الجمعة، سبتمبر 14

حديث الصباح

لست من هواة سماع قصص وأخبار الناس
بشكل عام
ولكن في الفترة الأخيره وخاصة بعد ما بدأت التدوين
أصبحت أهتم لسماع كل القصص والأخبار
و دائماً يشغلني كيفية تعامل الناس مع بعض المواقف
وخاصةً ما يتعارض مع طريقة تفكيري وتناولي لمثل هذه الأمور
وفي الأخر طبعاً كل واحد حر
وإليكم هذا الموقف
في حديث الصباح بين والدتي وجارتنا العزيزة
ومع فنجان القهوة
علمت أن زوجة إبنها الوحيد سوف تسافر للعمل فى بلد عربي
لمدة عامين تاركة وراءها زوجها وإبنيها
وإنقسمت أراء الأسرة الكبيرة بين مؤيد ومعارض
القسم الأكبر مع فكرة السفر
وإن دي فرصه لا تعوض ويجب ان تستفيد منها
وتشوف مستقبلها
والقسم الأصغرمع فكرة عدم السفر
ولغاية فى نفس يعقوب
اللي هو أنا طبعاً كنت اتابع الأخبار من وقت للتاني
حتى الان لم ينته هذا الجدل
ولم يُتخذ قرارٌ نهائيٌ في هذا الموضوع
ولكن الذي إستوقفني حقاً وصدقاً
أولاً:تفكير الزوجه التي قررت أن تسافر تاركة زوجها وابنيها
ثانياً:تفكير الزوج الذي لم يجد غضاضه في أن يوافق على سفر الزوجه
بل ورفض ان تأخذ معها الأولاد
لا شك أن لكل طرف وجهة نظر مختلفه تماماً عن الأخر
وربما لو عرف كل طرف ما يدور بذهن الأخر لأختلفت القرارات تماماً
ولكن تظل هذه الأمور من الخفايا التي لا يعلمها إلا الله

هناك 43 تعليقًا:

islam يقول...

كل سنة وإنتى طيبة يا لومى

فى البداية كنت فاكر الزوج هو اللى هيسافر، وطبعا كنت هعترض
لكن لما عرفت إن لزوجة هى اللى هتسافر فأنا برده معترض بس زيادة شوية
أعتقد غن الأفضل إن الإتنين يسافروا
لأن كل المشاكل بتحصل من غياب أحد الزوجين أو سفره

كل سنة وإنتى طيبة .. تانى
لأنه شهر كرم وخير
السلام عليكم

شاب نفسه يحقق حلمه يقول...

كل سنه وانتي طيبة يالومي
وربنا يعود عليكي رمضان بخير
بس انا عندي سوال
انا اساسا معترض ان احد ازوجين يسيب التاني ويسافر زاد اعتراضي لما لاقيت ان الزوجه هي اللي هتسافر
ازاي
انا من رايئ اما الاتنين يسافرو
او الاتنين ميسافروش
تحياتي ليكي

فى القلب يقول...

أنتى عارفه يا لومى
موقف الزوج هو ألى غريييييييب أوى
أزاى مش بيفكر ألا فى الماده

الموضوع أكبر من كده

1-طفلين فى مرحله التكوين أنقطاع مفاجئ للأم و ما يترب عليه من أثار تربويه و نفسيه
2-أحتياج نفسى و بدنى وعاطفى للذوج و للزوجه وحرمان منه يؤدى لنتائج غير محموده العواقب
3- تعارض مع شريعه الله فى سفر أمرأه لمدد طويله بدون محرم

المستقبل بيد الله و الفلوس مش أهم من الأستقرار النفسى

فى القلب يقول...

كل سنه و أنتى طيبه يا حياتى و صيام مقبول و افطار شهى

.:.-=- ELGaZaLy-=-.:. يقول...

كل سنة وانتى طيبة يا لومى دة اولا

فى ناس انا اعرفهم فى مصر كانهم فى بلد عربى

ولا بينامو ولا بيعملو اى حاجة غير الشغر

عارفهم الناس دول؟؟

يا ستى ربنا يحقق حلمة وخلاص رب هنا رب هناك

اسكندراني اوي يقول...

