههه
ههه
هه
تحياتى

loumi يقول...

با جدو
موافقون
اغلبيه
واللى مش حبرفع ايده يخرج بره
هههههههههههههه
بس فى تعديل على السيناريون
حضرتك
فى الحته دى
----------------------------------
يدخل البطل ـ الكاميرا زوم على وشة وهو قرفان وساكت ويتقدم خطوة ناحية البطلة ويقف ساكت والقرف مرسوم على خلقتة جامد

البطلة تبدء تقول
-----------------------------------
بدل ما تبدأ تقول كده حاف
تقوم طابقه على زمارة رقبته
و ماسكاه من قميصه اللى ريحته المقرفه
فايحه و تهزه جامد عشان توقعلها كام ربع جنيه من المخرومين من جيبه
عشان الموسيقى التصويريه يعنى
وهنا تبتدى تقول له
حبك فوق احتمالى
وانت بجرحى لا تبالى
و تفضل متبته فيه عشان ميه النار تيجى عليهم هما الاتنين
ههههههههههههههههههههه
هههههههههههههه
هههههههه
كده الوضع حيبقا اكثر حيويه وانسجاما
ايه رأيك بجا؟؟؟
ههه
؟
تحياتشى

loumi يقول...

زييييييييييي
تانى مرة
سعيد انت قوىىىىىىىىىىىى
طاييييييييييييييييب
ابقا سلم لى على عماد
ممرر الواد معاك يا عينى
تحياتشى

غير معرف يقول...

ممكن نعرف ملامح هذه الشخصية التى نالت محبتك؟

loumi يقول...

anonymous
la2 msh momken
ta7yaty

Xee يقول...

السؤال يا باشا هوه اللي بيبقى ليه اجابة

أما التساؤل فتكون اجابته في الغالب جدليه

و مرة جدليه و مرة جداليكي

تحياتي

Gid-Do - جدو يقول...

لومى

بصفتى كتيب سيناريونهات جديم وخبرة طويلة خدتها من النوم فى سينمات الدرجة التالتة

تعديل السيناريون انا موافج علية لكن ازاى الخلج الى مجعمزة فى الصالة عيشموا ريحة جميص البطل وحنلاقى فين ربع دنية مخروم

وقمان مية النار حتكون من الخلج اللى راح تتفرد على الفديوم فى السيما ملهاش دخل واصل بلسيناريون

الصحيح ان البطله تعبط فى البطل قدام الخلج بعد العرض لاول والمخلج راج يضربوهم بلدزم والمركيب ويبخوا عليهم لمية النار من اخشامهم وبكدة نخلص من البطل والبطلة والخلج كولتهم كمان

وكتيب السيناريون يرجع للنوم على الرصيف بعد تفليسة المنتج وانتحار المخرج وحرج السيما قمان

والفيلم دة تاثيرة على الصحافة العالمية حيكون اقل بكتير قوى من البوست اللى كتبتية باسم المرض نعمة اللى شيب الاجنة فى بطون الامهات وطير البرجين اللى كانوا فضلين فى دماغى وشيلهم للزمن المنيل بستين نيلة

لومى
علشان خاطر الغلابة اللى ربنا ابتلاهم بمدونك اكتبى زى فيروز قربتك ما بتقول
انما الناس سطورا كتبت لاكن بماء
ايوة اكتبى بماء واحنا حنفهم برضة

تحياتى اليكى يااخف دم على البلوجات
وياريت يبعتوكى المكان اللى ما يتسمى فى الوحات
دة بحكم السجع

loumi يقول...

زى
بما انى فهمت يعنى ايه
سؤال ويعنى ايه تساؤل
وعشان ما يبقاش
جدليه وجداليك
تصدق
مش لاقيه اجابه
سلام

loumi يقول...

