الاثنين، نوفمبر 12

فضفضات

أغوص في أعماق نفسي لأكتشف من أنا
فاجدني بضع أشياء جُمعت من هناك وهنا
لوحة فسيفساء رُكبت فوق بعضها البعضا
ربما إن إكتملت أعجبتني ولم تعجب البعضا
*
*
*
*
أنظُر لهم فأرى في وجوههم حياتي
ملامحهم تذكرني بأفراحي وأتراحي
أسعد بوجودهم في غدوي ورواحي
تُرى هل أحظي برؤيتهم يوم مماتي
*
*
*
*
تمر الأيام من خلفنا ونحن واقفون
تسرقنا الأحلام وتلعب بنا الظنون
ويأت من يسأل أما زلتم تحلمون
مرت الأيام
وسرقت الأحلام
فماذا أنتم فاعلون
*
*
*
*
ضاقت بأحلامهم دروب المدينه
فباعوا ما باعوا بقروش زهيده
على أمل الهجرة لبلاد سعيده
فعادوا من الغربه فى نعوش جديده

هناك 42 تعليقًا:

عدى النهار يقول...

ربنا يلطف بأهليهم وينتقم ممن دفعهم لهذا الطريق دفعاً مهما حاول التنصل من مسؤليته.. وإن كنت أعتقد أنه لا يعبأ بما حدث وكأن الأمر لا يعنيه

Hannoda يقول...

كلماتك نقلتني من ابتسام لحزن لتفكير و تأمل

فعلا كما كتبت
فهي كلمات من هناك و هنا

*****
مرت الأيام
وسرقت الأحلام
فماذا أنتم فاعلون
*****

سؤال قوي جدا
جميعنا نعرف ان نجيب عليه ببراعة
ولكن من منايستطيع ان ينفذ ما جاء في اجابته؟؟

أما المقطع الأخير فهو يؤلمني

من زمان وأنا يؤلمني هؤلاء الشباب و تؤلمني تلك الفكرة التي تقفز لأذهانهم.. أوروبا

اللهم إحميهم و أرزقهم رزقا يغنيهم

تحياتي

Van Gogh يقول...

بقالى فترة مجتش عندك

الدنيا لسة مش مظبوطة معايا

بس ان شاء الله خير

جيت لقيتك جايبة سيرة المتغربين

واحلامهم اللى ضاقت بيها بلدهم

وغربتهم..واملهم

صدقينى

صورة النعش اللى راجع مش مفارقة خيالى

اصلى كان ليا قريب كده

هاجر وبعد ما مات رجع

قعد 4 ايام على ما رجع

قصته نهت جوايا فكرة الهجرة

وفى نفس الوقت..شايف ان غربة بغربة

ولو كدة كدة هرجع بلدى

يبقة الكام سنة غربة برة هيفيدونى انا وبلدى اكتر

اكتر من بلد عربى

لا بقى فيه فلوس
ولا فيه تعليم

صدعتك..؟؟

انا والله جاى اسلم وبس

خليكى بالجو

اسكندراني اوي يقول...

ايه خالوووووووووووو

ليه مسوده الدنيا كده

كلنا صناعات خبرات
كلنا اتعملنا من الاحتكاااك
واتعاملات
لان احنا بنتولد ملايكه والدنيا بتعلمنا الشيطنه

اما من هاجر وعاد في نعوش
فلهم الله
ولاهليهم الصبر
ولنا الحق ان ترحم عليهم

وفكيها لاجل النبي يا شيخه

أحمد سلامــه يقول...

الجزء الاخير ممتاز
باعوا بقروش زهيده
على أمل الهجرة لبلاد سعيده
فعادوا من الغربه فى نعوش جديده

مش عارف ليه دايما الجزء الاخير في معظم الكتابات الشعرية في المدونات بيبقى جذاب اكتر
:)
يمكن عشان بيلخص حكمة ما
ممتاز يا لومي
====
احم
هي اتراحي يعني ايه

كراكيب عادل يقول...

