الأربعاء، أكتوبر 3

مجرد سؤال

كيف يصنعون الفراعنه؟
هذه دعوة للنظر فيمن حولنا ممن نعرفهم
أو لا نعرفهم
ربما نسمع أو نقرأ عنهم.
*****
للتوضيح
*****
الفراعنه هي جمع لكلمة فرعون
وفرعون فى المنجد معناها
كل عات متمرّد
والفرعنه تعني الدهاء والنَكر
وكان فرعون لقباً لكل من ملك مصر
*****
ملحوظه:فكرة هذه التدوينه جاءت بعد قراءة موضوع بعنوان مصر التي في جيبه بقلم ثروت الخرباوي
في جريدة الدستور اليوميه بتاريخ 20رمضان في صفحة رأي و رؤى صفحة 6

هناك 21 تعليقًا:

اسامة يس يقول...

جميل الموضوع / لكن احب ان اوضح شيئا بخصوص ... كلمة فرعون .... فمصطلح فرعون لم يكن يعني للمصري القديم العاتي المتجبر ... بل كلمة فرعون ذاتها كانت تعني بيت الملك ... ثم تحولت للملك ذاته ... ولكن لقصة فرعون موسى الشهيرة ... اصبح الاسم يعني مدلولا اخر فلم يعد الملك بل اصبح العاتي المتجبر في العربيه ... اي باعتبار ما كان .. من فرعون موسى ... وهذا يعني انه لم يكن كل فرعون (ملك) من ملوك مصر الفرعونية متجبر وعاتي ... لا بل ما حدث من فرعون موسى جعل لفظة فرعون في اللغة العربية تعطي هذا المدلول ...
خالص التحية

loumi يقول...

أشكرك
شكراً جزيلاً
على هذا التوضيح
ومعك أن بعض الكلامات تأخد مدلولاً
معيناً نتيجه إرتباطها بأحداث بعينها
أسعدتني زيارتك
وأهلاً بك فى مجتمع المدونين
بما إنني سبقتك إلى هنا
تحياتي وتقديري

اسكندراني اوي يقول...

ويجب اننا ما ننساش ان الفراعنه دول عملو حاجات كتير اوي لسه كلنا كمصريين بنفخر بها
مش كده ولا ايه

harmless يقول...

حتى لا ندخل فى مواضيع جانبيه عن الفراعنه فى اللغه وفى التاريخ دعينا نقول
كيف نصنع الديكتاتور

وانا ساقول لكى كيف
اى شعب به 20% اذكياء يقودون ال80% الباقين
الـ20% يملكون الذكاء والـ80% يملكون القوه
لكى تكون ديكتاتورا يجب ان تسيطر على الفئه الثانية وتسكت الفئه الاولى

الفئه الثانية تسيطر عليها بالاقناع بأى سفسطه ولغو وخطابه
مثل احنا احسن ناس وحنكسر الدنيا وعندنا احسن عقول وعام الرخاء والثورة الخضرا وانتصرنا الخ
فيمشوا وراك زى القطيع
امثله لا حصر لها لهذا من اول هتلر الى كل حكامنا

لا يهدد هذا الا الفئه الاولى اللى بتفهم واللى ممكن توعى الناس ودول لازم يسكتوا

ويسكتوا دى بطريقتين
يا اما بالمنفعه ودى بطريقتين
يا اما تهديد بالفقر والجوع زى ما عبد الناصر كان بيعمل
او تطميع بالثروة الطائله زى ما حسنى بيعمل

وفى الحالتين النتايج هايله ومعظم المثقفين والوا وساندوا ونافقوا وداهنوا او على الاقل سكتوا فى الديكتاتوريات

وطريقة الاسكات الثانية هى السجن والتعذيب لاخر جزء مستعصى على التخويف او التطميع هم ومن اتبعهم من الفئه الثانية كما سيفعل حسنى مع ابراهيم عيسى واى حد يتشددله

بسيطه جدا لعلمك

درش يقول...

إزيك يا لومي
عدتي إلينا بعد غيبة طويلة
أنا فرحان إنك حطيتي تدوينة جديدة
الواحد لما يشبع و ياكل أكل حلو
يبتدي يسأل و يتأمل
و إنت عملتي أكل حلو في التدوينة اللي فاتت

Dr. Diaa Elnaggar يقول...

