الثلاثاء، أغسطس 14

لا أنكر

لا أُُنكر أنّك مددت لي يداً حانيه
تحول بها دون وقوعي فى الهاويه
فتسللت أفكارك وكلماتك إلى وجداني
وفي حنايا القلب سكنت بلا استئذاني
طالبتني بقبول أنصاف الحلول
وتعلم أنّي ارفضها إلا كامله
أخفيت وراء ظهرك أُخرى قاسيه
مزّقت بكل قسوة أحلامي الغاليه
ودارت بيا الدنيا وعدت متسائله
!!أحقاً تظن هاويتك غير تلك الهاويه

هناك 25 تعليقًا:

klmat يقول...

الله عليكى يالومى
كلام جميل وبيحصل
واليد الحانيه
بتخطط لهاويه على المقاس
الهاويه واحده
الابتعاد الحل المثالى
والحمد لله ان مااخفاه بان
تحياتى وسلامى

bocycat يقول...

عندك حق مفيش حاجة اسمها انصاف حلول لازم حل اكيد والا فلا ....؟؟؟ تحياتى

اسكندراني اوي يقول...

لوميييييييييي
لا تقبل انصاف الحلول
ومن منا يقبلها
هذه المنطقه الرماديه البايخه مش حلوه
لكن للاسف في ناس كتير عايشه فيها
.......
اما بقى عن النهايه او الهاويه فدي علمها عند الله

تحياتي يا فيروزيه الهوى

harmless يقول...

يعجبنى كلمه تجدها فى بدايه اى كتاب اقتصاد
وهى ان سبب نشوء علم الاقتصاد نفسه ان طلبات الانسان غير محدوده والموارد الطبيعيه محدوده

هذه المقوله الصحيحه المنطقيه التى خرجت من الواقع ومن فطره الناس فرضت علينا جميعا القبول بانصاف الحلول

وبكل صدق اقول لمن سبقونى فى الكتابه
الاستاذ اسكندرانى والاستاذه بوسى
وومن سيلونى فى الكتابه
ان انصاف الحلول هى قدرنا الذى لا فكاك منه

ولينظر كل منا الى حياته وسيجد انه قبل دائما وسعى دائما لانصاف الحلول
بل لو امعن النظر لوجد ان الحلول المثلى فى نظره والتى يحارب من اجلها هى فى حقيقتها ليست الا انصاف حلول ما كان ليقبلها لو لم يكن الحال هو الحال ولو لم تكن النُدره هى النُدره ولو لم تكن قلة الحيلة هى الحقيقه

هذه هى الحياة وهذه هى حقائقها والذى يعاندها ستسحقه ولن ينال لا الحل ولا نصف الحل

لنجعل طموحاتنا عاليه
ونجعل سعينا كبيرا
ولكن لنفهم ايضا اننا لن نبلغ الكمال ابدا

loumi يقول...

العزيزة كلمات
اشكرك على كلماتك الرقيقه
التى تسعدني دائما
يعني مش كل الأيادي
زى بعضها
:):):)
تحياتي

loumi يقول...

العزيزة بوسى كات
اتمنى انك تجدي حل اكيد وتقدري
تنفذيه
بس ما فيش قرار من طرف واحد
لازم يكون قرار مشترك
تحياتي

loumi يقول...

العزيز
اسكندراني قوي
عارف حكايه يا ابيض يا اسود ما تنفعش
لازم يكون فيه مساحه رمادي لان ده اقرب لطبيعه البشر
يعني عادل امام لما قال
يا ابيض
يا اسود
اللون الرمادي ما باحبوش
كان بيضللنا
:):):)
ولابد ان نقبل فى وقت من الاوقات انصاف الحلول
اوقات لما بنصرخ بنقول اللى نفسنا نعمله
ويمكن ما نكونش قادرين نعمل ده

على فكرة انا عملت تعديل فى البوست
أرجو المعذره
تحياتي يا اسكندراني قوى
السلام لدودو امانه

loumi يقول...

عزيزي ....
ما كل ما يتمنى المرء يدركه
تجري الرياح بما لا تشته السفن
**************************
مالا يدرك كله لا يترك كله
************************ *
بيت الشعر والمقوله
بالاضافه لما ذكرته عن سبب نشوء علم الأقتصاد
يؤكد أننا يجب ان نقبل بأنصاف الحلول
و اظن ان اغلبنا يرضى بها فى بعض الأوقات
ولكن هذا لا يمنع ان نتمنى الحلول الكامله من وقت لاخر
حتى وإن كنّا نعلم اننا لن نبلغها
****************************
تعليقك دايما بيسعدني
تحياتي

مش فاهم حاجة يقول...

انا بكرة انصاف الحلول

لكن عمرى ما اكرة حد قدملى معروف

مهما اتغير

منطق اكيد غريب

Hadota .. حدوتة يقول...