انتي بقيتي تخوفي يا لومي

بتنكشي كتير الايام دي

بس نكشك جميل وكلة تامل

فعلا احنا جوانا مش حاجة وحدة دي فعلا زي قطع الفسيفساء حجات متجمعة

ومنها متكسر واتكونت لكل واحد حاجة تختلف عن التاني

انكشي يا لمي

klmat يقول...

عزيزتى لومى
رائعه رائعه يالومى
ماشاء الله عليكى
عبرتى عن احساسى
وزى ماتكونى قرأتى افكارى
وعبرتى عنه
بأبيات غايه فى الروعه
ربنا يرحمهم ويغفر لهم
ويجازى اللى دفعهملترك بلادهم
دومتى لنا يامبدعه
تحياتى ودعواتى بكل الخير

Ragi يقول...

لمى العزيزة
اخيرا توتى اتصرف بس من ورايا:)) المهم مبروك النت رجعت من جديد
القصيدة حلوة خالص حالص بس الجزء الاخير موش راكب كان كفاية اوى الثلاث كوبليهات الاولى
الشعر انا لا ادعى انى اعرف قواعده او خباياه ولكن يبدو من الخبرة انها قصيدة جامدة وزى ما قلت لك من غير الجزء الاخير
لك التحية والسلام

loumi يقول...

العزيز مدحت

ربنا موجود

سواء تنصلوا ام لا

يعبأوا أولا

هو المنتقم

تحياتي

loumi يقول...

هنوده الإنسانه

جميل ان يتنقل الإنسان بين المعاني والكلمات
حزن هنا وفرح هناك
تفكير وتأمل من هناك وهنا

لا يمكن ان يتخلى الإنسان
عن أحلامه مهما حصل
قد يقف قليلا ولكنه يعود لتراوده الأحلام
من جديد
ويسعى من جديد لتحقيقها
هذه هي الحياه

البحث عن فرصة عمل شىء مشروع
ولقد سمعت أرقام تغري أي شاب بالتفكير في السفر عما يحصلوا عليه من العمل في أوروبا
ولكن الهروب بهذه الطريقه هو المأساه الحقيقيه


سلام

loumi يقول...

حللت أهلاً ونزلت سهلاً

ربنا يقضي غربتك على خير

بس الأهم إنك تستمتع بكل
الوقت اللي بتقضيه سواء في الغربه أو في بلدك

ربنا يصبر أهاليهم ويرحمهم

شوي بالجو وشوى على الارض

تحياتي

loumi يقول...

العزيز أسكندراني قوي

مش مسوداها ولا حاجه
ده أنا عاملاها كاروهات
هههههههههه

بس أختلف معاك في حكايه
إننا بنتولد ملايكه
إحنا بنتخلق جوانا
شياطيننا
يا بنروضهم ونكبح جماحهم
يا بنساعدهم ونقويهم

الله يرحم الجميع
ويصبر أهاليهم

حأفك الكيس وأديك بقشيش
حلو كده
يا خاااااال

تحياتي

loumi يقول...

العزيز أحمد سلامه

غالباً الجزء الأخير فعلاً
بيبقا الخلاصه


أشكرك

********
أتراحي
عكس أفراحي
أحزاني
يعني

loumi يقول...

ههههههههههه
طيب إحترس من لومي

حاضر يا فندم

:):):)

تحياتي

loumi يقول...

العزيزة جداً
أميره

ربنا يخليك
سعيده إني قدرت
أعبر عن ما بداخلك
بكلمات أعجبتك

دمت غاليه دائماً
تحياتي

loumi يقول...

