الأحد، يونيو 24

اليك وحدك

اليك وحدك اكتب كلماتي
يا من كنت يوما سببا فى أهاتي
أتسأل ما جرى لأهل الهوى؟
وما الذى حول النحن الى الانا
فلم لا تخبرنى انت بما ترى
فلقد باعدت الايام بيننا
وتبدلت الأشياء التى كانت لنا معا
لا لن العن الايام ولا ما قد كان منها
فلم تكن هى من حولت النحن الى الانا
فالذنب كل الذنب ذنبنا انت وانا

هناك 41 تعليقًا:

Gigo يقول...

يا سيدى يا سيدى

.:.-=- ELGaZaLy-=-.:. يقول...

تبدلت الأشياء التى كانت لنا معا
لا لن العن الايام ولا ما قد كان منها
فلم تكن هى من حولت النحن الى الانا
فالذنب كل الذنب ذنبنا انت وانا

------------------------------------
اية كل الرقة دى يا لومى بجد رهيب اوى ..


هقراة تانى وارد عليكى

عصفور المدينة يقول...

فلم تكن هى من حولت النحن الى الانا

لطيفة جدا

gohayna يقول...

بل الذنب انت

و بسببك انت

اقترب منك تاره فتبتعد الاف الاميال

كم قلت نحن
وفاجئتني بقول انا

وبالرغم من كل ما كان وما مضي

مازلت اغفر
لك

كلمتين كانوا مزنوقين وطلعوا عندك بقي
استحمليني

اصلي متغاظه والله


كلماتك حلوه اوي يا لمي
بجد

احساسك اروع

بس معتقدش انك كنتي السبب
اكيد هو الي مفهمش
وهو الي محولش

تفتكري انا متغاظه ليه يا لمي

mimi يقول...

يا لومي بتقولي اليك وحدك يعني نلم تعليقاتنا ونقوم نمشي من هنا يظهر الموضوع عائلي يا جماعة
هههههههههههههههههههه
البوست رقيق تسلملنا الايادي يا باشا

عدى النهار يقول...

إعادة صياغة جميلة للسؤالين
:)
الباقى مسائل عائلية على رأى
mimi
علشان كده لميت بقية تعليقى
(:

loumi يقول...

جيجو
يا عينى ياعينى
ههههههه

loumi يقول...

عزيزى الغزالى
سعيده ان الكلمات عجبتك
ومستنيه الرد
تحياتى

loumi يقول...

عصفور المدينه
احيانا تتغلب الانا على النحن
اشكر لك زيارتك
تحياتى

loumi يقول...

جى جى
كلماتك جميله
فعلا
وانت طبعا مش محتاجه تستسمحينى
قى اى وقت تدخلى تعملى اللى انت عايزاه ولا تتغاظى
يا قمر

loumi يقول...

ميمى العزيزة
افتقدت تعليقاتك
انت فيييييييييين؟
ههههههههههههه
تعليقك ضحكنى والله
لا انت ما تلميش حاجه المكنسه الكهربا تلم ولا تتعبى نفسك
ههههههههههههه
سيبتلك تعليق على التعليق
هههههههههههههههه

loumi يقول...

العزيز
عدى النهار
اه اتفقتوا عليا انت وميمى؟
ماشى ماشى
ههههههههههههههههههه
دقيق الملاحظه
كالمعتاد
لم التعليق تعليق
لوحده يا فندم
تحياتى

Van Gogh يقول...

الذنب ذنبنا جميعاً

فقد نسينا كلمة نحن منذ زمن بعيد

وصار الكل يهتف

انا ثم انا ثم انا

ذاتى ثم ذاتى ثم ذاتى


لا تقسى على نفسك وعليه
فكلنا هذا الرجل

غمض عينيك يقول...

لومي
كلماتك جميلة اوي...
انا اخدت جولة في مدونتك وفعلا كلماتك كلها معبرة بجد
خصوصا خصوصا البوست بتاع القلعة فعلا مسني من جوة


تحياتي ليكي
انا هكون مرابط عندك هنا علطول

محمد سمير

الربان يقول...