تاااااني غربه
والمره دي سيده وحتغترب؟؟؟؟

على العموم كل واحد عارف امكانيات نفسه واسرته

انا شفت مثل تلك المواقف بس في جنسيات غير عربيه

اما العرب فصعب جدا اللي حيحصل ده

ربنا يعينهم على القرار اللي اتخذوه

أحمد عبد الفتاح يقول...

هو السوال هنا
مدام الزوج مواق يبقي ليه الخناق ؟
صاحب المصلحة مفرط في مصلحته
وعجبي علي ده زمن الي بقت رجالته بالمظر ده
كل سنة وانتي طيبة يا لومي

يا مراكبي يقول...

أنا هأتكلم من واقعي اللي أنا شايفه في الغربة على مراحل

أولا: الحل السليم هو إن الأسرة تسافر كلها مع بعضها

ثانيا: فيه ظروف كتير شوفتها بتخلي من الصعب إستقدام الأسرة زي صغر الراتب بالنسبة لمستوى الحياة المعيشية

ثالثا: سفر الرجل منفردا وتركه للأولاد مع زوجة مخلصة قد يكون مقبول .. لكن سفر الزوجة وتركها للأولاد مع زوج مخلص بيكون أقل قبولا .. لأن الأولاد في حاجة للأم في المنزل أكتر من الأب في المراحل العمرية الصغيرة

رابعا: مازلنا في مجتمعاتنا العربية بننظر للمرأة الوحيدة في الخارج أو الداخل نظرة غير سوية .. وده عيب في المجتمع ما نقدرش نتغاضى عنه

بس كده

Gid-Do - جدو يقول...

لومى

كل رمضان وانت والاسرة بخير ـ وان شاء الله رمضان الجاى تكونى محققة كل امنياتك واحلامك فى صحة وسعادة وراحة بال ـ اشكرك على تهنيئتى بشهر رمضان ـ تحياتى

أحمد سلامــه يقول...

كل سنة وانتي طيبة يا لومي
وكل رمضان وانتي بخير
مش هارف لو انتي طارحة البوست ده بتشاركينا الاراء يعني فانا في الحاجات دي بقول دايما اني دي مشكلة تخص الزوجين فقط
وبعتبر التدخل في مناقشتها من الاطراف الكتيره دي نوع من الفضول المثير للمتاعب اكتر منه قدرة على الحل
لكنه راي خاص في كل حال
وهو راي بانه لا راي لي في هذه المشكلة

كل سنة وانتي طيبة
ورمضان كريم

اتفضل عندنا يقول...

و الله يا لومي الكلام العام اللي يتقال في الموقف ده هو ان المفروض انهم يا يسافروا سوا يا يفضلوا سوا لكن بما ان الامورممكن يكون فيها امور، زي مثلا ان الحاله الماديه صعبه و المرتب مش هيكفي ان الست تاخد الاسره كلها معاها او ان شغل الست هيضيفلها حاجه مهمه لخبرتها و الزوج مش هينفع يسافر و هي مش عايزه تضيع الفرصه

من حق كل انسان انه يرتب اولوياته بالشكل اللي هو شايفه مناسب ليه حتي و ان اختلفنا معاه
المثل بيقول ابوها راضي وانا راضي ، مالك انت و مالنا يا قاضي ( لا مؤاخذه يا مراكبي

عدى النهار يقول...

أنا على يقين إن دى مش حالة جديدة على المجتمع المصرى وإن فى منها كتير

فى ناس بتضطر لأشياء تبدو غريبة لمن حولهم لكنها بالنسبة لهم بتكون غير ذلك بسبب ظروفهم. أشياء كثيرة بتحكم تصرفات الناس .. من مادة لوعى دينى وإجتماعى وأولويات بتختلف من شخص لآخر أو من أسرة لأخرى

بس فى الآخر.. ربنا يلعن اللي كانوا السبب فى تدمير كل شىء حلو فى البلد وإغلاق أبواب الرزق فى وجوه الناس وتشريدهم فى بلاد الله بالصورة دى

كراكيب عادل يقول...
أزال المؤلف هذا التعليق.
sendbad يقول...

