الاثنين، يوليو 16

أغار من ليلى

أغار من ليلى
من طيفها الهادىء
و ثغرها الباسم
من وجهها الوضّاء
و عودها الفارع
ألمحها في عينيه و صوته الدافىء
*****
أغار من ليلى
أتراه يحبني كما يحبها
فأنا لي قلب ينبض كقلبها
وعين تعشق رؤياه كعينها
وأذن ترهف لسماع صوته مثلها
*****
أغار من ليلى
لم تُراه يهرُب من واقع
طرزته له بكل حب وهوى
لحلم لا يحصد منه الا الجوى
ألأنّى أصبحت واقعا؟يحبها؟
*****
أغار من ليلى
ليتنى بقيت حلمأً يهفو إليه
وليلى أُخرى يحلم بطيفها
فلطالما حاولت أن أكون ليلاه
فلا بقيت كما أنا ولا أنا غدوت ليلى
أغار من ليلى

هناك 44 تعليقًا:

علاء يقول...

ده موضوع التجمع ياريت أعرف رأيك

المدوّن خانة

Xee يقول...

ليلى تستحق أن تحب

من طيفها الهادىء
و ثغرها الباسم
من وجهها الوضّاء
و عودها الفارع

من لا يحب ليلى؟؟؟؟؟

إلى كل امرأة تغار من ليلى
ستظلين تناطحين طواحين الهواء كدون كيشوت و ستظل ليلى بهية باسمة كما هي

لان ليلى، ليست سوى فكرة



تحياتي

عدى النهار يقول...

قصيدة جميلة

قيس الجديد اللي ليلاه حلم محتاج يعرف إنه
مافيش واقع بيخلو من جمال ومافيش حلم بيتحقق وبيخلو من منغصات حتى إنه ممكن يكون كله منغصات

يعنى يبطل سرحان أحسن مايلاقيش حد يسأل فيه

ياترى لو الآية إنعكست قيس هايقول إيه!!؟

mimi يقول...

لومي
ايه الحلاوة دي يا باشا
وبعدين مين ليلى دي اللي تغيري منها
ايه يعني شوية الحاجات الحلوة اللي قلتيها دي حاجات سهلة خالص وبعدين لما هي حلم وطيف تغيري منها ليه مسيرة يفوق ويرجع لارض الواقع ويعرف ان الله حق انت هتعملي زس الستات اللي بيغيروامن نانسي عجرم واليسا وهيفاء وهبي
يا اختشي بلا ليلى بلا بتشاع
اوعي القصيدة الجاية تكون أغار من هيفا هزعل منك قوي لأن دي بالذات ما مفيهاش حاجة حلوة خالص يعني لا رسم ولا كسم ياللا كفاية جبنا في سيرة الناس كتير
سلام يا روحي

حــلم يقول...

ان كانت ليلى بهذا الوصف
لك ان تغارى
وله ان يحبها
ولنا ان نستمتع بحبه وغيرتك
:)

sendbad يقول...

لاننا بنحب نعذب نفسنا

ضد الظلم يقول...

ابداع حقيقى وكلمات غايه فى العزوبه وروعه فى الكتابه واحساس نابع من رومانسيه دافئه تحياتى

hosnysoliman يقول...

لومى العزيز
لكل منا ليلاه..ولكل منكم قيسه..وسر حب قيس لليلى عنده هو وحده وليس كما تراها عينك..فالحب سره فى كنز مكنون فى اعماق قلوب المحبين ..حتى انه فى بعض الاحيان اذا ما سئل المحب عن سر حبه لحبيبة لا يستطيع ان يجيب ..وهذا هو جمال الحب..اننا لا نعرف لما وقعنا فيه

loumi يقول...

العزيز علاء
أجمل ما يميز التدوين انه بلا قيود
حر وهذا يعطى مساحه اكبرلكل مدون للتعبير عن أرائه وليس تبنى فكر جماعه بعينها
تمنياتى لكم بالتوفيق

loumi يقول...

