الأحد، مايو 13

بدايه طريق

فى غرفه الانتظار جلست ترقب المكان قاتم قليلا و لا يتناسب مع عياده طبيب نفسى لم يدم انتظارها طويلا فهى دقيقه فى مواعيدها وكانت تتمنى ان لا تنتظر ولا لحظه استقبلها رجل كبير السن لكنها شعرت بدفء ترحيبه بها فزال توترها بفعل ابتسامته قوليللى يا ستى ايه بقا مشكلتك؟كان هذا اول سؤال بعد ان ابدى اعجابه باسمها ديما وداعبها بقوله طبعا عارفه معناه؟ قالت: نعم الغيمه المحمله بالامطارو ابتسمت لم تكن تدرى كيف ستشرح له مشكلتها ولكن بتلقائيه قالت: مش عايزة اعاشر جوزى فابتسم وقال:انت دكتورة وعارفه فاكرانى حاديكى حبايه تخليكى تعاشريه؟ قالت:انا عارفه طبعا لا بس انا عايزة اريح ضميرى لقد وعدت زوجى ان انفذ له طلبه واحضر اليك سأل الطبيب لماذا لم يأت معك؟ اجابت:مالوش لازمه احس الطبيب بخبرته ما يدور بذهنها فقال كلمات جعلتها تخرج من عنده وهى تكاد ترقص على اطراف اصابعها كراقصه الباليه التى تمنت ان تكونها فى يوم من الايام فالمرأه قيثاره يستطيع العازف البارع فقط ان يخرج منها اعذب وارق الالحان هذه كانت كلمات الطبيب لها0خرجت و هى على يقين انها لم تكن فى يد عازفها البارع و تأكد لها ان قرارها بالانفصال لم يكن الا بدايه طرق جديد تبحث فيه عن عازفها البارع0

هناك 29 تعليقًا:

Masry يقول...

دكتور بيفهم . بس في بعض الاحيان المفروض المراة تتاني في اختيار العازف البارع . او تصقل خبراتة و تجعلة بارع.

كراكيب عادل يقول...

الدكتور قال كلمات خلاها تخرج وتكاد ترقص

هي مش كلمات الدكتور الي خلتها ترقص

فقط تطابق كلماتة مع ما تنوي فعلة

او ما تفكر بة دوما وتحتاج فقط التنفيذ البحث عن عازف بارع ليس بالامر السهل العازف البارع يعزف
ولكن هل تروق له القيئارة وهل العازف هو من يبحث عن قيثارتة
ام القيثارة هي من تبحث
العازف البارع يكون بارع في كل شئ
حتي في معرفة ما في قلوب الاطباء

Blank-Socrate يقول...

الانفصال
هل هى شرنقه الفراشه
ام لا
اتمنى التوفيق

loumi يقول...

اخر من الاخرين
كلامك صحيح
بس لما تختار غلط
وما تقدرش تجعله بارع
يبقا كده الموضوع خلص
تحياتى لك

loumi يقول...

يا عادل
نرقص عندما نسمع ما يطربنا
فلقد قال لها الطبيب ما ارادت ان سمعه
من توفيق ربنا على الانسان ان تلتقى القيثارة مع العازف البارع
تحياتى

loumi يقول...

الفراشه تترك الشرنقه وتطير فى الهواء ولا تدرى ما قيمتها
اما الذى يستفيد من الشرنقه فهو من يعرف قيمتها فيجمعها ويعالجها ويحصل منها على خيوط الحرير التى تساوى الكثير
فما لا ندرك قيمته
يدرك قيمته اناس غيرنا
تمنياتى لك بالتوفيق دائما

harmless يقول...

اما الطبيب فاحس بخبرته
وقالها كلمتين
خربوا بيتها
وهدموا اسرتها
واتعبوا عيالها

ده طبيب خبره فى خراب البيوت ولا دكتوراه فى تسويد الحياة فى اعين الزوجات ولا مأذون شرعى بعد الظهر ولا فاعل خير

ياترى قالها ايه حل لها المشكله ببساطه
مش بس خلاها تتطلق
ده كمان خلاها ترقص باليه على صوت تحطيم اسرتها وانين اوجاع ابناءها

اكيد حلفها مليون حلفان ما تقولش العلاج اللى اخدته لحد ولا تنشر الروشته على النت حتى لا يشيع سر المهنه ويفلح ادعياء الطب فى تطليق النساء وادعياء الاوبرا فى ترقيصهم باليه

طبعا ده كان كشف
بس ياترى حصل ايه فى الاستشاره؟

loumi يقول...

العزيز هارملس
هل تعتقد حقا ان الانفصال وخراب البيوت و تعب الابناء يأتى من مجرد كلمتين من طبيب؟
استشاره ليه بقا
خبطتين فى الراس توجه
هههههههههههههههه

SomeOne يقول...

