السبت، يونيو 16

الأصفر والأخضر

شفت الأصفر؟؟
طب ولا الأخضر؟
علم البرازيل؟
لا ده انت رحت بعيد
دول هنا جنبنا
على بعد ساعات مننا
اخواننا من زمان
وحتى فى المكان
عاشوا متهجرين
وف الخيام ساكنين
فتح وحماس لتنين
صبحوا فى غمضة عين
زى الديوك شابكين
ده استولى عالضفه
والتانى خد غزه
بس الاتنين واهمين
واتفرق دم القضيه
بين البارد والحلوة
وولاد عمنا البعدا
انتهزوا دى الفرصه
وقعدوا مرتاحين
حيعوزوا ايه غير كده؟
قلت لى شفت؟
الأصفر ضد الأخضر
!!!!

هناك 31 تعليقًا:

harmless يقول...

يجب ان نستعد من الان للمشاكل الجديده

فعندما تتعطف وتتنازل وتتكرم اسرائيل بالعوده الى خطوط 4 يونيو سيبدأ العمل فى مباحثات رسم الحدود بين فلسطين الشمالية وفلسطين الجنوبيه

وسنحتاج لقوات دوليه لترابض على الحدود بين الفلسطينيتين

ولن نعدم اخبارا كل حين وحين عن مناوشات على الحدود يسقط فيها بعض الضحايا

واكيد ان الامم المتحده ستعقد مناقشات وستكون لجان لبحث مشاكل الحدود وهل منطقه مزارع خيبتها تبقى تبع الشمالية ولا الجنوبيه

ومش بعيد تكون محكمه دوليه لبحث مين فجر سيارة الزعيم الجنوبى هنية بن مرية وهل كانت سوريا ورا الموضوع ولا لأ

والعرب اكيد سينقسمون فريقين يساند كل فريق شطر من الدولتين فى العلن ويساند الاخر فى الخفاء ويبيع لهذا وهذا كعاده الناس الشاطره اللى اساسها هبله

كل اللى عايز يقتل حد ييجى يقتل فى الفلسطينيين
واللى طول عمره بيتقتل ييجى يقتل عندهم ويفك عقد نقسيته

الاردن فى ايلول الاسود وسوريا فى تل الزعتر ولبنان فى صابرا وشاتيلا

كفايه استيراد قتل
نقتل بعضنا بقى

Sharm يقول...

احزنتنى

عدى النهار يقول...

بعد فوز حماس بالإنتخابات شاهدت صائب عريقات و دحلان فى لقائين منفصلين على الـ بـ بـ سـ كانوا مثل الكلاب المصعورة فى تعليقاتهم على فوز حماس. دحلان فى تصريح آخر له قال "إحنا بس بنرقصهم عشرة بلدى". فى بلاوى كثيرة نُشرت عن تواطىء الجميع لكسر حماس والقضاء عليها بسبب توجهاتها. قبل الأحداث الأخيرة تم إطلاق نار على مكان إجتماع رئيس الوزارة. ونشرت الصحف أنه بعد قرب سيطرة حماس على الموقف تم إنقاذ 100 شخص من قوات دحلان بتهريبهم فى قوارب لمصر بإشراف إسرائيلى

أعتقد أن مواجهة الخيانة والعمالة والقضاء عليها كانت هى الإختيار الوحيد أمام حماس

Xee يقول...

الصراع العربي العربي عار على جبين كل عربي على وجه الارض

من أول العراق و لبنان لغاية التهريج اللي بيحصل في فلسطين

تحياتي

اتفضل عندنا يقول...

الواحد مابقاش عارف يقول ايه بجد، عمالين نعيط و نصوت و نقول حقنا و عايزين العالم يقف جنبنا في حين ما احنا بنقطع بعض...هيصدقونا ازاي
اللي بيحصل ده زي قصة قابيل و هابيل، يا تري بعد ما قابيل قتل اخوه ارتاح؟

عصفور المدينة يقول...

بالله عليكم بلاش حكاية قتال الأخوة دي
خلينا واضحين
جماعة فتح ليسوا جند فلسطين هم جند الأعداء
فمش فارقة بقة اسمهم ايه

Xee يقول...

