الجمعة، يونيو 29

جئت تطلب ودّي

جئت تطلب ودّي بقلب مستبشر
فوهبتك إيّاه طائعة مهلله
حلمت بك شاطئا ترسو عليه سفينتي
و مرفأ ًَََأرمي عليه حمولتي
ابحث فيك عن ملامح واضحه
فلا اجد سوى صور باهته
*****
تقول تحبني وما زلت تهواني
كيف وقد أصبح الشرود سكني وعنواني
لم اعد أنصت لكلماتك
ولم تعد تعنينى إبتهالاتك
*****
أغلقت كل أبوابي فى وجهك
بعد ان تصحرت حياتى بقريك
فلم لا تدعني ألملم أوراقي وأمضي
ولا تمعن في هواني وذلّي
*****
أبحث عنّي فى مرٍأتي
فلا أجد الا بعضاً منّي
فأنا لم أعد من كنت تهواها
ولا من تحلم بعد البعد بلقياها
*****
فلتتركني اجمع شتات نفسي
واسكن في هدوء الى بقايا منّى
أبحث لك فيها عن ذكرى جميله
تُذهب عنى تلك الصورةَ القديمه
*****
فأنا لم أعد من كنت تهواها
ولا من تحلم بعد البعد بلقياها
فلقد حولتني بحبك الى بعض منّي

هناك 57 تعليقًا:

إنـســانـة يقول...

جميلة جدااااااااا يا لومى

تسلم ايديك ياجميلة
تحياتى
:)

اسكندراني اوي يقول...

شديده يا لومي
بس فيها انكسار شويه
اعتقد ان الانسان بعد المحن بيطلع اقوى

تقبلي تحياتي

.:.-=- ELGaZaLy-=-.:. يقول...

فلتتركني اجمع شتات نفسي
واسكن في هدوء الى بقايا منّى
أبحث لك فيها عن ذكرى جميله
تُذهب عنى تلك الصورةَ القديمه
*****
فأنا لم أعد من كنت تهواها
ولا من تحلم بعد البعد بلقياها
فلقد حولتني بحبك الى بعض منّي

----------------------------


حلوة اوى يا لومى بجد .,,,

اية الاحساس دة؟؟

عدى النهار يقول...

عجبتنى جداً.. وواضح إنك بتوصفى مشاعر حقيقية بصورة مباشرة وتشبيهات جديدة جميلة

حاسس إن الجملتين

و مرفأ ًَََأرمي عليه حمولتي
.
.
ولا تمعن في هواني وذلّي

بيمثلوا مفاصل (مش لاقى تعبير تانى) فى العلاقة

جميلة فعلاً

loumi يقول...

انسانه
سعيده بزيارتك
مدونتك جميله جدا
كاميكاز بتاعك ده تحفه
الا يعنى ايه كاميكاز؟؟؟؟؟
هههههههههههههه
تحياتى يا قمر

loumi يقول...

اسكندرانى قوى
تقبلت تحياتك
:):):)
اهلا بك فى عالم المدونين
كانوا بيقولوا لى كده اول ما دخلت العالم ده
وبما انه كله سلف ودين
ف أهلين وسهلين
تنفع مطلع لاغنيه
اهلين وسهلين
ما هو كله سلف ودين
ههههههههههه
اكيد كل انكسار بيبقا بعده قوة
بس بيبقا فى فتره كده الواحد بيعيد فيها تقييم الامور
وبعدين يستجمع قواه مرة اخرى
اشكرك على الزياره
تقبل تحياتى

loumi يقول...

غزالى
ازيك؟
عامل ايه؟
فى انتظار نسختى من القصه
اول ما تنزل
ربنا يكرمك يا رب
سعيده ان الكلام عجبك
تحياتى
يا مهاجر

loumi يقول...

العزيز عدى النهار
بابقا سعيد جدا لما بالاقى تعليقك عندى
-----------------------------------
حاسس إن الجملتين

و مرفأ ًَََأرمي عليه حمولتي
.
.
ولا تمعن في هواني وذلّي

بيمثلوا مفاصل (مش لاقى تعبير تانى) فى العلاقة
-----------------------------------
وات ذا ميننغ اوف مفاصل؟
ههههههههههه
قريت التعليق اكتر من مرة وما فهمتش برضه معلش بقا
عايزة الترجمه لو سمحت
و سعيده انها عجبتك
تحياتى

عدى النهار يقول...