جدو
ربنا ما يحرمنيش من تعليقاتك
اللى بتخلينى اقع من على الكرسى اللى
انا مرزوعه عليه كل ليوم
لدرجه ان تقريبا جالى تمزق فى اربطه الزور من كثر الضوحك
على رأى حسن عابدين الله يرحمه
وشفيق يا راجل
مش انت شفيق برضه؟
ههههههههههههه
بس ولا يهمك
حاجى انا وزياد
ونانتخ خنبك على الرصيف
ما هو برضه رصيف بلاد بره
غير رصيف بلاد جوه
واللى نلمه نحاول نعمل بيه فيديو كلب تانى
بس نبقا نغير كاتب السيناريون
هههههههههههههههههه
تحياتى
بس ايه حكايه اخف دم دى
ده انا لسه جايه من عند ميمو
كملت على اللى فاضل من حبالى الصوتيه
يعنى انا دلوقت
صورة من غير صوت
ههههههههههههههه
mahamemo.blogspot.com
زى هو اللى قاللى عليها
قلت ما احرمكش
تحياتى

Lemonada يقول...

بلاش الحب الي فوق الاحتمال دة
ممكن توقعي منو و تنكسري ومحدش يصلي عليك

فكري في عقلك

اتفضل عندنا يقول...

يا اختشي كته نيله اسمه ايه الحب ده مبهدل الناس كده دايما، فكرتيني بالقصيده الرائعة الخالده...اخييه

وجع قلبي و احبه و اموت
وجع قلبي و احبه و اموت
ضربني الحلو ميت شلوت
في راس قلبي و قال اخييه
يا عيني اخييه
يا روحي اخييه
يا سيدي اخييه
وجع قلبي

اناهامشي بقي لحسن الدمعه فطت من عيني....اخييه

Xee يقول...

هههههههههههه
ههههههههه
ههههههههههههه

اخيييه

كراكيب عادل يقول...

لحظات حرجة

loumi يقول...

العزيزة ليموناده
لا ما تخافيش هاحط مرتبه تحتى عشان لما اقع انزل على حاجه حنينه
ههههههههههههه
عقل ؟
هو فى الحب فيه عقل؟
العقل ده ساعه الجواز
بس فى الحب ما اظنش
تحياتى يا ليمو

loumi يقول...

هههههههههههههههههه
هههههههههههههه
ههههههههه
بصراحه قصيده رائعه
اخيييه
اخيييه
تحياتشى

loumi يقول...

عادل
انت فين يا راجل؟
واضح ان اللحظات
الحرجه على الكل
تحياتى

يا مراكبي يقول...

أنا بحب قوي التعبير ده: حبك فوق إحتمالي

بيدل على أكتر من حاجة .. مش حاجة واحدة

وبعدين إيه التعليقات الجميلة اللي هنا دي؟ جدو كاتب سيناريو تحفة .. والباشمهندسة ولاء اللي بنتفضل عندها كاتبة شعر من المعلقات

أنا هأسرق .. قصدي هأقتبس الحاجات دي كلها عندي بعد إذنكوا

loumi يقول...

العزيز احمد
عارف اوقات الاعتراف بالحب فعلا بيحملك فوق طاقتك وخصوصا اذا كان فى مشاكل تحول دون اكتمال هذه العلاقه
فتبقا مش عارف تعمل ايه0
وبما انى صاحبه المكان فكل القصائد والمعلقات تحت امرك يا باشا
سلام
يا باشمنهدز

غير معرف يقول...

إسمحوا لى أنا لى رأى مختلف فى موضوع الحب رغم انى مررت به أكثر من مره ولم يكلل بالنجاح والمقصود هنا بالنجاح هو الزواج , ولن أتفق مع من يقول أن الزواج يقضى على الحب هذا كلام غير سليم فإن كان الحب حقيقيا لصار أكثر قوة بعد الزواج والحب ليس أن تمتلك الشخص الذى تحبه بل أن تبحث عن كيفية أن تصلا معا إلى رضوان الله هذا هو الحب فى الله , أرجوا أن تدعوا معى أن يجمعنى بمن أحب ... إن لم يكن فى الدنيا ففى الجنة بإذن الله تعالى ..سلام