الجمعة، مايو 16

أنا حقي فيه فَرًّطت

لو جيه يوم إعترضت
*
صرخت حتى و ثُرْت
*
ولا يوم جبنت وخُفْت
*
كان يبقا ليا الحق
*
أنا حقي فيه فرَّطت
*
بس خلاص إتخنقت
*
وكل ما اقول قرَّبت
*
ألاقيني تُهتْ و ضِعت
*

هناك 27 تعليقًا:

.:.-=- ELGaZaLy-=-.:. يقول...

نا حقي فيه فرَّطت
*
بس خلاص إتخنقت
*
وكل ما اقول قرَّبت
*
ألاقيني تُهتْ و ضِعت

----------------------

حلو اوى يا لومى...شعرك دة؟؟

هممممممممم

جامد

اسكندراني اوي يقول...

مافيش ضياع ولا توهان ولا حاجه ان شاء الله

كنتي فين قلقتينا
بعتنا لحظرت جنابكم رسايل عديدات افنظم

loumi يقول...

ههههههههههههه

والله زمان يا غزالي

جامده قوي الموضوعات إللي إنت كاتبها

في إنتظار الروايه الكامله

إن شاء الله

loumi يقول...

أنا برضه إللي فين يا خااااااااااااال؟

أنا موجوده

الحمد لله

إنت أخبارك إيه؟

أنا قلت إنت رجعت إسكندريه

والله ما وصلنيش أي حاجه

منك من مده طويله

ربنا يرجعك سالم غانم للأسره في أقرب وقت

سلام يا خاااال

أبو خالد يقول...

أختى الغالية لومى
خاطرة حزينة
يا رب تكونى بخير
أفتقدتك كثيرا

يا مراكبي يقول...

طيب ما هو طبيعي ما دام إحنا اللي فرطنا فيه .. يبقى لازم نستحمل الخنقة .. مش كده وألا إيه؟

احساس لسه حى يقول...

عزيزتى

بقلنا كتير بنسمع


كلمة اتخنقت

بس السنة دى

هنشوف معنى اتخنقت

ولا مش شايفة بشاير

جميل اسلوبك

تحياتى

سلام

الربان يقول...

تحياتي

كلمات بسيطة...لكنها معبرة بقوة...

يا تري هل تقصدي حالنا جميعا...شعب
زهق...اتخنق...مما يدور حوله...؟

ام هي نزعة شخصية....؟

عموما...في كلتا الحالتين...نحن نشعر
بنفس المشاعر...من وقت لاخر...لككن احيانا لا نعرف كيف نعبر بنفس القوة
التي عبرتي بها من خلال كلماتك ...

تحياتي و تقديري

klmat يقول...

لومى الغاليه
وحشتينى اوى يارب تكونى انتى واسرتك وكل حبايبك بخير .
حقى فيه فرطت اللى بيفرط فى حقه بيكون عن
طيب خاطر لحاجه اغلى من حقه ممكن رضا حبيب او اسعاد آخرين لكن لما بيلاقى قصاد
تفريطه فى حقه مايوصله لدرجه الأختناق
عليه ان يحاول استرداد حقه او نسيانه وينسلخ من القديم ويبدأ بدايه جديده سعيده.
خواطرك ابداع وبتمس قلبى اوى. تسلم ايدك . وربنا يسعدك ويوفقك يارب

loumi يقول...

العزيز أبو خالد

بخير والحمد لله
أشكر لك سؤالك
وفي إنتظار باقي الذكريات

تحياتي

loumi يقول...

طبعاً يا باشمهندس

لازم نستحمل الخنقه
ونحاول نسترجع ما فرطنا فيه
فما ضع حق وراءه مطالب
بس المهم يطالب

تحياتي لك وللأسره الكريمه

loumi يقول...

العزيز حسام

أرجو أن تكون بخير

الخنقه موجوده في كل وقت

بس لازم ما نستسلمش للإحساس ده

ويفضل إحساسنا دايما حي

تحياتي لك

loumi يقول...