تحياتي

كلمات بسيطة و معبرة...و لها مدلول فلسفي...

الايام و الدنيا...و الظروف...كل هؤلاء و غيرهم ما هي الا أعذار نختفي ورائها أو نخفي ما أقترفته يدانا.

نحن البشر الذين نقترف من الاعمال و الذنوب ...نخطيء فنقول الظروف كانت أقوي...
نفترق ...بعد حب و عشق و هوي ..و نبحث عن مبررات وهميه للفراق.

الحياة جميلة لو عشناها بصدق و عشق حقيقي...

تحياتي و تقديري

S H A H يقول...

جميل قوي وصف الانانية اللي بقت موجود في الحبيبين اللي غيرتهم الايام

islam يقول...

السلام عليكم
فى الحقيقة كلمات جميلة حانية، ولكن أكثر ما أعجبنى هو الموضوعية فى عرض القية
فلا اللوم على الأيام، وانما اللوم علينا
نعم نحن من نصنع ما فى الايام لا الايام تصنعه

تحياتى
السلام عليكم

harmless يقول...

يومه مش فايت اللى يزعلك
حتصيفى امتى؟

Blank-Socrate يقول...

اذنبت عندما احببتك و نسيت كل شىء حتى انا

loumi يقول...

العزيز
van gogh
فعلا نحن من نذنب وليست الايام ولا الظروف
نقصر فى حقوقنا وحقوق من حولنا
ثم نلعن ما كان0
حمد لله على سلامتك
تحياتى

loumi يقول...

اهلين وسهلين
يا محمد سمير
انت تشرف المدونه فى اى وقت
بيتك ومطرحك
و مدونتك اجمل والله متنوعه وفيها روح حلوة
هى فعلا
عشه فى القلعه من الحاجات اللى باحبها قوى هى وعصفورى داوشنى
ولينا رب اسمه الكريم
تحياتى

loumi يقول...

العزيز
ربان سفينه الحريه
اشكرك على هذا التعليق الجميل
اخجلتم تواضعنا
احنا لو اتهمنا الايام يبقا بنظلمها
عشان كده لازم نبقا صادقين مع انفسنا
احنا اللى بنغلط فى حق نفسنا
واللى شايف غير كده يبقا بيعمل زى النعامه ويغرز راسه فى الرمل
وبيعلق فشله على شماعه الايام
وفعلا زى ما قلت
الحياه جميله
بس لازم نتعلم ازاى نسعد فيها
تحياتى يا ربان

loumi يقول...

shah
رتم الحياه اتغير
والنفوس اتبدلت
بس برضه لسه الامانى ممكنه
تحياتى

loumi يقول...

العزيز اسلام
عليكم السلام ورحمه الله وبركاته
اشكرك على تعليقك وسعيده ان الفكرة مطروحه بموضوعيه وعجبتك
تحياتى

loumi يقول...

عزيزى....
اللى يزعلنى نهار
his pa&ma
مش فايت
هههههههههههه
التصييف السنه دى مش باينه معالم
تحياتى

loumi يقول...

blank-socrste
اذنبت عندما احببتك و نسيت كل شىء حتى انا
جميل قوى كلامك
تحياتى وسعيده بعودتك
سلام

Xee يقول...

لومييييييي

ازيك، و الله مدونتك وحشتني

:)

الذنب ذنبنا متفق معك جدا
و لكن اختلف معك على السبب

ففي نظري ان الحب الناجح أو الارتباط الصحي يجب الا تبنى على نحن بل تبنى على انا و انت

و الفرق كبيييير جدا بين الاثنين

:)
================================
و الله كانت اجازة عايزاكي يا لومي ، الا انت قولتيلي الجو عندكو عامل إيه؟
هههههه

loumi يقول...

