السبت، سبتمبر 1

اوهام شعريه ف ساعة المغربيه

أنا و اتنين صحابي ع القهوة متواعدين
وفجأه قامت خناقه بين الشباب لتنين
واحد يقول شمال والتاني يقول له يمين
اخدت بعض وقمت م هم لتنين مجانين
*
*
*
*
لا تقول لي كاني ولا تقول لي ماني
ده اللي بناها كان فى الأصل حلواني
جم قللات الأصل الواحد ورا التاني
قسموا وإشتروا وباعوا الكل فى ثواني
*
*
*
*
عايز تقول إتفضل إنت في بلد حر
بس لو لسانك يطول ممكن تدوق المر
ولمّا إيديك تتسلسل ويجي يوم تنجّر
إبقى علّي صوتك وقول إحنا في بلد حر
*
*
*
*
مين إشترى من مين؟
ف زمن الكل فيه بايعين
ناس للقمه مش لاقيين
وناس بفلوسهم عريانيين
*
*
*
*
هي واثقه فيك قوي كده وإلا انت ما تهمهاش؟
ولو جرى لك حاجه حتزعل وإلا حتضرب عليك طناش؟
إنت طبعاً سعيد وعارف إنهاعنك ما تستغناش
بس يا خوفي تطلع مغفل وكل تعبك يضيع بلاش

هناك 61 تعليقًا:

أحمد سلامــه يقول...

الأولي والأخيرة جماال قوي
طبعا عمنا جاهيم جه على بالي مع رسمة السطور
الله يرحمه
:)
حلوة ولذيذة
تسلمي

غير معرف يقول...

هي واثقه فيك قوي كده وإلا انت ما تهمهاش؟ولو جرى لك حاجه حتزعل وإلا حتضرب عليك طناش؟إنت طبعاً سعيد وعارف إنهاعنك ما تستغناشبس يا خوفي تطلع مغفل وكل تعبك يضيع بلاش


هي واثقة فيه جدا جدا

ويهمها جدا جدا

ولو حد مس شعرة منه مش هتزعل دي هتولع في الدنيا

هو طبعا سعيد لانه عارف انها متستغناش
وهي سعية لانها عارفةان هو كمان ميستغناش

مفيش حد مغفل في الزمن ده


التوقيع
زرقاء اليمامة

عصفور المدينة يقول...

عجبني قوي المربع الأخير

واقعي جدا مش أوهام ولاحاجة

samo يقول...

عارف انى اتأخرت فى الرد
يس
اعمل ايه فى الشغل

عجبنى كلامك كتير

خصوصا الجزء الاول

جميل اوى انك تكون فى حالك مالك انت ومال المجانين دول

جميل واسف كمان مره على التأخير

horas يقول...

رباعيات جميله
اعجبنى طبيعيتها
وصدقها
امتعتينى فعلا

يا مراكبي يقول...

وعجبي

إيه ده كله .. هي فعلا ساعة المغربية بتطلع الكلام الجميل ده؟

المرة فعلا فيه تجديد: إسلوب جاهيني كلنا بنحبه + حكم دفينة ورا الكلام + تنويعات في الموضوعات + مع الحفاظ على الإختصار

أحييكي

شاب نفسه يحقق حلمه يقول...

بجد احلي حاجه عجبتني هي المربع الاخير يا سلام المغربية وقت فعلا بتستريح في النفس والقلب كمان وبتطلع جاجات جميلة زي اللي انتي كاتباها
تحياتي ليكي

فى القلب يقول...

مين إشترى من مين؟
ف زمن الكل فيه بايعين
ناس للقمه مش لاقيين
وناس بفلوسهم عريانيين


الله الله يا لومى
ياه ه ه ه ه ه
الشطر ده تلخيص بأبداع وروعه
لظروف الحياه دلوقتى
أبداع أبداع أبداع يا لومى يا قمر

sendbad يقول...

رائع ياعزيزتي
قدرة علي تلخيص الاحساس باقل الكلمات
برافو عليكي
كل جزئية محتاجة تعليق لوحديها
تحياتي

مش فاهم حاجة يقول...