العزيز راجي


توتي ده عجز خلاص
الله يبارك فيك
بس شغاله سلكه عشان كده بأتأخر في الرد وقراءة جديدكم

أنا كمان لأ أدعي معرفتي بالشعر
ولكنها محاولات

كل اربعة أبيات تتكلم عن موقف محدد
ربما كتابتهم في اوقات متقاربه جعل بينهم نوع من الترابط

وجاءت الرباعيه الأخيره مختلفه من وجهة نظرك

ولكن الفكرة كلهاقائمه على التأمل والتفكير والأحلام
والأمال

ولك ايضا
تحياتي

osama يقول...

تأملات في داخل النفس .. بين لوحة اشتركنا في رسمها وما رسمناها.. وبين نفس تسعى للخروج ... وبين ذاتي والآخرين من حولي .,.
وبين حلم مات وعاد محمولاً
جميل ما خطه قلمك...
معبر
دمت بكل ود..
خالص تحياتي..

يوميات عيل مصري يقول...

أول مرة أزور مدونتك، سحرني فيها كلمة إنك قاهرية المولد دمشقية النشاة فيروزية الهوى
أنا طبعاً قاهري حتى النخاع، من قلب قلب حواري القاهرة
بس لما رحت دمشق حسيت أد ايه هي توام القاهرة
تعرفي
كنا نازلين في فندق من الفنادق الكئيبة بتاعت الخمس نجوم، سبتهم ورحت سكنت في بحصة
والصبح لقيت نفسي طالع ع الحميدية، وصليت الجمعة في الأموي، وبعدين عديت على بكداش، أخدت بوظة، ومهلبية
سحرتني دمشق، أما فيروز، فيمن يقدر يتكلم
تحياتي لمكوناتك العبقرية
وعلى امل تشريفك لينا بالزيارة

e7na يقول...

ماذا أنتم فاعلون
أقسى ما فى السؤال
المفاجأه

يوميات عيل مصري يقول...

يا بنت الجمهورية العربية المتحدة
الحقي عندنا خناقة للصبح
هاتي معاكي شومة ولا حاجة وتعالي

البرديــــــة المصرية يقول...

كلام معبر عن حالنا السئ

رحمتك يارب

فى القلب يقول...

رغم الحزن رغم الألم

رغم مرور الأيام أستشعر أن الأفضل لم يجئ بعد

شعرك رائع دئما لومى

يمس صميم الحياه

رئيس جمهوريه نفسى يقول...

عجبنى تشبيه نفسك بلوحه الفسيفساء
وعجبنى اكتر سوال لو عجبتنى يمكن ما تعجبش البعض
اهم حاجه تعجبك انتى لانك رقيب نفسك وبمنتهى البساطه الناس مش حتتفق عليكى ابدا

فى القلب يقول...

لووووووومىىىىىىىىىى


مش ممكن أشرح حجم سعتى لما قرأت كمنتك

نازله مصر يا جميله لوبطيران أجى أخدك من المطار

أومن أى محطه

و الله هكون فى منتهى السعاده

الميل الخاص
shosho95@GMAIL.com

loumi يقول...

العزيز أسامه
هي فعلاً كذلك
أشكرك على تواجدك
وتعليقاتك التي تسعدني دائماً

تحياتي

loumi يقول...

العزيز أبو الفدا
أهلين وسهلين بك
فى دمشق في أي وقت
مدونتك جميله حسستني إني بأتفرج على فيلم أبيض وأسود

تحياتي

loumi يقول...

العزيز أحمد

تحمل لنا المفاجأت
كل ما هو غير متوقع
ربما قسوة ربما فرح او حزن
تحياتي

loumi يقول...

العزيز أبو الفدا

لا ياعم أنا ماليش في الخناقات
وشووووووم كمان؟
يا عيب الشووووووم
:):):)

loumi يقول...

العزيز
أقول صاحب البرديه
وإلا صاحب السيناريو؟
:)
ربنا يرحمنا جميعا
ويساعدنا على
تحمل القادم


تحياتي

loumi يقول...

