الخميس، أكتوبر 18

إشي خيال يا ناس :)

أصفر وإلا أبيض هو أول سؤال يتبادر إلى ذهني عندما ألمح
:) ساعي البريد يقترب بعجلته المرسيدس
أمام مقر عملي
حيث أن الجوابات الصفراء في ذلك الورق الأشبه بورق اللحمه القديم
هو غالباً جواب من جهه رسميه وبالأخص الضرائب
(إوعى حد فيكم يكون بيلبس العمه للزبون)
وفوجئت به يسألني هذه المرة وهو ممسك بجواب أبيض مكلبظ
!إنت ضايع منك ورق يا دكتورة؟
قلت :لأ بكل ثقه
ولكن إذ فجأة تبادر إلى ذهني
ذلك الحادث الذي تعرضت له من أكثر من 18سنه
وفقدت فيه حقيبة يدي العمرانه أن ذاك
إييييييييييه
كانت أيام
ولا تتصوروا مدى سعادتي ودهشتي وأنا أفتح الظرف لأجد الأتي
  • قسيمة الزواج
  • بطاقتي الشخصيه القديمه
  • رخصة السواقه التي إنتهت مدتها بالفعل
  • عدد 2تذكرة سوبرجيت من الإسكندريه الى القاهرة بتاريخ ذلك اليوم الذى تمت فيه السرقه طبعاً
  • عدد3صور لإبن بنت عمتي والذي وصل الأن الى السنه النهائيه فى كلية الهندسه

وأوراق كثيره ليس لها أهميه بالمره

والحقيقه أن وصول هذا الظرف في هذا الوقت أدهشني فعلاً

فلقد أعادني لذكريات مر عليها أكثر من 18سنه

وطبعاً حضرتي شربت المر وقتها عشان أطلع بدل فاقد من الأوراق

الرسميه التي فقدتها فى ذلك اليوم من رخصه وبطاقه وجواز سفر

وهو الشىء الوحيد الذي لم يعد مع باقي الأوراق

الرسميه الهامه والتي فقدت الأمل ان تصلني

كما يحدث فى جواب من مجهول بعد الحادث

ومن حسن الحظ أننا قمنا بعمل محضر رسمي

وسين وجيم في وقتها والذي حفظ طبعاً ضد مجهول

ولا عزاء للمسروقين

ههههههههههههههه

والسرقه تمت ببساطه شديده جداً جداً

حيث كانت الحقيبه معلقه على يد الكرسي ووسط الزحام

مرّت إحداهن

علقت الشنطه

وطلعت

وطبعاً لم ألحظ إختفائها إلا عندما هممنا بمغادرة المكان

إذا كنتم ما زلتم تقرأون

ومستغربون

فإليكم الأغرب من وجهة نظري

إحتفظ هذا الشخص بالورق لمدة 18سنه

!!!!!!!!!

وبحاله جيده

هههههههههههه

طب ليه؟

ولماذا أرسله بعد كل هذه السنين؟؟؟

كتب على الظرف إسمه وعنوانه

هو صحيح مش واضح قوي بس اكيد ممكن اي حد إسكندراني يوصل له

معنى كده إنه مش ممكن يكون السارق الأصلي

وإلا رأيكم إيه؟طب لو مش هو السارق

الورق ده وصله إزاي؟؟؟

مع العلم أن الحقيبه كان بها مبلغاً من المال

وقطعة من المشغولات الذهبيه

طب بذمتكم لو الموقف ده جه في فيلم وإلا مسلسل

مش كنتم حتقولوا ده كلام روايات

وخيال كتّاب؟؟؟؟؟؟

ملحوظه:الصورة من تصوير إسكندراني قوي ومأخوذه من غير إستئذان المرة دى

هههههههههههههههههه

هناك 32 تعليقًا:

على باب الله يقول...

الف مبروك علي رجوع المستندات

و نفسي أعرف أيه هي الرحلة العجيبة اللي قامت بيها المستندات دي لغاية لما رجعتلك تاني

لكني شخصياً .. أستبعد قوي أن يكون الحرامي هو اللي أرسلهم

أنا أظن أنهم عملوا رحلات ليها العجب .. و يمكن سافروا البرازيل و رجعوا تاني

بس فعلاً حكاية غريبة

درش يقول...

ألف مبروك رجوع المستندات
أهم حاجة إن الصورة رجعت و كمان تذاكر ببلاش
لو مكانك أركب السوبرجيت أروح القاهرة .. أصل أبو ببلاش كتر منه و ما فيش طعم أحلى من طعم أبو بلاش

احساس لسه حى يقول...

عزيزتى
طبعا الموضوع غريب ومفرح لاننا لما بتضيع اى حاجه وترجع بعد المدة دى اكيد بترجع ذكريات لينا جميله اوى واكيد فكرتك بايام حلوه
اما بخصوص اللى رجعها مش هتفرق انه السارق اللى نساهم فى مكان ولما لقاهم بعتهم ولا قريب ليه دخل شقته وعاش فيها وبعتهم ولا اى سبب عاشر
المهم ده درس ان مفيش شئ مستحيل والمستحيل ممكن يحصل بعد 18سنه
مبروك على رجوع الذكريات دى
كل سنه وانتى طيبة
سلام

عدى النهار يقول...