كل سنة وانتي طيبة رمضان كريم
بوست هادف جميل
تحياتي

غمض عينيك يقول...

ههههه
لو دخلتي جوا دماغ الاتنيني هتلاقيهم مش طايقين بعض
:):):)
عارفة يا لميا...اعرف بردو واحده قريبتنا مسافرة اليابان وهتسيب جوزها وولادها 3 سنين
بصراحة انا مش متخيل ازاي فعلا
يعني مش طبيعي وخصوصا ان حالتهم كويسه وهي اصلا مسافره دراسة
مش عارف بس انا مستغرب من الوضع ده


تحياتي ليكي
محمد سمير

غمض عينيك يقول...

كل سنة وانتي طيبة ورمضان كريم عليكي
ان شاء الله
ربنا يتقبل منك منا

محمد سمير

حنين و حنان يقول...

تسافر ازاي لوحداها ربنا حرم السفر ليها دي مش فيها جدل
بامبينوووووووو

حسن مشالي يقول...

كل عان وانت بخير

الحقيقة كان نفسى اعلق وخصوصا
انى اول مرة ازور مدونتك
المميزة ورغم ان الموضوع محرض على الكلام

لكن انا هاقول اللهم انى صـائـم
قال تسافر وتسييبه هو والعيال قال

ورمضان كريم

zenzana يقول...

كل سنة وانت طيبة يا لومي
رمضان كريم يا جميل

طالما الموضوع برضا الطرفين شغال
ثم اشمعني الراجل من حقه يسافر ويشتغل ويسيبها هي والعيال؟
هتقولي ان الوضع مختلف وهيبقي صعب سواء علي الزوج والاولاد
او علي الزوجة اللي هتتغرب لوحدها
ما هو كمان لو الوضع اتعكس هيبقي صعب عليها هي والاولاد
وعليه هو لو متغرب لوحده
انا عن نفسي مش هقدر اتخذ القرار نفسه لكن كمان انا مش ضد انها تسافر
طالما في رضا من الطرفين ومش هستغرب لما اسمع الخبر
لكن انا كمان ضد فكرة هجرة الازواج
وترك الزوجات عشان اكل العيش
يا نسافر سوا يا مش نسافر سوا
امال هيعيشوا مع بعض امتي؟
يقضوها كدا الوهات وشات
بما ان الازواج المصريين اغلبهم بياخد
اجازة كل خمس عشر سنين مرة

يا صلاة النبي أحسن
تحياتي

Darsh يقول...

حلوة قوي كلمة " لغرض في نفس يعقوب " .ز معبرة جداً عن الموقف كله .. إيه الغرض؟

harmless يقول...

انتى مش عارفه ولا ايه؟

مش مصاريف اكل الاسرة بيحتاجله الف او الفين فى الشهر
ومصاريف لبس الاسرة بيحتاجله زيهم
واقل مدرسه ملائمه لابناء الطبقه الوسطى تحتاج اربع او خمس الاف جنيه فى السنه لكل عيل
مش الكليات اتقفلت تقريبا واللى جايب 95% مش بيخش حاجه ولازم يتدفعله ثلاثين الف جنيه فى السنه
مش العربيه الملائمه للاسره المتوسطه ما يقلش تمنها عن ستين الف
مش الشقه المطلوبه لجواز الولد تمنها على الاقل متين الف
والعفش المطلوب لجواز البنت عايزله مية الف
مش عزومه فطار للعائله بتتكلف قريب من الالف
مش فواتير الكهربا والميه والتليفونات والغاز للاسره عايزلها قريب من الالف
مش اقل فسحه لاسره متوسطه فى اى مصيف لمده 3 ايام فقط عايزلها ثلاث او اربع الاف
واخيرا
مش دخل الاسره من الطبقة الوسطى
دكتور او مهندس او محاسب او صيدلى ما يزيدش عن الفين تلاته اربعه

طيب عايزه ايه بقى؟
لسه حنلوم الراجل ولا نعايب على الست؟

على رأى ايمن بهجت قمر
جتنا سبعه وستين خيبه

loumi يقول...