عزيزي الربان
صاحب سفينة الحريه

الكلام ده كنت كتبته من سنه
ولم أنشره
وهو كما ذكرت يصلح لأن يعبر عن الحالتين
العامه والخاصه
وبما أن الإنسان لا يستطيع الإنفصال عما يجري حوله من أحداث تؤثر بشكل كبير على حالته فما أكتبه هو نتيجة تأثير الأوضاع المحيطه عليَّ

أشكر لك زيارتك

خالص تحياتي

loumi يقول...

الغاليه أميره

وإنت كمان وحشتيني قوي
الحقيقه إن الواحد مش بيحس إنه فرط في حقه
إلا لما بيحسن إنه قدم شىء عن طيب خاطر ولم يُقابل من الطرف الآخر بإهتمام
عندها فقط يبدأ الإنسان في التفكير أنه فرط في شىء لم يكن يجب أن يفرط فيه
معلش فلسفه زياده عن اللزوم
بس إنت أكيد فهماني

تحياتي لك ولكل حبايبك
وإلى لقاء قريب بإذن الله

على فكرة صدر أول كتاب
من سلسلة مدونات مصريه للجيب

سلام يا جميل

ابو العربى يقول...

جامده بس ليه كده عيزين اسرار او اصرار عيزين منه ده ال هو اسمه ايه
بس جامد
تحياتى
ابوالعربى

عدى النهار يقول...

لو الواحد ضعُف عن المواجهة فى فترة من عمره ده لايعنى إن الضعف مكتوب عليه إلى نهاية العمر. ممكن الواحد يصحى وينتبه لحقه ولو بعد حين

Hannoda يقول...

لوووومي

واحشاني قوي قوي قوي

إنت عارفة مابغبش غير لما يكون غصب عني

بس بجد ومن غير مباغة
دايما معاي و دايما بتكلم معاكي

بتسمعيني؟؟

رقمك ضاع مع الموبايل بتاعي ومش عارفة أبعت و أقولك وحشتيني

مالحقتش أقرى البوست عشان قدامي وقت صغير قوي ي ي ي ي ي

لكن أكيد يخلص ضغط الكام يوم دول و أقرى كل اللي فاتني


تحياتي

عين فى الجنة يقول...

ان الله مع الصابرين

loumi يقول...

أبو العربي

إنت فين من زمااااااااان يا راجل

سعدت بتواجدك والإصرار موجود دايماً

بإذن الله

فما ضاع حق وراءه مطالب

تحياتي

loumi يقول...

العزيز مدحت

أتفق معك تماماً

فدوام الحال من المحال

وكلما مر الإنسان بظروف ومواقف

كلما تغيرت نظرته للأمور

ويبدو أن هذه هي مرجلة إستعادة الحقوق

:)

تحياتي لك

loumi يقول...

هنوده الإنسانه

صوتك في وداني على طول يا جميله

إنت كمان واحشاني

وسعدت لأن نمرتي عادت إليك من جديد

:):):)

إن شاء الله ينتهي ضغط عملك لتعودى

إلينا من جديد

سلااااااااااام
يا قمر

loumi يقول...

العزيز راجي

إن صبروا

معلش أنا مقصره معاك بس متابعه كل البوستات

خالص تحياتي

harmless يقول...

لو زهق الزهق من الزهقانين كنت زهقت
ولو تاه التيه مع التايهين كنت تهت

لكن

حقى لو جانى بعد زمانى عنه ما جه
والحب من غير حبيب لافيه حه ولا به

loumi يقول...

مييييييييييين؟
عزيزي.... عندنا؟
يا مرحبا يا مرحبا
وحشتني ووحشتني تعليقاتك


وعجبي

asftel7b يقول...

فعلا انا حقى فيه فرطت
عشان كده برضى بالظلم وعايش فيه
هو مش كفايه انى فرطت
لأ كمان بيزيد الظلم
وعليا انا انى ارضى به
حسبى الله ونعم الوكيل

بجد كلماتك رائعه

loumi يقول...

أهلين وسهلين
يا سمر
طبعاً عرفت إسمك من مدونتك
:)
مبروك إنتهاء الإمتحانات يا مهندسة المستقبل

تمنياتي لك بالنجاح والتوفيق

أحمد سلامــة يقول...

الاقيني تهت وضعت

من زماااااااااان

--------------
ازيك :)