زىىىىىىىىىىى
قاطع بيا يا خويا
طبعا انت هايص واحنا لايصين
:):):)
تصدق قلت حتقول بقين جد شويتين
لقيتك زى ما انت
وانا متفقه معك على ان لا نتفق
ههههههههههههههههههه
تحياتى وترجع السلامه
وبرضه
وبرضه
وبرضه
عايزاك تبقا تحط الخبر ده فى مدونه فى حب منير بما انك بقيت عضو هناك
تحياتىىىىىىىىىىىىىى

bocycat يقول...

فعلا الذنب ذنبنا انت وانا .. كلمات حلوة ومعبرة ودخلت القلب على طول .. تحياتى

Shreif fahmy يقول...

منتظر تعقيبك على الجزء الثالث والأخير من عفوا حبيبي متقدرش ومتعرفش

http://sfahmy78.blogspot.com/2007/06/blog-post_27.html

Hannoda يقول...

الذنب ذنب الأنا

بقت متضخّمة قوي يا لومي.. كل واحد يتوجع و يتوجع فيقول علي و على أعدائي.. قصدي عليّ و على أحبابي

المهم أنا

عارفة؟؟
أنا مش عارفة أكتب حرف عن الحب

تحياتي

شاب نفسه يحقق حلمه يقول...

بصراحه انا اول مره ادخل هنا
بس شكلي مش هبطل ادخل هنا
من كتر
احساسك الرائع ومشاعرك الجميله دي

Gid-Do - جدو يقول...

لومى

كنت مستنى زياد لما يرجع من مصر بالسلامة علشان اجى اكتب تعليق ولاقى حد اتسند علية ـ بس عارفة الكلام اللى انت كتباة المرة دية مكتوب حلو ومش عارف اتريق علية ـ مش مشكلة دايما الجيات اكتر من الريحات

loumi يقول...

bocycat
بتسعدنى زيارتك
وبيقولوا من القلب للقلب رسول
ايه اخبار قصتك؟
تحياتى

loumi يقول...

شريف
صباح الخير
انا عقبت
عموما كان ممكن تكتب مواقف شاب محب
لان القصه دى عباره عن موقف ما كانش مستاهل يتجزأ
و فى انتظار الجديد
بس مرة تانيه مش حاعقب لو لقيتك سايب لى اعلان بس
العلاقات الانسانيه
هات وخد
سلام

loumi يقول...

هنوده الغاليه
ازاى مش عارفه تكتبى عن الحب
ده انت كل حاجه بتكتبيها عن الحب
حب الاماكن والظلال والنسيم والبحر حتى الوحده
عارفه
انت عارفه طبعا ان اشكال الحب كثيره جدا
الحب الوحيد اللى فيه انا وانت
هو حب الرجل للمرأه
وانا عارفه انك مش قادرة تكتبى عن ده
لان الحب ده ليه غايات واهداف
عشان كده لو ما اتفقتش اهداف الطرفين عشان يكونوا نحن
حتبتدى الانا تظهر وفعلا بشكل متضخم
لان ساعتها كل انا بيبقا حاسس انه فشل فبيبتدى بشكل غريزى يدافع عن نفسه من اجل البقاء
باسعد بزيارتك دائما
سلام يا جميله

loumi يقول...

العزيز
طارق
انا زرت مدونتك قبل ما اعلق على تعليقك
يا رب تقدر تحقق نفسك بس لازم تحدد هدفك الاول
شوف نفسك عايزة ايه وتقدر تحقق ايه
واسمك منور فعلا :)
تشرف فى اى وقت
تحياتى

loumi يقول...

والله يا جدو
وحشتونى
ووحشتنى مناكفتكم فيا
سعيده بالتعليق اللى مش متعوده عليه ده
بس بالله حاعمل ايه
حاقبله وامرى لله
:):):):)
والف حمد لله على سلامتك
وسلامى لسميرة
ولباقى العصابه
--------------
فينك يا زياد؟؟
--------------

علاء يقول...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

اسكندراني اوي يقول...

الدنيا هي السبب يا ما بيحصل منها
وللاسف فعلا نحن السبب

loumi يقول...

اسكندرانى أوى
حيرتنى
احنا والا هى السبب
:):):)
تحياتى