الخميس، مايو 24

كلما اغمضت عيني

كلما اغمضت عيني لأسترجع صورتك
بدا لى قرص وجهك مبهما بلا ملامح
احاول تذكر قسماته التى طالما عشقتها
فتتداخل كل التفاصيل فلم اعد احددها
فقد كان قلبى مضاءا بنور حبك الوهاج
اسرح بخيالي مع ذكريات لقاءاتنا
وكم كان يحلو لى الرجوع بعد الغياب
كعصفور يبحث عمن يكمل لحنه المنقوص
كزهرة تتلمس قطرات الندى لتريوها
و ابحث عن ضوء ينير لى طريق العوده
فما عدت احتمل السير فى هذا الطريق
و يجىء الصوت من قلب الصمت
لماذا استرجاع صورة قديمه مبهمه؟
لما لا يكون وجها جديدا واضحا
ترى هل سأجد وجوها واضحه حقا
ام سأظل ابحث عن ملامحك فى وجوه الاخرين

هناك 18 تعليقًا:

Shreif fahmy يقول...

ومن يدري ياعزيزتي ربما هو أيضا يبحث عنك ربما يذهب إلى العرافات لكي يقتفي أثرك ولكن تقول له العرافة مثلما قالت لحليم


فحبيبة قلبك ليس لها أرض أو وطن أو عنوان
ما أصعب أن تهوى امرأة -يا ولدي -
ليس لها عنوان

mimi يقول...

اسلوبك جميل ورقيق ولا داعي للبحث عن ملامح مبهمة فان لم تذكريها بوضوح وسهولة فبالتأكيد عقلك الباطن بيقوم بمسحها
انا جديدة في المدونة واتمنى تزوريني

SomeOne يقول...

امممممم
كلما اغمضت عيني لا أرى شيء
فافتحها مرة اخرى
:)

غير معرف يقول...

يا بختة

.:.-=- ELGaZaLy-=-.:. يقول...

السلام عليكم ورحمة الله وبركاته

ازيك يا loumi

رقيقة اوى الجزئية دى بجد
------------------------
يجىء الصوت من قلب الصمت
لماذا استرجاع صورة قديمه مبهمه؟
لما لا يكون وجها جديدا واضحا
ترى هل سأجد وجوها واضحه حقا
ام سأظل ابحث عن ملامحك فى وجوه الاخرين
-------------------

مستنى بجد عارفة حسيتها اوى
لانها فكرتنى بموقف حصل زمان قدام عيونى...

تحياتى اليكى

Xee يقول...

العزيزة Loumi

أهي حقا طبيعة بشرية؟ أم هي ثقافة عربية خاصة بنا؟؟

لماذا نصر على إسترجاع ملامح ماضينا حتى و إن كان ماض جارح؟
لماذا نتلذذ بالعبث في صندوق ذكرياتنا و خاصة الأبيض و الأسود من محتوياته؟؟
أهو الحنين؟ أهو الإنتماء؟ التعود؟ أم الخوف من التغيير؟؟

كلماتك الجميلة المعبرة إستطاعت أن تمحي الإبتسامة التى طالما حاولت المحافظة عليها في العامين و نصف الماضيين فسألت نفسي....و كانت الإجابة

قوم ياد خدلك دش و اخرج شوف الدنيا

تحياتي
زي

harmless يقول...

ماذا يريد الانسان اكثر من هذا؟

غامت الصورة
وضاعت الملامح
وتآكلت الذكريات
وخفتت الاصوات
وماتت الاشواق
وذهب الصبر
وضاق الصدر
وبهت الصبح
واسودت الليالى

متى سيفهم الانسان ان فى الدنيا
الموت هو الكائن الوحيد الذى لا يموت

loumi يقول...

شريف
هى العرافه دى ورايا ورايا
مطفشاهم اول بأول
انا حسيبلها عنوانى
هههههههههههههه
تحياتى

loumi يقول...

ميمى
اسعدنى وجودك
علم ونفذ وارجو ان لا اكون قد اطلت عليك
تحياتى يا قمر

loumi يقول...

شادى فايد
دمك خفيف يا مضروب
تحياتى

loumi يقول...

جيجو
بخته مين يا عم
دى امه داعيه عليه
ههههههههههههه

loumi يقول...

من حقى اهرتل
يقف قلمى عاجزا عن محاكاه قلمك
تسعدنى فى كل مرة هرتلتك المعبره
تحياتى

loumi يقول...

العزيز محمد الغزالى
انا جايه النهارده وما كنتش متوقعه كم التعليقات دى
و كنت حاحجب كل البوستات وانزل البوست الاخير
عصفورى داوشنى
بس واضح اننا كلنا يا مرينا يا شفنا الحاله دى قدام عنينا
المرة دى ما افتكرتش اى اغنيه:)
يا محمد ما قلتليش اللى بيغنى طلعت يا محلى نورها ده مين؟
اوعى تكون انت:)
تحياتى ليك

loumi يقول...

العزيز زى
اشكرك على لوميات
لازم تشكرنى عشان خليتك تقوم تاخد دوش وتطلع تشوف الدنيا
عموما هى طبيعه بشريه
مش ثقافه عربيه
لانك متابع طبعا افلام اجنبى وعارف
المشاعر دى بتلاقيها كتير
هى بتبقا حاله جوانا
بنسترجعها من وقت للتانى
بس بعدها بنرمى ورا ظهرنا ونقوم ناخد دوش
بس طمننى الميه كان لسه لونها بنى؟
نعميا

loumi يقول...

غزيزى....
حتى لو
غامت الصورة
وضاعت الملامح
وتآكلت الذكريات
وخفتت الاصوات
وماتت الاشواق
وذهب الصبر
وضاق الصدر
وبهت الصبح
واسودت الليالى

لن يفهم الانسان ان الموت هو الكائن الوحيد الذى لا يموت
ببساطه شديده لانه مش عايز يفهم

تحياتى

كراكيب عادل يقول...

ابدا لن تتكرر ملامح الحبيب

وملامح الاخرين ستكون ايضا مبهمة

loumi يقول...

عادل
ليه بس يا عم التشاؤوم ده
خليك محضر خير
تحياتى

S H A H يقول...

لو تعرفي قد ايه انا حسيت البوست ده يا لومي بجد

انا لسة كل الصور الجديدة مبهمة و مش واضحة, اتمنى الاقي الصورة اللي ملقاش فيها شبه من الصورة اللي في قلبي

اسمحيلي ابقى اقتبس البوست ده