إنشاء الله تكون رجعت بك لذكريات جميلة

18 سنة فاتت دى عمر تانى وحياة تانية مختلفة فى كل شىء

بنت القمر يقول...

والله الاغرب من رجوع المستندات انك تقولي انك مجوزة من 18 سنه عشان كان معاكي قسيمه ورخصه وبعمليه بسيطه موت بتاعه عيل في حضانه نقدر نخمن سنك
معقوله
عموما ما يقع الا الشاطر
سن الست سر عسكري
تحياتي

loumi يقول...

أهلاً وسهلاً
بك في أول زياره
والله يبارك فيك
والله وانا كمان نفسي أعرف
بس غالباً مش حاعرف
ولا أي حد فينا حيعرف

وأنا طبعأً
أستبعد يكون الحرامي بذات نفسه إلي بعت الورق
بس أنا أستبعد الرحلات دي لأنهم بحالتهم مش متبهدلين يا راجل ده زي ما يكون كان حاططهم فى خزنه وقافل عليهم

الواقع دايماً
أغرب من الخيال

تحياتي

MarwaAshraf يقول...

فعلا والله .. ايشي خيال يا ناس

مبروووووووووك

اسكندراني اوي يقول...

يا خبر ابيييييض
الحاجات دي رجعت بعد 18 سنه
معقوله دي

لا اكيد طبعا اللي بعتها مش هو اللي سرقها مستحيل
والا من السهل الوصول اليه

عموما ممكن تبعتيله تساليه

اما الصور فتحت امرك البلوج كلها
انتي واي حد يحب يقتبس

شاكر ليكي امانتك في النقل

وتحياتي

loumi يقول...

العزيز
darsh
الله يبارك فيك يا رب
هههههههههه ما إحنا ساعتها ركبنا ورجعنا القاهرة وكان معانا مخبر بالمحضر عشان ما يدفعوناش تذاكر تاني وفعلا الكرسيين فضلوا فاضيين
والباص كله عرف الحكايه وعملوا معانا أحلى وأجدع واجب الصراحه
تحياتي لك يا زميل

loumi يقول...

أسامه
كل عيد وانت طيب ومبروك البلوج الجديد
فعلاً أنا لا أؤمن بالمستحيل
كلها أشياء مكتوبه بمواعيد محدده إحنا بس اللي بنبقا مستعجلين
بس فعلاً أنا كنت نسيت الورق ده لأنه ما بقاش ليه قيمه
القيمه فى الموقف اللي حصل فعلاً
والله يبارك فيك تاني
وانت طيب يا رب
سلام

loumi يقول...

العزيز مدحت
الحمد لله ذكريات جميله فعلاً
ومواقف غريبه حصلت وقتها
كانت أول مرة أعمل محضر رسمي في قسم
ونروح بقا مكان الجريمه ونمثل إللي حصل
متهيألي الكلام ده ما بقاش بيحصل

فعلاً
حياه ثانيه مختلفه

تحياتي

loumi يقول...

العزيزة بنت القمر
أهلين وسهلين
إيه الغريب في إني أقول سني ؟
عموما أنا سني أكبر من أي حسبه
ممكن يحسبها شاب في الجامعه مش عيل في حضانه
:):):)

أشكرك
أوحيتي لي بفكرة جديده
تحياتي

loumi يقول...

العزيزة راما
إسمك جميل جداً
سعيده بزيارتك
الله يبارك فيك

تحياتي

loumi يقول...

تصدق ورجعت إيه
زي ما تكون من 18 سنه فى خزنه
بعيد عن أي إيد تبهدلهم
والله شكلهم كان غريب جداً جداً
شفت صورتهم على اليمين؟
هي والدتي قالت لي إبعتي إشكريه
بس فعلاً العنوان مش واضح قوي يعني
وأنا كبرت الطاسه
ههههههههههههههه
تسلم يا رب
على فكرة كمان الشات بوكس حملته من عندك
هههههههههههههه
بيت أخويا الكبير
بقا حأعمل إيه؟
الشكر ليك يا كبيييييييييير
تحياتي

gohayna يقول...

