في المرة الأولى التي ذهبت فيها للقائه
وقفت أمامه مبهورة بجماله
سحرني تلألؤ ضوء الشمس على صفحة وجهه
مع أول خطوة أتقدم بها نحوه سارع إليَّ بخطواته
مد لي يده فأرتميت بين أحضانه
لم أدر كيف حدث هذا بكل هذه السرعه
لم استطع مقاومة زُرقة مائه التى كانت تغسل الهموم والأحزان
ولا هدير أمواجه التى كانت تغوص بي بين اللآلئ والمرجان
ولا نعومة رماله التى كانت تقُصُ عليُّ حكايات النُدمان
كنت أخشاه دائما وأخشى غدره
بكيت حين غمرني بدفء نسماته
فاختلطت دموعى بمالح مائه
وهمس في أُذني بسرٍ من أسراره
فضحكت
وضحكت
وكتمت السر
وكلما تذكرته
ضحكت
فلقد علمت من وقتها
اين تذهب دموع العاشقين
هناك 22 تعليقًا:
:)
الفاضلة لومى
للبحر سحر عجيب و السير على الشاطئ متعة و متابعة إنعكاسات الشمس شروقا و غروبا على سطحه هواية فى دمى و بيت العائلة بجوار البحر ومن صغرى صديق دائم له ذكرياتى معه كثيرة كثيرة و أنا اقرأ هذا البوست مرت على ذهنى الذكريات حلوها ومرها على شاطئ البحر شكرا على هذا البوست..
أبو خالد
اه ياني منك
ضربتي الوتر الحساس
البحر ورماله وشمسه وسمائه
اخباره ايه قوليلي
اصله وحشني اوي اوي اوي
أضحك الله سنَّك
:)
العزيز أبو خالد
طوال عمري أحب البحر
ولكن كنت أكره ملمس الرمل
ولكن الحمد لله إتعالجت:):):)
عليك حق عرب
تعزم البلوجريه على يوم في بيت العيله
تحياتي لشخصك الكريم
يا خااااااااال
البحر بيسأل عليك
ومستنيك هو وكل حبايبك في إسكندريه
ربنا يرجعك ليهم سالم غانم يا رب
على أساس إنك بتحارب يعني وكده
:):):)
مستنياك تقول لي إيه إللي ما عجبكش في البوست إللي فات
تحياتي يا خااااااال
جميلة أوى الكلمات دى.. واضح إنها خارجة من أعماق البحر
:)
ما احلي ابداعك
العزيز مدحت
رساله من تحت الماء
:):):)
العزيزة عروس البحر
مدونتك جميله
حسستني إني في أعماق البحار
لذيذ قوى بوست هيا بنا نتعلم
الإنجليزيه
:)
سعدت بزيارتك
أجمل ما فيه أنه كل ما بهرك بكبره ووسعه و بكل محبيه الذين تفوق أعدادهم التصور
إلا أنه يظل دوما يخصك وحدك
كلما إرتميتي في أحضانه تشعرين أنه صديقك أنت فقط.. ولا يعرف غيرك أنت فقط
هكذا هو دوما
يعرف أسرارنا وكأنه لديه عيون ثاقبة و نافذة لعمق قلوبنا
أحببت جدا ما قراته..
حسيت بميته و كإني إتبليت بيها
وإنتعشت
:)
لومى الجميله
عبرتى عن البحر وحبنا له وخوفنا منه
باسلوبك العذب الجميل
تعالى اسكندريه ونتمشى سوا
مااحلى الرجوع اليه
عايزه اعرف رايك فى اغانى وجيه عزيز
ابدئى بزعلان شويه وناقصه حته اسمعيه
من النت ويارب يعجبك
وحشتينى اوى
خالص حبى وتقديرى
الله انتى رجعتى تكتبى تانى من غير ما تقولى؟
يعنى مستخسرة متعة القراءة على محبينك؟
تصفيق حاد على الفكرة الجديدة اللي وصلتي ليها .. بجد أنا إتفاجئت بيها
كل المياة المالحة في البحور ما هي إلا دموع العاشقين .. ياااه .. فكرة قوية جدا بجد
وممكن تكون حقيقة فعلا .. ما أكثر دموع العاشقين
هنوده الإنسانه
وحشتيني ياقمر
أديكى عرفتي السكه
كل ما تحبي تتبلي بميته
وتنتعشي السكه ما تتوهش
:):):)
الغاليه أميره
إنت كمان وحشتيني قوي
بأحاول كتير في الموقع بس للأسف
مش قادرة أسمع ولا أغنيه وبما إن
نَفَسي قصير حاشتري الشريط وأقول لك رأيي
مع إني عرفت إن ما فيهوش أغنية زعلان شويه بس حاسه إنه حيكون حلو
إن شاء الله الظروف تسمح ونتمشى عليه سوا
تحياتي يا قمر
العزيز راجي
الله هو أنا كنت قلت إني مش حأكتب تاني؟
:):):)
سعيده بمرورك
العزيز أبو حميد
أنا كمان إتفاجئت
لما الفكرة خطرت على بالي
:):):)
تحياتي لك وللأسرة الكريمه
قد ايه بقيت بشتاق اجى هنا حتى لو مش بعلق وبحب هنا....ليكى وحشه كبيييييييييره بجد ....
ميرووووووووو
وإنتِ كمان لكِ وحشه كبيره
إن شاء الله تخلصي إمتحانات
وتطمنيني عليكِ دايماً يا جميله
يا الله
رووووووووووووعه جدا
بجد تصفيق حااااااااااااااااااااااااااااااااااااااااااااااااااااااااااد
ما شاء الله عليكي
بجد النهاية جميلة اوي
احترامي و حبي
:)
الجميله ولاء
سعيده جداً إن النهايه عجبتك
تفتكري إللي فكرت فيه صحيح؟
:):):)
تحياتي لك يا قمر
إرسال تعليق