العزيز إسلام
وإنت طيب ورمضان كريمانا برضه أفضل ده بس في اوقات الظروف بتحول دون تحقيق ذلك
وندعوا الله أن يوفق الجميع
والسلام عليكم ورحمة الله

loumi يقول...

وانت طيب يا طارق
عامل إيه في رمضان
اصله جاي مع بداية الدراسه السنه دي؟
يعني الفكرة إن الناس بتحكمها ظروف كثيره
بس أنا برضه مع فكرة يا نقعد مع بعض
يا نسافر مع بعض
تحياتي

loumi يقول...

العزيزة اوشا
رمضان كريم يا جميله
الموضوع مش موضوع فلوس خالص
هى طلبت منه الإذن بالسفر وهو وافق
يعني إداها حرية القرار
وهى إختارت
على فكرة كل الطبيبات والمدرسات بيسافروا السعوديه من غير محرم وبياخدوا اجازات و بيكونوا في سكن داخلي ولا يخرجون إلا لو ليهم قرايب بييجوا ياخدوهم ويرجعوهم فى اوقات محدده تفتكري كان ممكن السعوديه توافق على ده لو كان حرام؟
ده عن يقين مش كلام وبس
تحياتي لك يا قلب كبير

loumi يقول...

وانت طيب يا محمد
سعيده انك رجعت تعلق في كل مكان من تاني
ربنا يكون في عونك
ورمضان كريم

loumi يقول...

العزيز إسكندراني
كل رمضان وانت طيب
يا راجل يا طيب
يارب يعينهم فعلاً
لانه بصراحه وضع صعب جداً
أصل انا مجربه وعارفه
تحياتي

loumi يقول...

يادي النور يا دي الهنا
احمد عبد الفتاح هنا عندنا
إزيك؟
عامل إيه؟
والله انا كتبت الموقف ده عشان نشوف قد أيه بقا في اوضاع صعبه فى المجتمع
وربنا يستر
تحياتي

loumi يقول...

الباشمهندز احمد
طبعا انت اكثر واحد
ممكن يقول لنا عن تجربه
عموما الاولاد سترعاهم جدتهم وجدهم مع والدهم
وأنا شخصيا اتربيت عند جدتي فى دمشق لنفس هذه الاسباب
اما بالنسبه لنظرة المجتمع للمرأه فانا اختلف معك
لان هؤلاء السيدات يكون لهن سكن خاص ملحق بعملهم فلا يحتكون إلا بزملاء لهم
وأظن ان كل انسان يستطيع ان يحدد نظرة الأخرين له سواء كان رجل او إمرأه
تحياتي لك

loumi يقول...

جدو يا جدو
حضرتك جاي لحد عندي عشان تشكرني
دي اقل حاجه
ممكن اقدمها لك فى هذا الشهر الكريم
وإن شاء الله السنه الجايه تكون معانا فى مصر
تحياتي لك وللاسره جميعاً

loumi يقول...

العزيز أحمد سلامه
وانت طيب يا رب
و رمضان كريم
اكيد كل إنسان حر فى قراراته
بس ده نموذج لما يحدث فى بعض البيوت والأسر المصريه والعربيه بشكل عام
نتيجه ظروف كثيره
إقتصاديه وإجتماعيه
ده كان القصد من البوست
مش تدخل في شؤون الغير
بس عموماً هم طرحوا الموضوع على الجميع وبالتالي أصبح قابل للنقاش
لكن طبعاً في النهايه القرار خاص بهم
زيارتك بتسعدني
ورمضان كريم

loumi يقول...

الغاليه ولاء
وحشتيني
إنت فين يا بنتي؟
اتفق معك ولكن زى ما انت عارفه في ظروف بتحكم إتخاذ القرارات
و الوضع بيبقا صعب قوي لما يكون القرار حيأثر على أطراف أخرى معانا
تحياتي
وما تغيبيش كتير تاني

loumi يقول...