يا عزيزتي
طالما في إيمان
يبقا لازم يكون في أمل

ربنا يخليك يا رب

تحياتي

loumi يقول...

العزيز رئيس جمهورية نفسه

كلنا لوحات
ومنمنمات
تشكلت مع الأيام

وكلامك صحيح فما يهمني أن تعجبني أنا
لأنه كما قلت لن يجتمع الكل على شىء
الثقه بالنفس مطلوبه على أن لا تصل لنقطة الغرور

سعيده
لأن الكلام ما أنتهاش
تحياتي

loumi يقول...

يا حبيبتي
ربنا يسعدك كمان وكمان
وكل السعاده دي بسببي أنا
ربنا يخليك يا رب

والى لقاء قريب
بإذن الله

يا مراكبي يقول...

تنهيدة طويلة

وزفرة أسى

آه لو تعرفي إن هو ده حديث الصباح والمساء لكل المغتربين .. عاملين زي اللي عايزين يحركوا قطعة شطرنج وكل الحركات خطيرة ومش نافعه

الظاهر إنه لازم الملك يموت

عايش ولكن يقول...

رائع بجد البوست
وزملائنا المدونين قالوا كل اللى يتقال
البلوج جامد
ودائما للافضل
تحياتى
علاء

loumi يقول...

العزيز الباشمهندس
احمد
الخطر أصبح موجود فعلاً
في كل التحركات
كش ملك

تحياتي

loumi يقول...

العزيز علاء

حللت أهلاً ونزلت سهلاً
أشكرك على الزياره
وعودُحميدُ
بإذن الله

تحياتي
لمى

camera_girl يقول...

أنا جييييييييييييييييييييت

الى يسأل ميتوهش...ولما وصلت لقيت بوست جميل مستنينى.....ينفع نكتفى بجملة.. انو كلاامك جميل اوى؟؟

sendbad يقول...

باقة من الشجن والحنين والالم باقة من زهور المعاني
تحياتي ليكي بجد

loumi يقول...

أهلين أهلين

اللي يسأل ما يتوهش
يا جميله

طبعاً
كفايه
جمله منك تسعدني
تحياتي

loumi يقول...

العزيز سندباد

تسلم يا رب
سعدت بمرورك

تحياتي

angelic devil يقول...

كما نعرف جميعآ السؤال الابدي
من جاء في هذه الدنيا اولا
البيضة ام الفرخة؟؟؟؟
ياتي هذا السؤال ايضآ تحت بند الأسئلة الابدية
من أنا؟؟؟
من أنت؟؟؟
من هو؟؟؟
من هي؟؟؟
ماذا تحمل أعماق كل انسان منا
ماذا يخبئ تحت طيات ملامحه
و القليل منا فقط
من يجد اجابة لتلك الأسئلة الحائرة


في جملة انا ابتديت أصدقها
لا تبكي علي غروب شمس اليوم
فقد غربت بالأمس
و أشرقت اليوم
و بالتأكيد ستشرق يوم غد
و اذا مات الحلم عزيزتي او ضاع
فيبقي الأمل في البحث عنه
او أيجاد غيره
طالما نحيا ع تلك المعمورة
دا اول مرور ليا
و أكيد كان مرور سعيد جدآ
تحياااااااااااااتي

loumi يقول...

العزيزة
angelic devil
لا تفيد كثيراً
معرفة من الاول
المهم أن تعرفي ما بداخلك وتتعاملي معها على هذا الأساس
فأنت الأهم
إن عرفت من انت وماذا بداخلك وماذا تريدين
إستطعت أن تحققي أغلب ما تريدين
نحن نتكون بفعل التجارب التى نمر بها
تعلم فينا ونتعلم منها
لا تحزني على ما فات أبداً ولكن تعلمي من تجاربك
وتحاولي بقدر الإمكان عدم تكرار أخطائك

سعيده بمرورك
تحياتي