زيىىىىىىىىىىىىىى
ومين ما يحبش ليلى؟
كلنا ليلى وكلكم قيس
الحقيقه ان ليلى تظل المحبوبه طالما هى فكرة وحلم وما ان تتحول الى واقع
تظهر فى خيال الرجل ليلى اخرى
على فكرة البوست اللى انت كاتبه رائع
بجد انا حسيت انى بأتامل الصورة ودموعى نازله غصب عنى
تحياتى
وملحوظه جدو كانت فى الجون
تحياتى

loumi يقول...

العزيز عدى النهار
غالبا ما تنهي تعليقك بسؤال
ودائما احاول الاجابه
حاولت تقمص شخصيه قيس
بس ما طلعش معايا كلام معبر
يمكن احساسى بليلى كان اكبر
تحياتى
سعيده بتعليقك

loumi يقول...

الغاليه ميمى
دى حلاوتك يا قمر
بجد تعليقك خلانى ضحكت
والحمد لله انا النهارده مبسوطه عشان ادهم نجح
كلام فى سرك
انا لا باغار من ليلى ولا حاجه
على رأيك ليلى مين دى اللى أغار منها
هههههههههههههههه
على رأى مريم نور
بدك تغارى من شويه سيليكون ؟
ههههههههههههههههه
بس ليلى دى مش زى نانسى وهيفا دى خيال جميل بيحلم بيه كل قيس لحد ما يبقا حقيقه يبتدى يدور على ليلى تانيه وخصوصا لو الواقع اللى بين ايديه كان بعيد قوى عن حلمه
الست الشاطرة بقا هى اللى تقدر تكون اقرب لحلمه دائما
نورتى يا قمر

loumi يقول...

حلم الجميله
والله انا اللى مستمتعه بيكم وبوجودكم معايا
خالص تحياتى

loumi يقول...

العزيز سندباد
واضح انى جيت عالجرح
هذه هى الحياه
خالص تحياتى

loumi يقول...

العزيز ضد الظلم
اشكرك على تعليقك
واتمنى ان تكون الكلمات عبرت فعلا عن فكرتى
تحياتى

loumi يقول...

العزيز الاستاذ حسنى
كل منا ليلى
فقيس يظل يحلم بليلى الى ان تصبح واقع
فتتغير الصورة التى كان يحلم بها لان الواقع لا يمكن ان يحاكى الخيال
اما لماذا نحب فالحب غير معروف الاسباب فعلا وزى ما حضرتك قلت لو سئل المحبوب لماذا يحب انسانه بعينها لقال كما قال دريد لحام خدوا عيونى وشوفوها بيها
تحياتى

.:.-=- ELGaZaLy-=-.:. يقول...

اغار من ليلى
ليتنى بقيت حلمأً يهفو إليه
وليلى أُخرى يحلم بطيفها
فلطالما حاولت أن أكون ليلاه
فلا بقيت كما أنا ولا أنا غدوت ليلى
أغار من ليلى

----------------------------

جميلة اوى يا لومى بجد ورقيقة اوى

انا لا احب ليلى يا زياد...ولا حتى عبلة

harmless يقول...

ياما قلتلك ليلى كويسه وانتى ما صدقتنيش

وياما قلتلك الغيره فطره انسانية وقولتيلى ما باغيرش

وياما قلتلك قدمى السبت تلاقى الحد وقولتيلى نقطنا بسكاتك

اعمل لك ايه بقى؟

gohayna يقول...

حطيتي ايدك علي نقطه مهمه يا لمي

ليه بعد ما يصبح كلنا منا حق مكتسب للاخر
بيكون فيه شبه اعتياد وخمول وفتور
اي مشاعر بتكون ملتهبه وكلمات غزل متدفقه ونظرات معبره تغني عن الف كلمه

فجاه بتضيع وكانها لم تكن

وكانه ليس هو من ظل يركض بالسنين ليحظي بنظره رضي
او ابتسامه وان كانت لا تعني اي شيء


يجي علينا الدور احنا ندور فيه عيونهم علي كل الي مفتقدينه
بنلاقي وهج الحب انطفي بلا رجعه

واحساس الاشتياق الي كان متدفق من غير حدودو يخبوا


هارملس بيقولك قدمي السبت
تلاق الحد

طيب تقولي ايه في الي بيقدم الاسبوع كله

والطرف التاني ولا حاسس ولا فاهم ولا عايز يفهم

وليه هو ميقدمش السبت

ليه دايما كل حاجه علي الست كدا؟


اهم حاجه بقي يا قمر بجد
ان كلامك وموضوعك بيمس ناس كتير جدا

وفعلا مش باينله حل ابدا

سيبك انتي

عايزه اقولك الف مليون شكر علي رسالتك الرقيقه والله التلفون نور يا لمي

ربنا يخليكي ليا يا جميله
انتي كلك ذوق بجد
تسلميلي يا قمر

Hosam يقول...