أنت سيد قرارك

ده كان عنوان نص نثر
كنا بنخده في ثانوي

وكمان
أحمد العايدي قال

تلك هي الحقيقة بكل قسوتها
فافعل ما يحلو لك

:)

Xee يقول...

حتى و إن لم تجد العازف الماهر
فقيثارة بلا عازف أروع بكثير من قيثارة في يد من لا يجيد عزفها

و على فكره علشان ما نظلمش العازف ، قد يكون عازف ماهر جدا و لكن عازف بيانو يعني برضه هوه مكانش في مكانه الصحيح

تحياتي
زي

.:.-=- ELGaZaLy-=-.:. يقول...

احينا كتير انفسنا الى هيا اغرب من

اى شئ خلقة ربننا بتسكت اوى بتصرخ من سكات

بتنفجر بتعزف لحن داخل روحك محدش يسمعة غيرك


كل دة بيطلعة عقلك الباطن فى شكل تصرفات او تخيلات عقلك الواعى حتى لو محسهاش شئ فشئ بتخنقة ....


المهم ان كانت القصة الواقعية


فامنياتى ها بان تجد العازف

وان كانت خيالية فتحياتى لقلمك الذى سطر كل هذةة الاحساسيس فى بضعة سطور

loumi يقول...

العزيز شادى
انت فعلا سيد قرارك
فلا احد يستطيع ان يملى على اى انسان ان يفعل ما لا يريده
اشكرك على الزياره
تمنياتى لك بالتوفيق

loumi يقول...

عزيزى زى
كلامك صحيح
و فعلا هو ممكن يكون عازف بارع
بس مش فى مكانه الصحيح
سعدت بقراءه مواضيعك وان شاء الله ابقا ضيفه دائمه
تحياتى

loumi يقول...

الغزالى
اخجلتم تواضعنا يا استاذ محمد
فعلا الارواح دى شىء عجيب جدا
فكلنا من روح واحده ولكن ما ان استقرت كل روح فى جسدها حتى ظهرت الاختلافات 0
امتزج الواقع بالخيال فكانت تلك السطور
اشكر لك الزياره

david santos يقول...

Yes, Loumi you write in Arab who I understand. Many gratefulness

david santos يقول...

نعم ، اكتب اليكم لوومي العربي الذي افهم. كثير الامتنان

loumi يقول...

david thank you for your replay
hope to find that sweet girl soon
ربنا يصبر اهلها وترجعلهم بالسلامه
تحياتى

أسوور يقول...

تصفيق حاد يا لومى للبوست الرائع
بس ماقلتيليش الواحدة تعمل ايه لما يكون فى ابناء محتاجين لوجود ابوهم؟؟؟
تحياتى

loumi يقول...

عزيزتى
الحياه صعبه جدا وليست سهله بالمرة
ونحن نتحمل اشياء كثيره ليس فقط من اجل ابنائنا ولكن ايضا من اجل انفسنا
ولا يوجد شخص يهوى الخراب هذا اذا ما اعتبرنا ان الانفصال خراب
ففى بعض الاوقات يكون الانفصال هو الحل الافضل لجميع الاطراف .نصبر ونصبر ولكن ما ان ينفذ صبرنا حتى نبدأ فى التحرك واتخاذ الخطوات الحاسمه
و تأكدى ان كل انسان فى هذه الدنيا
له نصيب من كل شىء قل او كثر فهذا قدره وعلى كل انسان ان يتحمل هذا القدر و يتأقلم معه
الانسان عنده قدرة غريبه على التكيف على كل الاوضاع ولكن اوقات كثيره بيعتاد على وضع معين ربما كان غير مريح له ولكنه يفضل هذا الوضع عن اوضاع اخرى ربما تكون افضل
اشكر لك زيارتك

يا مراكبي يقول...

انا مش هأتكلم عن أسلوب القصة المكتوب برشلقة .ز أنا حسيت بالرقصة فعلا

لكن أنا معترض على الطيب نفسه .. المفروض إنه ما يقولهاش حاجة .. المفروض يخليها هي اللي تتكلم ويسمع منها ويناقشها في مشكلتها ويحللها لها .. يمكن هي تكون غلطانة .. ويمكن تكون على حق .. ويمكن تكون عندها مشاكل نفسية

loumi يقول...

يا مراكبى
اشكرك على تعليقك
طبعا مهمه الطبيب ان يسمع و يحلل ولكن هل تعتقد فعلا انها لو كانت متخذه القرار كان سيفيدها اى تحليل او توجيه؟
اشك فى ذلك
اسعد بزيارتك دائما
تحياتى للمدام القاهريه الدمشقيه

غير معرف يقول...