السلام عليكم
ازيك ياقمر
ايه الكلمات الجميلة دى


انا زيك ارفض انصاف الحلول

زى مانتى قولتلى فى اخر البوست هوا نجاكى من هواية عشان يوقك فى اللى اكبر منها

:)

تحياتى ليكى

loumi يقول...

العزيز مش فاهم حاجه
فى بدايه حياتنا اكيد بنكره انصاف الحلول
بس مع الوقت
بنبتدى نفكر اكتر ونبقا عمليين اكتر
وتبتدى تظهر المنطقه الرمادي فى حياتنا
وعموما ما فيش داعي نكره حد
لان الكره بيضر بصاحبه اكتر ما يضر اي حد تاني
مش منطق غريب ولا حاجه
تحياتي

loumi يقول...

العزيزة حدوته
الحمد لله يا قمر انا كويسه
وإنت أخبارك إيه؟
وصل اللى انت مستنياه وإلا لسه؟
:):):)
هوبس تلاقيه مزنزق فى إشاره وألا حاجه
:):):)
الفكرة
إن كل واحد بيشوف غيره وما بيشوفش نفسه
تحياتي يا جميله

عدى النهار يقول...

كلام جميل ينطبق عليه "اللي حسبته موسى
طلع فرعون" :)1

أعتقد أن ما نرفضه هو ألا يكون رسم أو
تحديد "الحل" راجع إلينا أو تكون مشاركتنا فيه ثانوية.. من باب سد الخانة

princess dodo يقول...

إذا فلتخبريه انك نخلة عربية الأصول
وامرأة رافضه لأنصاف الحلول


بوست راااائع يالومى


تحياتى

DARK يقول...

لومى
دايما أحس إنك بتلمسي إحساسى
جميل أوى بجد
وفعلا هاوية والتجاهل والابتعادهو الحل من وجهة نظرى كونى كما تحبين

O S A M A يقول...
أزال المؤلف هذا التعليق.
O S A M A يقول...

..من انتى؟
ومن اين لكى بحقيقتى؟؟
..فعلت فعلتى بكثير غيرك
!!ولم يجرأ احدا منهم فضح سري
..او البوح بحقيقتى
..استهوى اللعب على اوتار القلب الباليه
..فـ اوقع بها
..واتسلل متمايلا
..لدى جميع الحلول
وانصافها
..اغرر بالفريسه
..لتتمايل نحو الهاويه
..تصارع الهبوط
..لتسقط غير مباليه

...........................

جميل اوى المعنى اللى وراء كلماتك

يسعدنى المرور دوما داخل مدونتك وابداء رايي المتواضع

سلامى لكى

August

فى القلب يقول...

أنصاف الحلول
أن من يطلب ذلك ليس عنده ثقه فى النفس
أما أنتى فعندك كل الثقه
لذالك هو لا يناسب الجميله
فوجود العملاق دائما يقزم القزم أكثر
سلامى للعملاقه جاره القمر

loumi يقول...

العزيز مدحت
مش عارفه
يا ترى احنا فعلاً بنقدر الامور صح
وألا هو بيبقا فرعون وإحنا اللى بنوهم نفسنا بإنه موسى؟
تحياتي

loumi يقول...

العزيزه دعاء
اشكرك لمرورك
و نصيحتك الجميله
وكلامك الرقيق

تحياتي

loumi يقول...

الغاليه
dark
جميله انت عندما تبتسمين
هذه الاغنيه
ليوري مرقدي
مش عارفه ليه أفتكرتها وانا بارد عليك دلوقت
سعيده بك وبكلماتك وكتاباتك
وسعيده فني قادره المس إحساسك
تسلمي

loumi يقول...

العزيز
osama
تعليقك بوست جميل
بسيط معبر
وده اللى لفت نظري لمدونتك
فهي جميله بحق
وانا ايضا يسعدنى مرورك وتعليقاتك المبدعه
تحياتي

loumi يقول...

العزيزه اوشا
نصرخ احيانا
ونكتب كلاما
لا نقدر على فعله تماما
ولكن نظل نحاول
ربما نصارع طواحين الهوى
ولكن لك امرىء منا ما نوى
فنحن بشر
ولسنا حجر
تحياتي يا جميله

mimi يقول...

والله يا لومي الموضوع محير جدا بس اعتقد ان الواحد بيقبل بانصاف الحلول لما بيبقى عايز الحاجة دي وبيرفضها لما بيبقى مستغني عنها لان مفيش حاجة كاملة على طول يبقى ساعات بنقبل وساعات بنرفض وطالما المستخبي بان يبقى خلاص
تحياتي على البوست

loumi يقول...

الغاليه ميمي
كلامك مظبوط طبعاً
بنقبل وبنرفض حسب درجه احساسنا ورضانا عن الموضوع
وحسب احتياجاتنا
لاننا اوقات بنتحط فى نفس الظروف
مرة نتقبل الوضع ومرة نرفضه
تحياتي يا قمر