اللي عايز يعرف الإجابة أنصحة يقرأ مقال د. علاء الأسواني عن فن تربية الأرانب
http://alaaalaswany.maktoobblog.com/137677/%DA%E4_%C7%E1%E3%D5%D1%ED%ED%E4_%E6%C3%CD%E6%C7%E1%E5%E3_%C7%E1%D3%ED%C7%D3%ED%C9
وده بالمناسبة المدونة بتاعة د.علاء الأسواني

، وقصيدة "الممثل المشهور" للشاعر العراقي أحمد مطر سيعرف الإجابة، وعشان ما تتعبوش في النت أدي القصيدة:

الممثل المشهور

أَهلكنا الممثّلُ المشهورْ
أَدَّى على أجسادِنا دَورَهْ
أجرى دِمانا قطرةً قَطرهْ
وقبلَ أن ينجابَ عنهُ النورْ
صَبَّ طِلاءَ الدمعِ والحَسْرَهْ
واصطفقَ السِتارُ فوقَ نَعشِنا
وصفَّقَ الجمهورْ !
* * *
ولم تزلْ فِرقتُنا من أبدِ الدهورْ
تُقيم في الهجرهْ !
تَعرضُ كلَّ ليلةٍ لسادةِ القصورْ
روايةً مُرَّهْ
عن هتكِ عِرْضِ امرأةٍ حُرّهْ
كانَ اسمُها .. ثورهْ !
وفي ختام عَرْضِنا
يغادرُ الممَثّلُ المشهورْ
للحَجِّ والعُمْرَهْ
يرجو ثوابَ " رَبِّهِ "
ويبتغي أجرَهْ
يَبوسُهُ
يبوسُ "خَشْمَ " بيتهِ المعمورْ
ثم يعودُ سالماً وغانماً
وحِجُّهُ مُبَرَّرٌ وذَنبهُ مغفورْ !
* * *
حتّى متى نلفُّ حولَ قبرِنا ؟
حتّى متى ندورْ ؟
لا بدَّ أن تنقطعَ الشعرَهْ
وتُكسرَ الجرَّةُ بالجرّهْ
وَيُكشَفَ المستورْ :
عاشَ إِباءُ جوعِنا
في المسرحِ المهجورْ
وَيَسْقُطُ الممثّلُ المشهورْ
وَيَسْقُطُ الجمهورْ .
لا عرضَ بعد اليومِ بالمرَّهْ
لا عرضَ بالمرَّهْ
فَغايةُ القُصورِ في الثورَهْ
أَنْ تُعرضَ الثورةُ في القصورْ!

وكل ما أخشاه أن ينطبق علينا قول أحمد مطر أيضا
آه لو يجدي الكلام
آه لو يجدي الكلام
آه لو يجدي الكلام
هذه الأمة ماتت
والسلام

تحياتي لمن لا يريد أن يكون أرنبا أو يكون مشاهدا في "قصور" ثقافة الثورة

آسف على الإطالة ولكن لكل حديث مقالة

تحياتي
ضياء

klmat يقول...

كل سنه وانت طيبه
وربنا يستجيب لكل دعواتك
ودايما مواضيعك كلها شيقه
فى مثل شعبى بيقول
قالول لفرعون ايه فرعنك
قال نالقتيش حد يقوللى لأ
بس كل شىء وله نهايه
تحياتى وسلامى

horas يقول...

يوما بعد يوم
نضع جحرا لاكمال الصرح
كل لحظة سكوت ترفع البناء
الى ان نصحو يوما
لن نجد متسعا للتنفس
فقد استولى عليها جميعا
الفرعون
احييكى بجد
موضوع جميل وفتح مجال رائع

عين فى الجنة يقول...

اولا احيكى تحية خاصة لزيارتك العزيزة وتعليقك اللماح المكار على تدوينة التنس وواضح انك بتلعبى انتى ايضا او مهتمة !!! ارجو الايضاح
ثانيا يبدو ذكائك فى السؤال ( كيف يصنعون الفراعنة؟) اذن هناك من يصنع الفراعنة وهذا يذكرنا بصانع الملوك الرواية المشهورة
من يصنع الفرعون او لنقل من يختفى فى الظل وراء الفرعون هو كل راهن على الشيطان ضد الحق والخير والجمال
تحياتى وارجو المزيد من الزيارات

عدى النهار يقول...