ولاء

حسب علمي، قابيل بعد ما قتل اخوه، اتمسك

اتفضل عندنا يقول...

زي
ههههههههه
هو كان مطلوب في قضيه تانيه ولا ايه؟

gohayna يقول...

لسه برضه الموضوع دا غريب واله

انا مش عارفه ايه الي بيحصل بالظبط

بس اكيد فيه غلط احنا مش فاهمينها

عارفه سياسه قطم الاصابع

ومن يصرخ اولا

تقريبا هيا دي

اعاده توازن القوي الداخليه علي اسس جديده

المصيبه بقي الاسس دي مش بتم عندهم غير بقتل بعضهم

علني وفي الخفاء

والله حاجه تحزن بجد يا لمي

تسلم ايدك يا قمر

تحياتي

Shreif fahmy يقول...

تفتكري اللي بيحصل ده هيخلي للقضية مصداقية أعتقد ان الناس دي محتاجة تفهم وتحس أنها مسئولة عن أخطر قضية في الشرق الاوسط
مش قضية مين اللي بيحب البلد أكتر من مين
تحياتي على كلمات المعبرة رغم قسوتها التي هي الواقع بعينه

ملحوظة بعتذر عن عدم تعليقي غير المقصود وياريت متكتميش في قلبك
عالطول اندهي بعلو صوتك وقولي أنا زعلانة منك ياشريف

Shreif fahmy يقول...

نسيت أقولك حاجة مهمة
قريب قوي هيخرج الجزء الثاني للنور

mimi يقول...

والله عندك حق واكيد اليهود بيتفرجوا علينا ويقولوا شوفوا المتخلفين بيعملواايه

كراكيب عادل يقول...

مش لاقي تعليق


بجد مش لاقي كلام

مفيش علي لساني غير ربنا يلطف

bocycat يقول...

واقع مرير اوى لنا كلنا , اللى بيحصل ده صعب اوى وربنا يستر

loumi يقول...

عزيزى....
انا بصراحه من يوم ما شفت الحمساويه بيضربوا فى الفتحاويه
وانا عندى حاله قرف
معقول
معقول الكرسى بيعمل كده
فى ابناء القضيه الواحده
بس واضح انها بالنسبه للعالم كله قضيه واحده
بس الحقيقه انهم قضيتين و كل يغنى على ليلاه
تحياتى
كنت عايزة اكتب المثل هنا لانه ينطبق على الحالتين
بس بلاش
سلام

loumi يقول...

sharm
دى مش حاجه تحزن
دى حاجه تفرس
وتنقط
وتشل
تحياتى

loumi يقول...

عزيزى عدى النهار
انا بصراحه ما بافهمش فى السياسه لانها بالنسبه لى زى الجبل اللى نصه فوق الارض وده ما يراه الجميع والنصف الاخر تحت الارض وهذا مالا يراه احد
افتح القنوات فاسمع العجب واحاول ان افهم فلا اصل لشىء
كل ما يهمنى هو الانسان البسيط الذى لا يجد مأوى ويظل يركض من مخيم الى مخيم ومن بلد الى بلد ويلاقى الذهل والهوان فى كل مكان لمجرد انه فلسطينى
مرة عرفت معلومه
اضحكتنى وابكتنى
وهى ان الفلسطينى لا يمكن ان يعطى اى جنسيه غير جنسيته
وقال ايه لكى لا تضيع الهويه الفلسطينيه
بالله عليك اى هويه؟
هويه الفلسطينى الحمساوى
ام الفلسطينى الفتحاوى؟
حسبنا الله ونعم الوكيل

loumi يقول...

زياد
انا بجد خلاص
مش قادرة استوعب اى شىء
يعنى بدل ما نوجهه سلاحنا لاعدائنا
بنقتل بيه بعض
يا حرام على الشباب اللى امنوا بهالقضيه ودفعوا دماءهم وارواحهم
ولكن الله لا يضيع اجر من احسن عملا
واحسبهم كذلك
تحياتى

loumi يقول...

العزيزة ولاء
ولا حد حيسمعنا
لاننا ببساطه شديده مش عارفين نسمع بعض
كل ناس ليهم هدف مختلف
ومش ممكن نوصل لحل
الا لو الهدف بقا واحد
وهى دى كل القضيه
دم القضيه اتفرق
وربنا على الظالم
تحياتى

loumi يقول...