تلخيص لحالة وطن

وشعب بحالة

فى رباعيات منسوجة بحرفية

وبصراحة

الرباعية التانية
خلتنى اقف قدامها
عشر دقايق اعجاب

mimi يقول...

حلو قوي يا لومي
احييك على اسلوبك وكلامك القليل اللي بيحمل معاني كتير
تحياتي

loumi يقول...

العزيز أحمد
سعيده بزيارتك
الله يرحمه كان انسان جميل
سعيده كمان إن الكلام عجبك
تحياتي

loumi يقول...

anonymous
:)
التوقيع
لومي

loumi يقول...

العزيز عصفور المدينه
بيهمني رأيك دايما
اشكرك على مرورك
الدنيا ما فيهاش اوهام
إحنا اللي بنحب نوهم نفسنا
تحياتي
لك وللاسره
أمانه

loumi يقول...

العزيز
سامو
لا ما فى تأخير ولا شي
دي ممكن تكون وجهه نظر
بس الفكرة ان لو فى اختلاف بين شخصين كبير كده
صعب انك تحاول تقرب وجهات نظرهم
لبعض بيبقا نوع من انواع تضييع الوقت وخاصه لو كل واحد رافض يسمع التاني
ربنا يكون فى عونك فى الشغل
ولا داعي للاسف
تحياتي

loumi يقول...

العزيز حورس
من تعليقك السابق
جاءت فكرة الرباعيات
:):):)
اشكرك
تحياتي

loumi يقول...

العزيز
الباشمهندز أحمد
هي كانت ساعة عصريه
بس ما لقيتش صورة للعصر
:):):)
فخليتها مغربيه
سبع صنايع والبخت ضايع
ههههههههههههه
كل ده فى شوية الكلام ده
اشكرك
واخجلتم تواضعنا يا باشا
تحياتي

loumi يقول...

العزيز طارق
اخبارك إيه؟
خلاص الدراسه قربت
والله انت اللي جميل
عشان كده شايف كل حاجه جميله
تحياتي لك

loumi يقول...

العزيزه اوشا
يا حبيبتي ربنا يخليك
فى حاجات ممكن تتلخص
بكلمات قليله جداً
يعني زي ما بيقولوا
ما قل ودل
تحياتي يا جميله

loumi يقول...

العزيز سندباد
اشكرك على هذا الإطراء
اوقات كلمه ممكن تحَملها معان كثيره
انا حاولت الخص اكثر من فكرة كانت فى دماغي
تحياتي لك

loumi يقول...

العزيز
فاهم كل حاجه
يا رب دايما اكون عند حسن ظنكم
بتسعدني زيارتك
تحياتي

loumi يقول...

الغاليه ميمي
ربنا يخليك يا حبيبتي
يا رب تكوني فضيتي بقا
عايزين بوستات جديده
تحياتي

Hannoda يقول...

تفتكري هي ممكن تستغني عنّي

وأنا بتكلم بصيغة المتكلم بلسان كل واحد فينا

اللي أقصده إني بفترض انها في مقابل تقصيري معاها هي كمان استغنت عني

ايه... أقدر أستحمل الافتراض ده

و الله ما أقدر

تحياتي يا لومي العزيزة

loumi يقول...

هنوده الإنسانه
هو الافتراض صعب
واحتماله اصعب
أنا اصلي لسه جايه من عندك
شكلك مش مبسوطه زى الاول
او بتحاولي تبقي مبسوطه
بس اللي مطمنني انك بتطلعي كل اللي جواكي
تحياتي
يا قلب ماشى على رجلين

عروس البحر يقول...

ايه القصيدة الججميلة يا نزار القباني!!!!!

عدى النهار يقول...

مؤكد إنهم سكتوا لما مالقوش حد يحوش
*
*
أنا شايف لسه فى بواقى فى صنية الحلويات... علشان الننوس ينجز
*
*
ليه سؤ النية ده!؟ الراجل قصده بلد حَر
*
*
فعلاً زمن الكل فيه بايعين حتى اللي مش لاقين بيبيعوا عيالهم وأجزاء من أجسامهم
*
*
ليه بس كده.. ماتسيبى للناس حاجة تحس بيها إن لها قيمة
(:

غمض عينيك يقول...