عزيزتى
لما تغارين فقد وصفتى ليلى بجمالها واحساسه بيها ولم توصفى جمالك ولا احساسه بيكى فلو لم تكونى انتى ليلاه التى فى قلبه فلا داعى ان تصبحى ليلى
انتظرى من يحبك انتى كما انتى فمن فالحب لكى يتكامل يلزم ان يكون من طرفين
سلام

loumi يقول...

مودى
صباح الخير
:):):):)
حفله منير كانت ناقصاك
هههههههههههه
المشكله ان ليلى وعبله هم اللى بيحبوك
:):):)
اشكرك على مرورك على حيينا يا مهاجر
سلام

loumi يقول...

عزيزى....
بلاها ليلى وخد ليلى
هههههههههههههه
ما انت عارف طول عمرى عنيده
وما باسمعش الكلام
بس برضه انت عارف إنى قدمت الاسبوع كله
:):):):)
ناس كتير شايفه ان الخيال اجمل من الحقيقه
بس انا شايفه ان الواحد لما ما يطولش الحقيقه يغرق فى الخيال
أدعيلى ربنا يحقق لى اللى باتمناه
دعيت؟؟
تحياتى

loumi يقول...

العزيزة جي جي

الفتور بيحصل لأن ثقافتنا بتعتبر ان الجواز هو نهايه المطاف
مع ان العكس هو الأصح
لو نظرنا للزواج على انه بدايه حياه مشتركه يبذل فيها كل طرف اقصى ما عنده لاسعاد والاحتفاظ بالطرف الاخر لأخذت الحياه منحى اخر تماما
تلاقى بعد الزواج الزوج والزوجه يبتدوا يشتكوا من بعض وتبدأ الخلافات وده كله عادى بس اللى مش عادى هو ازاى بنتعامل مع هذه المشاكل التى قد تكون بسيطه وسهله الحل و كيف تتطور وتتفاقم لتصل الى مرحله يصعب معها تحمل كل طرف للاخر
الزواج حياه جديده مشتركه لازم تكون ليها اسس مشتركه ومقبوله للطرفين
والاساس فيها الحب والتفاهم والاخلاص

اما ليلى التى فى خياله فليتخيل من يشاء ولكن فى النهايه هو لى وحدى

مصدقاكى ان الموبايل نور
لان كل الموبايلات بتنور لما
حد بيتصل بحد او بيبعتله مشززززززز
ههههههههههههههههههههههههههههههههه
على فكرة ممكن تكونى بتقدمى الاسبوع كله لانسان ما يستاهلش

نصيحه
قدمى السبت لحد تانى وسيبك منه

ربنا يطمننى عليكى دايما يا جميله

loumi يقول...

العزيز حسام
قد اكون ليلاه التى فى قلبه
واعلم تماما انه يحبنى لكونى انا
ولكنى اجد ليلى اخرى فى عينيه
الرجل بطبعه يحبب التعدديه
اما المرأه فليس لها الا رجل واحد
وهذه فطرة فطر الله البشر عليها

زرت مدونتك وتركت لك تعليقا مطولا
ارجو ان تنتهى اوجاعك قريبا لتبدأ صفحه جديده كلها أمل وتفاؤل
تحياتى

bocycat يقول...

لومى الجميلة احساسك حلو اوى بس عايزة اقولك مفبش اصعب من ان الست تشوف ولو حوا واحدة فى عين ادم اللى بتحبه ومكان احساس صعب اوى انى بحب واحد مش شايفنى وشايف غيرى ... بجد حلوة اوى ,, تحياتى

شـــــهــــروزة يقول...

ليلى؟؟؟

جميلة ليلى

بس لو قيسى بص لليلي غيرى
حتى لو فى خياله؟؟


حأقطعه واعبيه فى أكياس بلاستيك وأوزعه للغلابة فى العيد الكبير


(وش بيغمز)

zenzana يقول...