شكراً على الترحيب :)

ممكن تقولى مفصلات.. زى مفصلات شايلين باب

قصدى إن كان لهم دخل أساسى فى شكل العلاقة اللي وصفتيها هنا

- يعنى هى قابلت وده بود وفرحة لكنه فى تصورها شاطىء ترسو عليه سفينتها ومرفأ ترمى عليه حمولتها.. فقط لاغير. كل ده جميل لكن يمكن مش كفاية بالنسبة له

- وطبعاً الإحساس بالهوان والذل فى أى علاقة صعب أن تستمر معه هذه العلاقة

متهيألى كده واضح
(:

كراكيب عادل يقول...

المرة دي بجد جميل الكلاك الظاهر يا لمى خلاص

هتقلعي في فن الكتابة

تقول تحبني ومازلت تهواني كيف وقد اصبح الشرود عنواني


يعملوها ويخيلوااا

:)

loumi يقول...

العزيز عدى النهار
كلاكيت تانى مرة على رأى جدو
ناو ذا ميننغ اذ وضح
هههههههههه
لا مش ممكن تكون الفكرة بس انها عايزاه يشيل عنها
والا كانت جابت شيال
والا ايه راى حضرتك؟
:):)
واكيد لا يمكن ان تستمر اى علاقه تصل لمرحله الذل والهوان
تحياتى

loumi يقول...

العزيز عادل
من جهه الكلاك فهو جميل
اشكرك
:):):)
ادى اخرة اللى يغيرالويندوز بتاعه
ليك وحشه والله
يالله بقا عايزين بوستات جديده
انا لسه ما عرفتش انت حقنت التفاحه بايه
تحياتى

gohayna يقول...

ايه يا بنتي دا

تسمحيلي اقولك

بجد الله يسلمحك

ويسلم ايديكي


جامده جدا

خير الكلام
الي قولتيه

بجد احساس بيراودني بقاله فتره

ما تخليه يحل عني بقي؟
ههههههههههههههه

من غير تهريج وخمسه جد

بجد

حلوه اوي الكلمات ومكتوبه بحرفيه ومعاني واحاسيس جميله

تسلم ايدك يا لمي

Xee يقول...

فييييه ايه يا لومي؟
يعني البوست مدلدق سواد لغاية البلوج عندي
:)

برغم تحفظي على جملة

أبحث لك فيها عن ذكرى جميلة

بس بجد عجبتني جدا


تحياتي

و يا حبذا البوست اللي جاي يكون فواتح....فواتح يا ماما..شوية فواتح
ههههههه

شاب نفسه يحقق حلمه يقول...

تسلم ايديكي
تسلم دماغك
تسلم مشاعرك الجميله
يسلم احساسك الصافي
بجد
بوست جامد جدا
برافوووووووووو

Gid-Do - جدو يقول...

جئت تطلب ودّي بقلب مستبشر
بكام كيلو الود النهاردة؟
فوهبتك إيّاه طائعة مهلله
علشان عيونك من غير فلوس
حلمت بك شاطئا ترسو عليه سفينتي
يارب ما يكنش بيفاصل..
و مرفأ ًَََأرمي عليه حمولتي
ابحث فيك عن ملامح واضحه
فلا اجد سوى صورا باهته
طلع بيفاصل
*****
تقول تحبني وما زلت تهواني
مش حنبيع النهاردة
كيف وقد أصبح الشرود سكني وعنواني
ياعم قلنا مس بيعين النهاردة
لم اعد أنصت لكلماتك
ولم تعد تعنينى إبتهالاتك
*****
أغلقت كل أبوابي فى وجهك
بعد ان تصحرت حياتى بقريك
فلم لا تدعني ألملم أوراقي وأمضي
ولا تمعن في هواني وذلّي
*****
أبحث عنّي فى مرٍأتي
فلا أجد الا بعضاً منّي
المراية اصلها صفيرة ومكسورة كمان
فأنا لم أعد من كنت تهواها
ولا من تحلم بعد البعد بلقياها
*****
فلتتركني اجمع شتات نفسي
واسكن في هدوء الى بقايا منّى
أبحث لك فيها عن ذكرى جميله
تُذهب عنى تلك الصورةَ القديمه
*****
فأنا لم أعد من كنت تهواها
ولا من تحلم بعد البعد بلقياها
فلقد حولتني بحبك الى بعض منّي
اديك كرهتنى فى عيشى .. قطيعة على الود واللى عاوز يبيعة