مين إشترى من مين؟
ف زمن الكل فيه بايعين
ناس للقمه مش لاقيين
وناس بفلوسهم عريانيين


حلووووة

loumi يقول...

عروس البحر
اهلاً بك
نزار قباني مرة واحده؟
:)
تحياتي

loumi يقول...

العزيز مدحت
حمد لله عالسلامه
:)
ماهو اللي حاول يحوش
طلع فى الاخر غلطان
*
*
ينجز؟
قصدك يخلّص
*
*
بصراحة درجه الحراره
ارتفعت مع موجة الأسعار
*
*
حسبنا الله ونعم الوكيل
*
*
للأسف ما عرفتش اسيب لهم
حاجه غير شوية الكلام دول
:):):)
تحياتي
فين البوست الجديد؟؟؟

loumi يقول...

العزيز غمض عنيك
إنت فين يا راجل
:):):)
اشكرك
تحياتي

DARK يقول...

جميلة جدا يا جميلتى
بس الكلام وجعنى اوى
تحياتى ليكى يا قمر
عارفه إنى اتاخرت عليكى بس كنت مشغولة جدا الفترة اللى فاتت
الله معك

kafrawy يقول...

بس يا خوفي تطلع مغفل وكل تعبك يضيع بلاش


ااااااااااااااااةة

ياخوفى يا بدران

كرياكو يقول...

عجبينى كل كلمة فى كل فكرة وكمان كل فكرة

جميل اوى
ربنا يوفقق



على فكرة انا اول مرة ادخل المدونة وانشاء الله مش هتكون اخر مرة

مع تحياتى
كرياكو

احساس لسه حى يقول...

عزيزتى
انتى عسل بجد
كل رباعية منهم كتاب مصغر
ولو هتكلم عن كل واحده فيهم مش هخلص وهوجع دماغك
لاكن الكلام فى السياسه بقا يحرق دمى
اخر رباعيه قنبله وجواها معانى كتير
احيكى يا افندم ومستنى المزيد
سلام

الربان يقول...

تحياتي

اسلوبك جميل و بسيط و له معاني ...لكنني متفائل...نعم متفائل لان الازمة لما تشتد بتنفرج.

المهم اننا جميعا نراعي ربنا في تصرفاتنا...و نحاسب انفسنا...لاننا جزء من هذا البلد و سلوكي و سلوكك و سلوك جاري و جارك...بالتأكيد هايكون له رد فعل ايجابي اذا كان سلوكياتنا ايجابية ,,, او سلبي ان كانت سلوكياتنا سلبيه...

مصر ام الجميع...و فوق الجميع و من غيرها كلنا ضايعين.

تحياتي و اشكرك علي البوست الجميل.

hend...hanady يقول...

بس يا خوفي تطلع مغفل وكل تعبك يضيع بلاش
-------------------------------------
ياخوفى يا تطلع دى الحقيقة

harmless يقول...

عارفه يوم ما صوت الاسد يبقى مأمأه
والكلاب يطلعلها اجنحه وتطير
والحمار يغنى لام كلثوم
والنمله تغلب الفيل فى الريست
واحمد عز يبقى مش لاقى ياكل
وجمال مبارك يبقى عسكرى مرور

عارفه اليوم ده؟
تبقى تقابلينى يومها عند هنص

loumi يقول...

الغاليه
dark
اشكرك على كلامك الرقيق
اللي زى صاحبته
كل شيء حوالينا يوجع
هي دي الحقيقه اللي لازم نواجهها
تسلمي لي يا قمر

loumi يقول...

العزيز كفراوي


ماشي يا شرقاوي
:):):)
تحياتي

loumi يقول...

العزيز كرياكو
حللت اهلاً ونزلت سهلاً
تشرف في اي وقت
بيتك ومطرحك
سعيده ان الافكار عجبتك
ور بنا يوفقك انت كمان
تحياتي

loumi يقول...