ان متعة الحلم دايما فى البحث عن ليلى
لان ليلي مجرد طيف

Hannoda يقول...

المعنى جميل قوي يا لومي.. وجماله فإنه حقيقي قوي

دايما قدام عيني ليلى بقارن نفسي بيها.. وبتمنى أوصل لمستواها فقلبه.. وأنا أساسا مش عارفة ليلى ده هاجس فقلبي بيخدع عيني فأشوفها فنظراته
ولاّ ليلى دايما فقلب كل آدم رغم إن ليلاه حوله

ولا ليلى هي أنثى بعيده كلما إقترب ينخلع ثوب ليلى عنها و يركض ليكسو ليلى أبعد؟؟؟

لا يهمني لو كانت ليلى أي واحدة منهن في عينه

ولكن أرفض أن تكون ليلى هاجسي أنا فأضيع الأمان من دنيتي مع عنتري حبيبي

عارفة إني مستغربة جدا لحد الإندهاش الشديد!!!

تفتكري لما كلمتين بإختصار زي اللي قلتيهم و بالبلاغة اللي نسجتيها.. يطلّعوا كل الإحساس ده منّي
و يستفز مشاعر غطاها غبار الدنيا من زمن

ويجعلني واضحة القراءة جدا بهذا الشكل أمام نفسي

يبقى الكلام ده أقول عنه ايه بس؟؟

رائع

فى القلب يقول...

جاره القمر
أيه الرقه دى كلها
ده عيبه هو ألى مش شايف الواقع
وسرحان مع الخيال
بس لسه فيه أمل
إذا كانت ليلى خيال
فهو لن يستطيع العيش مع الخيال مده كبيره لنا أن نحاول معه
ولانفقد الامل

عدى النهار يقول...

ألف بس!! إيه البُخل ده
(:
مليون مبروك لنجمك الكبير ودايماً منور سماك إن شاء الله

loumi يقول...

العزيزة
bocycat
اشكرك على كلامك الرقيق
بس ما فيش انسان ممكن يمنع خيال انسان تانى من انه يشوف اللى هو عايز يشوفه
والست مش لازم تهتم قوى بالخيال اللى أدم شايفه لأنه فى الأخر ليها هى فى الواقع أما فكرة انك تحبى حد وهومش شايفك فده طبعا صعب
بس لو كان الاحساس ده من نسج خيالك فده الاصعب على الإطلاق
تحياتى يا جميله

loumi يقول...

شهروزة
عندنا يا مرحبا يا مرحبا
يبقا حتعبيه حتعبيه
:):):)
ما فيش راجل ما فيش ليلى فى خياله
بس حتفضلى انت الاصل ما تخافيش وش بيغمز جامد قوى
تحياتى

loumi يقول...

راندا الجميله
فعلا اجمل ما فى ليلى انها حلم
تحياتى

loumi يقول...

هنوده الإنسانه
بابقا سعيده قوى لما باحس ان كلامى قدر يوصل لحد قوى قيبقا واضح قدام نفسه بالشكل اللى انت عملتيه
لان الكلام لازم يكون ليه فايده مش بس كلام نقوله ويمر على غيرنا من غير ما يسيب اثر
دايما ردك بيبقا فيه حاجه بتفرحنى حتى لو عنيا دمعت وانا باقراه
تقريبا دموع فرح بإنى قدرت اوصل لمعنى محدد بابقا عايزة اوصل له
ما فيش داعى ابدا ان احنا نشغل بالنا بليلى الخيال
بس ممكن اسعى انى اكون تلك الليلى دائما فى واقعه وفى خياله ايضا
سعيده ان الايام بتعدى عشان تنزلى اسكندريه
وتسعدى بكل ما لك هنا
تحياتى

loumi يقول...

عزيزتى
من القلب

من كرم اخلاقى
انّى سامحاله بالخيال ده
هههههههههههه
الامل دايما موجود
فليحلم كما يشاء
فليلى لا تضيرنى فى شىء
الغيره منها إيجابيه
تحياتى

loumi يقول...