الربان يقول...

تحياتي

جميلة و معبرة....لفظ التصحر...اعتقد انه جاء معبرا و بشدة عن الموقف الحالي..

التصحر يعني الجفاف...و الجفاف يعني موت نبتة الحب...

تحياتي و موفقة دائما ان شاء الله.

loumi يقول...

العزيزة جي جي
ههههههههه
ربنا يسامحنا كلنا
الفكرة اللى بتراودك من فتره دى
لما توصل لمرحله التخمر فى الدماغ وتبتدى تشعشع فى النافوخ
حتلاقيها دخلت حيز التنفيذ مباشرة
و بعدين ما تستنيش حد يعملك حاجه
خللى المفاتيح والسلوك كلها فى ايدك
فهمتى؟؟
:):):):)
يعنى بدل ما تستنى انه يحل عنك
اديله صابونه انت
هههههههههههههههه
تحياتى يا قمر

loumi يقول...

زىىىىىىىىىىىى
من سواد لسواد يا قلبى لا تحزن
هههههههههههه
ما انا طول ما انا قاعده هنا فى الجو ده مش حتشوف منى غير كده
الفواتح دى يا بابا لما اسافر وارجع ان شاء الله
ههههههههههههههه
ايه بقا وجهه اعتراض حضرتك على
ابحث لك عن ذكرى جميله؟
باضم صوتى لصوت جدو عشان نسمع الناموس
وياكلك عشان نخلص
بس يا عينى امبومبه حيتيتم
يالله عفونا عنك عشان خاطره
روح ربنا يرجعك ليه بالسلامه
--------------------------
يا ابنى لما انت مش قد السلايد شو بتعمله ليه بس؟
إلا ما شفت صورة عدله
ومصور لى الواد من قفاه
يا عينى يا ابنى
بس ابوك حنعمل ايه نشتريلك واحد غيره؟
----------------------------------
فاتح اهووووو
ههههههههههههههههه
سلام

loumi يقول...

شاب نفسه يحقق حلمه
ربنا يخليك
وتلم على الزياره
تمنياتى بتحقيق كل الاحلام
الممكنه وغير الممكنه

loumi يقول...

جدو يا جدو
الود لا يكيل بالبتنجاااان
هههههههههههههههه
وبما ان البتنجان رخيص اصلا
فمن ده بكرة بقرشين
وبما انه الواحد ما بقاش فى جيبه القرشين دول حتى
فهو حيفاصل حيفاصل
و بما ان خلقى ضيق
فهاروح هابداه محضر فى اقرب بوليس ستايشن
ههههههههههه
و مش حتنازل عن القرشين بتوعى ابدا
ويمكن النيابه تطلعه بكفاله ومش حيلاقى طبعا اللى يدفعهاله
ويخلل فى الحجز وويصاب بجميع الامراض المزمنه و غير المزمنه
ويمكن يتريش جوه
وساعتها يقدر يدفع الكفاله
بس يمكن يعجبه الحال جوة وما يرضاش يطلع
وكده يكون ريح واستريح
ههههههههههههههههههههههههه
تحياتى

loumi يقول...

الربان
صاحب سفينه الحريه
لا احنا الصحرا خضرناها اليومين دول
هههههههههههه
بس انا اعتقد ان بذره الحب
مهما تصحرت الارض التى زرعت فيها الا انها تكمن فى التربه وتقاوم كل الظروف القاسيه التى تتعرض لها الى ان تتحسن هذه الظروف فتصحو وتعود لتنمو وتزهرمن جديد

تحياتى

المختصر المفيد يقول...