العزيز مدحت
أكيد مش حاله جديده
مش بس على المجتمع المصري بل وعلى المجتمعات العربيه الأخرى أيضا
يمكن أنا اتحطيت كطفله فى نفس ظروف الطفلين دول وفي وقتها كنت متعايشه مع الوضع بس ما فيش شك إنه ساب فيا أثار كبيره لم اكتشفها إلا على الكبر
ويمكن القرار عندنا كان حتمي لظروف قهريه ولم استطع ان اخطىء أهلي في قرارهم
وبرضه ربنا يسامح إللي كانوا السبب
تحياتي

loumi يقول...

العزيز سندباد
وانت طيب
ورمضان كريم
اشكرك
سعيده بزيارتك

loumi يقول...

العزيز محمد سمير
هههههههههههه
وجهة نظر برضه
الله أعلم بما في القلوب


حمدلله على سلامتك
:):):)

ورمضان كريم

loumi يقول...

حنان و حنين
الإتنين متدينين
ولو كان حرام
ما كانتش السعوديه وافقت على استقدام طبيبات ومدرسات
بدون محارم
ودول بيبقا لهم سكن خاص ملحق بالعمل
يعني تحركاتهم فى منطقة عملهم فقط
وغير مسموح لهم بالخروج إلا فى وجود أقارب لهم هناك
يعني الموضوع مستوفي الشروط
شرفتيني بزيارتك
و رمضان كريم

loumi يقول...

العزيز
حسن مشالي
سعيده بزيارتك
ورمضان كريم


وإن شاء الله يكون لك تعليق في بوستات قريبه :)
تحياتي

loumi يقول...

راندا الجميله
وانت طيبه يا قمر
لا طبعاً
الوضع صعب على الكل
سواء ست او راجل
اللي مسافر واللي قاعد كل فراق صعب مهما كان السبب
بس هو ممكن يكون فترة أجازة من بعض
يمشى؟
يا رب يقضيلهم الفتره دي على خير
تحياتي يا جمييييييييييييييل

loumi يقول...

العزيز
درش
معقوله اقول لك برضه؟
:):):)
مدوناتك حلوين قوي ومليانين مواضيع مفيده
تحياتي

loumi يقول...

عزيزي....
لا وانت الصادق
سته وسبعين
أصل الرقم ده مهم جداً
في حياة المصريين
لسه زهقااااان؟
:):):)

osama يقول...

ليس العقل وحده هو الحكم ... فقطعا لظروف الحياة سطوة ... واكراه على اتيان تصرف لم يكن يتوقع الانسان انه يعمله ... الحياة بتضغط على اعصاب الانسان خاصة لما بيكون عنده اسرة واولاد ووو ... لكن لو الزوج ماشي انما الزوجة ولوحدها صعب عليها هيه نفسها الغربة .. فما بالك ان اولدها في بلد وهيه في بلد وزجها كمان..
لك التحية

loumi يقول...

معك حق
أشياء كثيرة تحكم تصرفات الأشخاص
ولكن هناك أشخاص أقوى من أشخاص في إتخاذ بعض القرارات المصيريه
بغض النظر عن كونها سيده او رجل
أشكر اهتمامك
تحياتي

انا احمد الله واحمد الناس (أكثر الناس حمدا لله ) ـ يقول...

السلام عليكم ورحمة الله وبركاته
هذخ اول مشاركة لي معكم وقد اعجبتنى المدونة لما فيها من تنوع وافكار جميلة
وانا بحكم كونى مغترب اعرف مدى المعاناة التى يعانى منها المغتربون واعتقد انها ظروف لن تستطيع الزوجة لوحدها ان تتحملها خاصة مع اختلاف العادات والمستوى الفكرى بين البلدين
واتمنى ان نعرف مالذى انتهى اليه هذا الموضوع وماهو قرار الزوجين فى النهاية

عموما اتمنى لك التوفيق واتمنى ان تشرفونى بزيارة مدونتى المتواضعة مقارنة بمدونتك الجميلة

loumi يقول...

وعليكم السلام ورحمة الله وبركاته
تشرفت بزيارتك
وأعادك من بلاد الغربه سالماًغانماً بإذن الله
إنتهى الموضوع بسفر الزوجه
وربنا يرجعها لزوجها وأولادها بالسلامه
سارد الزياره قريباً بإذن الله
وكل عام وانت بخير