ناس عندها نقص وعقد نفسية تصل لمنصب يتيح لها سلطة على الغير تحسن إستغلال المكان والزمان لتدعم سلطتها حتى لو وصل الأمر لإضعاف وتفتيت المجتمع كله من أجل إحكام سيطرتهم

يعنى هم عصاميون يصنعون أنفسهم بأنفسهم وأول شىء يفعلونه هو إنتقائهم لنوعية من البشر تصلح لخدمة هدفهم

فى القلب يقول...

أحييكى من كل قلبى
على فتح هذا الموضوع

أعرف أنك تقصدين بالفرعون الدكتاتور
المتسلط الظالم
و هذا له فن فى صناعته

نحن أساتذه صناعه هذا الفن بلا منافس

الأستاذ يقول...

وفرعون فى المنجد معناها
كل عات متمرّد
؟؟؟؟
منجد؟
يمكن قصدك في المعجم؟
المهم آه فعلاً لكن هما الفراعنة مش بيُصنعوا ولكن بيتحولوا
الأول بيكون عادي ومواطن وبعد السلطة بيبقى فرعون وعلى رأي المثل
"يا فرعون إيه فرعنك قال ملقيتش حد يحبني"
علشان كدة بيحاول يعمل فيها مش فرعون

Dr. Diaa Elnaggar يقول...

االأستاذ،

"وفرعون فى المنجد معناها
كل عات متمرّد
؟؟؟؟
منجد؟
يمكن قصدك في المعجم؟"0

لا أفهم السبب في اعتراضك هذا، فعلى حد علمي فهناك معجم مشهور في اللغة العربية اسمه المنجد، فما وجه الاندهاش؟

تحياتي

حسن مشالي يقول...

السلام عليكم

كدا يالمى تعمليها فينا تقومينا من على عزومة الوجبة اللذيذة للفراعنة والمتفرعنين كدا لطش
عموما الموضوع جدير بالتأمل وانا احييك عليه

من وجهة نظرى ان الشعوب هى التى تصنع فراعنتها ومتجبريها بطرق مختلفة لايتسع لها المقام

ولقد لخصها التراث الشعبي بعبقرية
فى مقولة :يافرعون من فرعنك؟والموضوع
يحتمل كلاما كثيرا
عموما لو تقصدى تجرجرينا لمنطقة شائكة
فأنا مستعد..بس ممكن نعيد وسط اهلنا الأول وبعدين ندوس بقلب جامد
هههههههههههه


تحياتى وتقديرى

Doaa Ebrahim Aaql يقول...

عصرنا الآن
عصر فرعون بلا موسى للأسف

قالها إبراهيم عيسى
فى احد اعداد الدستور الأسبوعى

فأين لنا بموسى
ومعجزة السماء
للتخلص من الفرعون

***

جميل يالومى

يا مراكبي يقول...

طبعا قصدك كيف يصنعون الدكتاتور؟

لو السؤال أنا فهمته صح فيبقى إنتي مش بتسألي عن الديكتاتور نفسه .. لكن بتسألي عن البطانة السيئة اللي بتصنع الديكتاتور

في كل عصر بيكون فيه البطانة المنتفعة واللي ما بتحبش تكون في الواجهة أو المواجهة وبيعيشوا أحلى عيشة من غير وجع دماغ

بيختاروا الشخص اللي بيتوسموا فيه إنه هيسمع كلامهم ويصدقهم ويصدق كل الكدب اللي هيتقال عنه أو عن الشعب

تملق متواصل له + إعتماده الإستشاري عليهم بإستمرار + غباؤه في تصديق الكدب بينمي دكتاتوريتة يوم من بعد يوم ويبقى متكتف في قراراته وما يقدرش يتخص منهم أبدا بعد كده

ويتحول لفرعون

بس كده

أحمد سلامــة يقول...

ملقاش حد يلمو
:)
جامدة جدا الصورة يا لومي
والفكرة

غير معرف يقول...

شكرا بجد على البوست ده اوجزتى فا انجزتى بغض النظر عن اى اختلافات لغويه وبجد بجد عجبتنى قوى الاغنيه اختيارك عالى جدا ليها

اسكندراني اوي يقول...

كل عام وانتم بخير

تقبل الله طاعاتكم

عيد فطر سعيد ان شاء الله

حعمل ايه بما ان مفيش شات بوكس قلت اعيد عليكي هنا

loumi يقول...