لماذا تلوم المحبوبة دائما حبيبها؟
هونى على نفسك وعليه
فلو كان بيده شيىء لفعل,فدائما يزداد الحب مع الصعاب
شكرا

mimi يقول...

جميل جدا يا لومي
بتوصف حالة من التخبط والتردد في العلاقة
ايوه ولا لأه؟
اقرب ولا ابعد؟
افرح ولا ازعل؟
حقيقي جو نفسي يصعب على الواحد وصفه
تسلم الايادي
على فكرة لقيت القلم بتاعي بس لسه الخط مش قد كده احب اعرف رأيك
سلاماتي

غمض عينيك يقول...

كلامك حلو اوي يالومي
ايوة كده اديلوا فوق دماغه
:)
:)

حلوة بجد
محمد سمير

wahed يقول...

كلماتك جميله ,بس كان السبب في كل ده ايه

يا مراكبي يقول...

إممممم

كنت ماشي معاكي كويس من أول القصيدة لحد ما وقعت في الحفرة الجامدة دي: فلقد حولتني بحبك الى بعض منّي

هنا بقى وإستوب

بجد قصدك هنا إن حبها ليه أنقص من صفاتها وخصائصها وقدراتها؟

لو الإجابة أيوة .. تبقى نهاية مؤلمة جدا جدا

harmless يقول...

هل يطلب المحب من حبيبه المحبه
ام يطلب منه اقوال وافعال

هل لو فشل الحبيب فى الاقوال والافعال مع امتلاء قلبه بالمحبه الحقيقيه
هل ينتهى الحب تدريجيا وتتغير النفوس وتتقلب القلوب ام يصمد الحب ويعيش

هل الحب يحتاج الى بيئه مادية ليعيش فيها
بيئه من الرؤيه والتحدث والتعايش والمشاركه حتى يعيش ويطول عمره

هل الحب نشاط روحانى يعيش فى القلوب
ام نصفه فقط كذلك
ونصفه الاخر مادى جسدى يحتاج لزمان ومكان وبيئه ومناخ ليحل فيه ويستقى منه الحياة

يارب اللى فى بالى يجاوب

الطائر الحزين يقول...

السلام عليكم
جميل ان ننصهر فى قلب من نحب ونرى باعينهم لكن اياك وطمس شخصيتك به
والمراءة لا تظهر الا الحقيقة التى نريد ان نخفيها
تحياتى

masry يقول...

nice song loumi

ياسمين يقول...

لومى الرقيقة

والله يابنتى عنية دمعت وانا بقرا البوست
هو انتى كتبتيه عن احساس بيكى ولا كنتى معايا

حسيت ان نفس الكلام جوايا

فلقد حولتني بحبك الى بعض منّي

الظاهر ان دة مصير كل انثى تعشق
الظاهر ان دة جبروت كل رجل يظلم ويقتل الإنسانية داخل حبيبة وهبته كل الحب

تحياتى لكى واسفة اذا كان التعليق مش على قد البوست
لأنى لو سبت نفسى هأكتب ييجى 10 مدونات بس تعليقا على البوست دة

فين القهوة بقى

محمد ياسر يقول...

جميلة اوى خواطرك ومفيش كلام عارف اقوله تعليق عليها غير انها فعلا جميلة واحاسيس هايلة

تحياتى

loumi يقول...

العزيز
المختصر المفيد
تلوم المحبوبه حبيبها لانه يقف عاجزا
عن تحقيق كل ما يضمن استمرار هذا الحب
بعض الصعاب تهون والبعض الاخر لا يهون ابدا
تحياتى

loumi يقول...

الغاليه ميمى
اهو كده الكلام
بصراحه بوستين اجمل من بعض
تسلم ايديك وافكارك
التعليقات عندك طبعا
تحياتى

loumi يقول...

العزيز
محمد سمير
ههههههههه
اديله على دماغه؟
ما يضرش برضه
كل اللى يستاهل ياخد على دماغه
تحياتى

loumi يقول...