العزيز حسام
عسل حته واحده
:):):)
ربنا يكرمك يا رب
يا رب دايما ابقا عند حسن ظنكم
مرة تانيه ابقا اوجع دماغي ولا يهمك
الدوا عندنا ببلاش
:):):)
اشكر لك زيارتك
تحياتي

loumi يقول...

العزيز
ربان سفينة الحريه
الكلام ما يمنعش اننا كلنا لازم يبقا عندنا امل في بكره
مهما طال لازم حييجي نهار
انا شايفه ان مننا كتير بيعمل اللي عليه
بس المهم هما يعملوا اللي عليهم كمان
تحياتي لك

loumi يقول...

هند..هنادي
اشكرك على الزياره
ويا رب ما تكون هي دي الحقيقه
تحياتي

loumi يقول...

هند..هنادي
اشكرك على الزياره
ويا رب ما تكون هي دي الحقيقه
تحياتي

loumi يقول...

عزيزي....
عارفه اليوم ده
بس مش عارفه
اوصل لهنص ازاي؟؟؟
اوعى يكون اللي على ناصية
بيت طنط؟
تحياتي

He & She يقول...

Hi, This is my first time here in your blog. it is very nice and you are a talented writter

klmat يقول...

رائعه ومعبره
عن واقعنا باسلوب جميل
ماشاء الله عليكى
تحياتى وكل سنه وانت طيبه

loumi يقول...

العزيز
he&she
سعيده بزيارتك
واشكرك ده بس من ذوقك
وارجو ان تستمر زياراتك
انا مش من المعجبين بفريد
بس فعلاً الفيلم اللي كان عامله مع شاديه كان تحفه
مدونتك مليانه موضوعات مهمه.
العلاقه بين الرجل والمرأه فى الإسلام علاقه اساسها الرحمه والمودة واي شىء غير كده ناتج عن الفهم الخاطىء للاشخاص
وللأسف ان هذه التصرفات تنسب للإسلام
وربنا يهدي الجميع.
تحياتي لك

loumi يقول...

العزيزة اميره
ربنا يخليكي يا رب
ده بس من ذوقك وقلبك الكبير
وانت بالف صحه وعافيه يا رب
و رمضان كريم
تحياتي

LAMIA MAHMOUD يقول...

اول زيارة واكيد مش الاخيرة

اسلوبك ممتع

اسكندراني اوي يقول...

وبعدين في تخاريف المغربيه

معلش رد متاخر
بس حبيت اقولك كل سنه وانتي طيبه

كراكيب عادل يقول...

كل سنة وانتي طيبة والاهل كلهم بخير


رمضان كريم

DARK يقول...

ازيك يا قمر
كل سنة وانتى طيبة

عدى النهار يقول...

كل سنة وإنتى طيبة

ياترى زورتى البوست ده؟

loumi يقول...

لميا محمود
اشكر لك زيارتك
وكل رمضان وانت بخير
تحياتي

loumi يقول...

العزيز إسكندراني قوي
ليك وحشه يا راجل
يا رب تكون بتقضي أجازه سعيده
وكل رمضان وانت والاسره الكريمه
بصحه وسعاده يا رب
تحياتي

loumi يقول...

العزيز عادل
وانت طيب يا رب
وكل رمضان وانت والسره كلها بخير


تحياتي
وشكراً على الدعوة

loumi يقول...

الغاليه
DARK
انا بخير يا قمر
وكل رمضان وانت محققه كل اللي بتتمنيه
تحياتي

loumi يقول...

العزيز مدحت
وإنت طيب
وبصحه وسعاده يا رب



رحت زرته
جمييييييييييل
اشكرك
لانك كنت سبباً في رسم
البسمه على وجوهنا أنا والاولاد
تحياتي

رئيس جمهوريه نفسى يقول...

حلو ه قوى المربعات الى انت عملاها قصيره وتوصل الغرض والمضمون تحياتى

loumi يقول...

العزيز
رئيس جمهورية نفسه
أشكرك على الزياره
وسعيده إن المربعات عجبتك
تحياتي