أحيانا رغم الحب الشاهق للطرف الآخر
يكون الانفصال هو الضمان لاستمرار هذاالحب
أو على الأقل
قليل من المحبة والمودة

الاستمرار فى الارتباط قد يحول الحب الى حبل مشنقة..قد يقتل كلاالطرفين

تحياتى

loumi يقول...

شهروزة
كلامك صحيح
بس اوقات كمان بيبقا الحب موجود
بس الاتنين مش عارفين يوصللوا المشاعر دى لبعض بطريقه تساعد على الاستمرار
سعدت بزيارتك

gohayna يقول...

انا جايه امسي واسلم واصبح علي حسب المكان والجو يا قمر


ازيك وبجد ليكي وحشه

اسلوبك بيعجبني في طرح مواضيعك

بس ليه الدكتور كان بيسمع من طرف واحد

ومن اول كشف كدا الدنيا باظت في بيتها وهيا ارتاحت

والله لو دابيحصل بجد كان نص الستات شوفتيهم بترقص باليه في الشارع

الدنيا ياما فيها

سيبك انتي بقي

قوليلي عامله ايه واخر الخبار

ومتخفيش انا اخدت معايا فيروز وحجات بحبها وانا مسافره

بس تصدقي صوتها هنا مختلف في وداني

انا بجد بشكرك علي سؤالك عليا وسعيده بمعرفتك جدا

اتمني تنوريني دايما

تحياتي يا قمر

loumi يقول...

جى جى
سعيده انك لقيتى وقت تنورينى فيه
بصى بقا يا سيتى
اولا القصه دى مش خيال
بس هى بجد ما راحتش للطبيب الا لان جوزها كان مصر يرمى المشكله اللى بينهم شويه على انها مريضه نفسيا وشويه على انها بتحب واحد تانى وشويه ان فى حد عاملهم عمل
لدرجه انها راحت معاه لشيخ بس من اللى بيعالجوا بالقران وكل ده عشان تثبتله وتثبت لكل من حولها ان لو هو مش مصدق انه جزء من المشكله يبقا ما فيش حل. اصعب جزء دايما ان الواحد يعترف ان فى مشكله
هى كانت متاكده من ده وهو مش عايز يصدق عشان كده المشكله ما اتحلتش الا بالانفصال
زياره الطبيب كانت جزء من كل يا جى جى بس القصه حكمت
وبعدين تفتكرى كام ست ممكن تلجأ لطبيب زى صاحبه القصه دى ما عملت؟
بس اللى ساعد الانسانه دى على الانفصال اهلها لما اكتشفوا حاجات هى عمرها ما كانت بتحكيلهم عليها
انت كمان ليك ى وحشه والله
الاخبار تمام كل يوم باكتشف
ناس جديده وافكار جميله
فى هذا العالم الافتراضى
وعلى فكرة انت عندك حق فى احساسك ان فيروز مختلفه فى الكويت عنها فى مصر
بس مش فيروز هى اللى مختلفه
يا قمر مودك هو اللى اختلف
عشان كده حتاخدى وقت و تتأقلمى
بس سيبك انت مصر حتفضل ام الدنيا
ولما ترجعى برضه حتلاقى فيروز بطعم ثالث
خللى بالك من نفسك ومنتظره جديدك

حواء يقول...

الحقيقة ان الفصة دى بتتكرر كتييييييييير بس مش دايما بيبقى فى الجأة اللى تخللى واحدة او واحد يروح لدكتور نفسانى او اى دكتور متخصص فى المسائل دى والحكايو كلها انها كانت عايزة حد يقوى قرارها لأن القرار ده كان موجود من الاول وما صدقت يعنى مش الدكتور السبب هى حبت ترضى ضميرها وتروح للدكتور زى ما قلها جوزها او س من الناس

loumi يقول...

بوسى كات
فعلا القصص بتكرر بس النهايات بتختلف
بحسب شخصيه وثقافه كل انسان ودرجه وعييه بالمشكله
و شرفتى المدونه
تحياتى

Shreif fahmy يقول...

كلاكيت تاني مرة نأسف للإزعاج منتظر تعقيبك على البوست ده
وداد والنكتة القبيحة

http://sfahmy78.blogspot.com/2007/05/blog-post.html

mimi يقول...

يبقى ايه الحل لما تجد القيثارة العازف الماهر في الوقت الغير مناسب؟ لانها ملك لعازف آخر يحاول جاهدا تعلم العزف. هل تعرفين مادا فعلت القيثارة؟ آثرت البقاء مع مالكها في انتظار ان يتعلم العزف بعد يوم او شهر او سنة وحتى لو لم يتعلم فاستقرار الابناء يستاهل التضحية