العزيز
wahed
اشكرك على الزياره والتعليق
تعددت الاسباب و النتيجه واحده
تحياتى

loumi يقول...

الباشمهندز احمد
طمننى عليك يا راجل
مش سليمه الحمد لله؟
تصدق انا كان لازم احط علامات تحذيريه عشان ما حدش يقع فى الحفرة
هههههههههههه
ايوة هى نهايه مؤلمه جدا جدا فعلا
لان حبها للانسان ده خلاها انسانه تانيه غير اللى كانتها
عشان كده حصل وقفه وكان لازم كل شىء يرجع لطبيعته
تحياتى والف سلامه واى علاج على حسابى طبعا
ههههههههههههه

loumi يقول...

عزيزى....
استفساراتك جميله فعلا ولو كل المحبين عرفوا يجاوبوا عليها
حيرتاحوا ويريحونا معاهم
-------------------------------
عموما لا يجب ان ينفصل القول عن الفعل
لانه اذا حدث ذلك بدأت المشاكل فى الظهور
----------------------------------
وانا كمان نفسى اللى فى بالك يجاوب
بس ما اظنيشىىىىىىىىىى
هههههههههههههههههه
سلام

loumi يقول...

العزيز
الطائر الحزين
وعليكم السلام ورحمه الله وبركاته
اشكر لك زيارتك
من يحب اكثر ينصهر اكثر ايضا
وتأتى لحظه يجد الانسان فيها انه يريد ان يعيد تشكيل نفسه مرة اخرى
ولا بد ان يرى الانسان نفسه جيدا ولا يحاول اخفاء الحقيقه اذا اراد ان يستمر فى مسيرته
تحياتى لك

loumi يقول...

thanks masry

harmless يقول...

بصى يا لومى

طفح الكيل
وبلغ السيل الزبى
وسبق السبف العذل
وبلغ الامر منتهاه
وتخطى الخطر حدوده

انا
harmless
وطول عمرى
harmless
وعمرى ما كنت
harmful

ولازم تتاكدى انى
harmless
وتؤمنى انى
harmless
وتقتنعى انى
harmless
وتبطلى النقط اللى بتعلن رفضك انى
harmless
ولا تحبى ابقى
mindless????

يلا
شوية هزار على الصبح كده مع الشاى
ماشى؟

loumi يقول...

العزيزه ياسمين
سلامه عنيكى يا قمر
هو مكتوب عليى كل ما تدخلى عندى عنيكى توجعك
مرة من الخط الصغير
و مرة من اللى مكتوب
عموما اعتقد
ان ده احساس
اى انسان سواء رجل او امرأه
عندما لا يجد مردودا لمشاعره عند الطرف الاخر
تحياتى لك
القهوة على النار اهى
:):):):)
عايزاها بوش؟
بيغمز؟
والا من غيييييييييير؟
هههههههههههههههه
روقى يا بنتى
سلام

loumi يقول...

العزيز محمد ياسر
اهلا وسهلا بيك
واشكرك على كلماتك الرقيقه
سعيده ان الخواطر عجبتك
تحياتى

Shreif fahmy يقول...

أولا وقبل كل شىء أزيك يا أستاذة وعاملة أيه وأخبارك في الحر ده
مبدئيا بعتذر عن تأخيري في ردي على تعقيبك الكريم
شوفي ياريهام قصدي يالومي
الفكرة ببساطة اللي كانت في دماغي أنا هقولهالك وأنتي تحكمي برده
ياسين وريهام دول نموذجين مش هقول مش موجودين النهارده بس بقه صعب الواحد يلاقي البراءة والنقاء ده في الحب
ملفتش نظرك ان ياسين دي أول سنة ليه في التعليم الجامعي يعني لايملك من حطام الدنيا إلا أحلامه وريهام كمان محدش منهم يملك اي حاجة غير انه يبذل كل ماعنده حتى لو كانت أحلام علشان يسعد نصه التاني مقدرش أخلى ياسين يعمل حاجة أكتر من اللي عمله والا يبقى خيال غير ناضج حتى لو كان اللي يملكه ياسين انه يقولها اديني جانبك أهو مين منا النهارده حبيبه ممكن يعمل شىء بسيط بس ليه معنى كبير عارف ومن غير ماتقولي أني طولت ورغيت كتير
تحياتي يالومي وانتظري معايا سلسلة يوميات محتار في السنترال

Shreif fahmy يقول...