بداية أعتذر
لتأخري فى الرد
عليكم جميعاً
--------------
العزيز إسكندراني قوي
انا لم اقصد الفراعنه اللي في الصورة
ولو إني أشك إننا أولاد الفراعنه
ولكني قصدت الناس اللي لما بيوصلوا لمناصب كبيره بيتحولوا بمساعدة من حولهم الى فراعنه
-----------------------------------
عزيزي....
تعليقك دائما
يثري اي موضوع
لذا أشكرك على هذا الشرح المفصل
ويمكن أبسط مما كنت أتخيل
-----------------------------------
darsh
انا الحمد لله كويسه
انت أخبارك إيه؟
كل سنه وانت طيب
-----------------------------------
د.ضياء النجار
أشكرك على الرابط
القصيده جميله
اما الإطاله فلا لاداعي للإعتذار عنها
تحياتي لك
-----------------------------------
العزيزة جدا
أميره
وانت طيبه وبصحه وسعاده يا رب
بس في اوقات كمان بيتم إختيار ناس بعينهم لتحويلهم الى فراعين فى كل المجالات
أما أن لهذا الليل أن ينجلي؟
تحياتي لك
-----------------------------------
صديقي المبدع حورس
إن غداً لناظره لقريب
تحياتي
-----------------------------------
العزيز راجي
أشكر لك زيارتك وتعليقك الذي أسعدني
كل شىء يمكن صناعته
فكما يوجد فريق لصناعة النجوم
هناك فريق لصناعة الفراعين
وربنا يبعدهم عننا
تحياتي لك
-----------------------------------
العزيز مدحت
تعليقك هو الأقرب للفكرة المطروحه في المقال
فالكاتب يتحدث عن زميل لهم فى الجامعه كان قادماً من الأرياف وهو كما ذكرت عصامي ثم مرت الايام وفوجئوا بخبر فى إحدى الصحف القوميه بخبلا تقليده منصب رفيع المستوى
وأنهم ذهبوا ليهنؤه قابلهم بترحاب ولكنه حاول بكل الطرق إظهار قدراته السلطويه ومدى ما وصل إليه من قوة في إصدار قرارات مصيريه وهنا نظر الكاتب لصديقه وقال له
هل رأيت كيف يصنعون الفراعنه؟
تحياتي لك
-----------------------------------
العزيزة اوشا
ربنا يخليك يا رب
ويخليلنا قلبك اللي سايعنا كلنا
ربما كان لنا منافسون قريبون منا جدا
تحياتي
-----------------------------------
الأستاذ
تشرفت بزيارتك
نعم المنجد
وهو أشهر معجم مستخدم فى الدول العربيه وإسمه
المنجد فى اللغه والأعلام
صادر من دار المشرق ببيروت
كما ذكرت
الفرعون شخص عادي ولكن أتيحت له ظروف و أناس ساعدوه الى أن أصبح فرعون
والمساعده تكون إيضا بالسكوت
فمن سكت عن تصرفات الفرعون الجائره
ساعده على ان يمعن فىي فرعنته
سعيده بزيارتك
تحياتي
-----------------------------------
العزيز حسن
وعليكم السلام ورحمة الله وبركاته
معلش الظروف حكمت :)
وبعدين عشان تفكر وتحرق الدهون اللي في الوجبه اللي فاتت
هههههههههههههههههه
عيد براحتك يا عم ولا يهمك
تحياتي لك
-----------------------------------
العزيزة دودو
باسعد بزيارتك من وقت للتاني
اللي قدر على فرعون موسى
يقدر على كل الفراعين
تحياتي

loumi يقول...

العزيز كبير المهندسين
عليك نور
هم دول الله ينور عليك
البطانه اللي بتخطط وتهيأ وتظبط
واللي أهم من الفرعون
تظبيط الفرعون
ههههههههههههههههههه
وإوعى تلبس العمه للزبون
ههههههههههههههههه
تحياتي
-----------------------------------
العزيز أحمد سلامه
ملعوبه
:)
إتفضل ما تغلاش عليك
وإن جالك الطوفان
حط إبنك تحت رجليك
وعجبي
تحياتي
-----------------------------------
العزيز
رئيس جمهوريه نفسه
أشكرك على الزياره
أنا قمت بزيارتك
مبروك عليك أول فلوس من عرق جبينك
بس النت كان وحش وتقريباً التعليق اللي كتبتهولك ما ظهرش
اااااااااااعععععععععععععععع
هههههههههههههههههه
الأغنيه دي هديه من عادل
صاحب مدونه
كراكيب عادل
تحياتي
-----------------------------------
العزيز إسكندراني قوي
أنا قمت بالازم
:):):)
تحياتي