العزيز عدى النهار
ربنا يخليك يا رب
والظاهر انى بخيله فى مشاعرى ناحيتهم شويه
ههههههههههههههههههههه
اشكر لك لفتتك اللطيفه
تحياتى

islam يقول...

ما شاء الله
السلام عليكم ورحمة الله وبركاته

لومى

جميلة الكلمات .. عذبة .. رقيقة
خاصة :

أغار من ليلى
ليتنى بقيت حلمأً يهفو إليه
وليلى أُخرى يحلم بطيفها
فلطالما حاولت أن أكون ليلاه
فلا بقيت كما أنا ولا أنا غدوت ليلى
أغار من ليلى

لأنى أشعر أنها تقرر واقع ، فالرجال عادة ما يحبون ألف ليلى وفى كل ليلى شىء مختلف ، فإذا حاولت أن تكونى غير ليلاك لما جنيت سوى التوهان .. والتخبط

ولكن تبقى ليلة أبدية هى أجمل ليالى العمر

تحياتى .. لك يا ليلى
السلام عليكم ورحمة الله وبركاته

DARK يقول...

أولا القصيده جميلة أحييك عليها
ثانيا انا لست معك ...الرجل عندما يحب حبا صادقا تتلاشى كل الليلات لتصبحى انت الليل والليلى
ربنا يسعدك إن شاء الله

DARK يقول...

على فكرة الأغنيه روعة بس ممكن تبعتيلى ازاى انزل أغنية على البلوج

loumi يقول...

العزيز إسلام
وعليكم السلام ورحمه الله وبركاته
اشكرك على تعليقك الرقيق دائما
والحقيقه ان ليلى التى فى خيال كل رجل هى هاجس كل محبه لانها تغارحتى من طيف ليلى وان لم تكن حقيقه
ولكنى اجد انها غيره ايجابيه لانها تجعلها دائما فى حاله تحدى لتظهر اجمل ما عندها دون البعد عن جوهرها الحقيقى
اشكرك مرة اخرى لزيارتك زكلماتك المشجعه
والسلام عليك ورحمه الله وبركاته

loumi يقول...

العزيزه dark
زرت مدونتك بجد ربنا يحميك ويبارك فيك
حاقول لك سر:)
مع إنى لا أؤمن بالابراج بس باحس دايما ان كل الجوزائيين فيهم شىء مختلف وده واضح جدا فى مدونتك
واعذرينى لانى افتكرتك شاب فوجدت شابه رقيقه كلامها بجد يفرح ويمس القلب من جوه0
تمنياتى لك بكل التوفيق
وأنا مع كلام العرافه مش لانها تعلم الغيب بس لانك مبشره بهذا المستقبل وربما كانت عندها نظره ثاقبه
تحياتى
-------------------------------
بالنسبه للاغنيه اتفضليها :)
واللى فهمته انك لازم تفتحى الاغنيه من اى موقع وتاخدى اللينك بتاعها كوبى وبعدين تعمليله باست بعد ما تختارى html/java script
يا رب تعرفى بصراحه انا ما عرفتش اعمل الكلام ده وساعدنى عادل كراكيب فى الحكايه دى والاغنيه كانت اختياره
سلام يا قمر

DARK يقول...

ميرسى حبيبتى ربنا يخليكى انا هاحاول إن شاء الله ادعيلى يكون المستقبل أحلى ن الماضى

اسكندراني اوي يقول...

فلطالما حاولت أن أكون ليلاه
فلا بقيت كما أنا ولا أنا غدوت ليلى


يااااااااااااه
ولن تغدي ليلى
ابقي كما انت
واجبريه على حبك

اسف للتاخير في الرد بس بجد
بوست يهز اوي

loumi يقول...

العزيز اسكندراني قوى
معلش انا رديت امبارح
بس النت فصل منى والتعليق ما ظهرش
انت تعلق فى اى وقت بيتك ومطرحك
:):):)
لا يستطيع احد ان يجبر احد اخر على حبه
فان لم يحبنى كما انا
فهو بصراحه ما يلزمنيش
ولكنى لا استطيع ان امنع خياله من ان يحلُم بليلى
فمن حبى له أحاول ان اكون كل الليلات اللائى يحلُم بهن

سعيده ان الكلام عجبك
تحياتى