تعليقي على البوست
أنا أعلم أن بطلة كلماتك العذبة تستحق مني أن أقول لها

تمنياتي أن ترسو سفينة أحلامك على شواطىء أمنياتك

loumi يقول...

عزيزى....
----------
طفح الكيل
وبلغ السيل الزبى
وسبق السبف العذل
وبلغ الامر منتهاه
وتخطى الخطر حدوده
---------------
معايا الكيل ما يطفحش
ولا يبلغ السيل اى مكان
ولا يسبق السيف اى حاجه
ولا يبلغ الامر الا مراده
ولا وجود للخطر من اصله
----------------------
حلو الكلام؟
ومش حابطل النقط
تعليقك
رسم على وشى بسمه
تحياتى

loumi يقول...

اهلا شريف ازيك؟
اهو ماشيه الحمد لله
الجو ابتدى يتعدل
ايوة انا طبعا مقدرة انهم لسه سنه اولى حب واولى جامعه وكل الكلام ده
وانا قلتلك ان وصف مشاعرالحب بينهم فعلا كانت رقيقه
و معبره فعلا عن الفترة البريئه دى فى حياة المحبين والتى اظن انها انحسرت بشكل كبير هذه الايام
وفى انتظار السلسله الجديده
تحياتى

loumi يقول...

شريف
تانى
اشكرك عل التعليق
و حنوصل امنيلتك للبطله فى اقربفرصه ان شاء الله :):):)
تحياتى

sendbad يقول...

قد كده غدر وظلم العاشقين للعاشقين صعب
وقد كده صدمة العشق الصادق اصعب
تحياتي

david santos يقول...

Hello, Loumi, my friend! This day 8 I go for Africa. I go I stop next to abandoned children. When I to arrive, in October, go to visit you. I take you in my heart. Until always

islam يقول...

السلام عليكم

لومى:
قال جويدة ذات يوم فى قصيدة له بهذا العنوان، وهو ذاته المقولة
< بعض العشق يكون الموت وبعض الموت يكون العشق />

وقد ذكرتنى كلماتك تلك :

فلتتركني اجمع شتات نفسي
واسكن في هدوء الى بقايا منّى
أبحث لك فيها عن ذكرى جميله

بهذه المقولة، حيث قد يفقد الانسان ذاته فى الحب يوما، ولا يبقى له الا البقايا .. ليبحث عنها

تحياتى على البوست والاحساس
وعذرا أستاذ فاروق، لأنك أردت معنى آخر بكلماتك ولكنى حورته

تحياتى
السلام عليكم

loumi يقول...

العزيز سندباد
ده استفسار والا اقرار؟
عموما هو كل واحد بيشوف الموضوع من وجهه نظر مختلفه عن التانى
جميله حبة الرومانسيه اللى عندك
تحياتى

loumi يقول...

ديفيد سانتوس
حللت اهلا ونزلت سهلا
تحياتي

sendbad يقول...

عزيزتي
ده اقرار مني واستفسار ليكي
وشكرا علي اهتمامك

loumi يقول...

العزيز سندباد
اللى ما طلعش من بغداد
ههههههههههههه
تشرف وتأنس فى اى وقت
شكرا على اهتمامك انت
تحياتى

loumi يقول...
أزال المؤلف هذا التعليق.
loumi يقول...

العزيز إسلام
وعليكم السلام ورحمه الله وبركاته
سعيده طبعا إن كلماتى فكرتك بكلام شاعر جميل زى فاروق جويده
يترجم كل انسان احاسيسه ومشاعره بطريقه مختلفه عن الاخر وتظل الخطوط الأساسيه هى هى
تحياتى لك وتمنياتي لك بالتوفيق
عذرا لتأخر الرد
السلام عليكم