العزيز
عصفور المدينه
زى ما قلت
انا يهمنى الانسان البسيط
دايما هو اللى بيدفع الثمن
صراعات الكبار لا تهمه فى شىء
ولا تهمه التسميات
تحياتى

loumi يقول...

جى جى
معلش هو ده الواقع المرير اللى احنا عايشينه بقالنا سنين
ما فيش شعب فى العالم شاف اللى شافه الشعب الفلسطينى من 48 لحد دلوقت
وان غدا لناظره لقريب
تحياتى

loumi يقول...

عزيزى شريف
الناس دى بتتصارع على الكرسى وبس
زيها زى اى فئه تسعى للوصول الى السلطه باى ثمن حتى لو على حساب دماء الشهداء من الشباب والنساء والشيوخ
والاطفال0
رحمتك يا رب
تحياتى
فى انتظار الجزء الثانى
باذن الله
تحياتى

loumi يقول...

العزيزة
mimi
بيتفرجوا واى فرجه
ده ما فيش بعد كده
احنا حنخلص على بعض بسلاحنا
وحسبنا الله ونعم الوكيل
تحياتى

loumi يقول...

يا عادل
الكلام خلص
دلوقت وقت تخليص الحسابات
كل حمساوى حيخلص على فتحاوى ونخلص
كلام؟
قال كلام قال
سلام

loumi يقول...

العزيزة
bosycat
يا ريت بس نتعلم من اللى بنشوفه
وربنا يلطف
تحياتى

غير معرف يقول...

ممكن كل واحدمن حضراتكم يقول إيه الشىء الإيجابى اللى عمله لنصرة الله واخوانه غير الكلام الجميل جدا ده؟

loumi يقول...

حاتكلم عن نفسى
واترك حريه الرد لكل من ترك تعليق0
يا سيدى العزيز
كنت اتمنى ان تقول لنا ماذا يمكن ان نفعل كشىء ايجابى بدلا من الكلام الذى تقول انه جميل جدا0
فالمؤكد اننا كلنا لانملك سوى الدعاء وذلك اضعف الايمان0
التدوين ليس الا مكانا للصراخ مما قد يجثم على صدورنا فيكاد يخنقنا0
وهذا شىء لا يقاس بالنسبه لما يعانيه اخواننا فى فلسطين او العراق او اى بقعه من بقاع الارض
وأضعف الايمان اننا ندعو الله ان بخفف عن اخواننا فى كل مكان
ويهدى ولاة امورنا لما يحبه الله ويرضاه
فأنا اريد وانت تريد والله يفعل ما يشاء فى عباده0
تحياتى

Shreif fahmy يقول...

وزي ماوعدتك حصريا الجزء الثاني من عفوا حبيبي متقدرش ومتعرفش
http://sfahmy78.blogspot.com/2007/06/blog-post_19.html

منتظر تعليقك

Hannoda يقول...

فعلا يا لومي... بكلماتك اللي بحس إنهم متخزنين عندك في شنطة بتطلعيهم و ترتبيهم بسهولة شديده لخّصت ألم واجعنا كلنا

واضح إن القضية خلاص ضاعت.. وإن 2007 حاتتدوّن في التاريخ زي 67 وزي 48.. ويتحطلها عنوان.. نهاية القضية الفلسطينية

أنا مش عارفة الناس ده عقلها راح فين.. و إيه المفروض يحصل للوطن أكتر من كده عشان نقول كله فداه!!!

أنا مندهشة على الآخر

loumi يقول...

العزيز شريف
الف مبروك
ان شاء الله حتشوف تعليقى قريب
تحياتى

loumi يقول...

العزيزة هند
برغم كل ما يحدث الا ان القضيه لم تنته بعد
بالامس كنت استمع لحوار للدكتورسليم العوا
هذا الرجل يدهشنى دائما بالامل الذى بداخله ناحيه كل القضايا التى نحس انها وصلت لنهاينها الا ان الامل فى ربنا فعلا كبيرولا احد يعلم ما قد يحدث فى المستقبل القريب او البعيد
تحياتى يا هنوده