وربنا ولا في الاحلام حتي تحصل


عارفه فكرتيني بايه

بالصياد الي كان في البحر ووقع منه الخاتم وبعد سنين اصطاد سمكه وبيفتح بطنها لاقي الخاتم بعد سنين

والله ولا في الاساطير

بس تفتكري الحرامي تاب بعد 18 سنه يا لومي وقرر يرجع الغنيمه بتاعتك

المفروض يرجعالك بفوايده

دول 18 سنه

يعني هتخديلك مبلغ محترم والله


هههههههههههههههههههههه

يا بنتي المال الحلال عمره ما يروح ابدا ابدا

بجد مبروك يا سكر علي الحاجه الي رجعت

وابقي خدي بالك بعد كدا لو سمحتي

حد عارف لو اتسرقت حاجه دلوقتي هترجعلك بعد كام سنه تاني حاكم الضماير عشان تتوب الايام دي بتحتاج قرون

يلا ما علينا

فين الكحك يا لومي والبوتيفور

عيب عليكي بجد كدا خالص

طيب قرقوشه حتي

دا كلام دا؟

ينفع يعني؟



كل عيد وانت بالف خير يا قمر تحياتي
ليكي جدا

horas يقول...

ربنا يهدى عباده
انا مش مستغرب
لأن الغريب
اننا نعتبر حاجه غريبه
ك شيء متاح وممكن
انا بس مندهش
ومبسوط بس مش عارف ليه

عين فى الجنة يقول...

مبروك يالومى على رجوع الاوراق وربنا يعوضك فى المفقودات النقدية والذهبية

قطوف يقول...

كل سنه وانت طيبه
مع إنها متأخره
أنا سعيد جدا لمرورى على مدونتك وعجبتنى أوى مدونتك بوستات قديمه والاغنيه الاكثر من رائعه بجد أحييك على اختيارك المبدع
امهم كويس غن الشنطه جات وحمد لله على سلامة الورق
أكيد غلى رجع الحاجات دى الورثه بتوع الحرامى لانه كان كاتب فى وصيته كده بعد ما ضميره أنبه

اسلوبك جميل
مستنيك تنور المدونه بزيارتك

كراكيب عادل يقول...

ههههههههه انا بضحك علي الي اسمها بنت قمر شوفي البنت مخها راح لفين وحسبت

بروزيهم بئي وعلقيهم في مدخل الشقة

يالا ادي انتي كسبتي حاجة تتحكي

حمدلله علي سلامة اوراقك انا معتقدش يكون السارق هو الي بعتهم

loumi يقول...

وربنا إنت وحشتيني جداجدا
بس معلش أنا عذراك


أه فاكرة الحكايه دي؟

ده عشان الإنسان يعرف إن كل شىء بأوان
هو أنتوا كلكام عمالع تحسبوا لي؟
هههههههههههههههههههه

يا بنتي ما هو راااااح
بس يمكن ما كانش حلال
هههههههههههههه
أو راح لحد محتاجله أكثر مننا

الكعك ما هو في البوست اللي تحت
العتب على النظر
:):):)


نورتيني بجد
سلام يا جميييييل

loumi يقول...

صديقي المبدع
horas
أنا برضه إندهشت
واتبسطت
بس أنا عارفه
ليه
عرفت؟

:)

تحياتي

loumi يقول...

الله يبارك فيك يا راجي


الحمد لله
العوض عند ربنا أكيد
تحياتي

loumi يقول...

وإنت طيب يا رب
أن تأت متأخراً خير من أن لا تأتي بالمرة
:):):)

أهلين وسهلين
بيك في المدونه
سعيده إنها عجبتك
والأغنيه إتفضلها

الشنطه ما جتش الورق بس في ظرف
مع إن ما بقالوش قيمه
بس الفكرة نفسها حلوة
إنك يرجعلك شىء كنت نسيته من زماااان
أنا برضه خمنت إن الورثه يكونوا هم اللي رجعوا الورق
:):):)

أنا زرت المدونه على السريع بس لازم حارجع عشان أشوف دولة الهباله
مش هباله برضه؟
أصلك كاتبها
البهاله
خلتني إفتكرت
إنهم قوم غير القوم
إللي أنا أعرفهم
هههههههههههههههه
تحياتي

loumi يقول...

دوله
إنت رجعت؟
ألف حمد لله عالسلامه
ليك وحشه يا راجل

الناس هروني أسئله عالأغنيه
أنا عايزة أحط اللينك بتاع مدونتك تحتها عشان يعرفوا إن ده كان إختيارك
:):):)
وإنى ما كنتش عارفه أنزلها
للأمانه يعني


إضحك يا عم
حد واخد منها حاجه
أكيد مش السارق
اللي بعتهم
تقريبا الورثه

تحياتي

البرديــــــة المصرية يقول...

كلمة شربت المر شوية على اصدار بدل فاقد

المهم ان الشنطة رجعت بالسلامة عشان علامة الاستفهام القديمة تبقى علامتين

صحيح ولا فى الخيال

loumi يقول...

صاحب البرديه

صحييييييييييح
جداً

إللي يعيش يا ما
يشوف
شرفت
تحياتي

اسامة يس يقول...

غريبه فعلا ... وكنا هنقول افلام مصريه ... ههههههههههه
والحمد لله انها عادت ربما لتعيدك الى الذكريات ... ولتكون هي رواية بذاتها ...
عجبني البوست لانه شدني بالاضافة فيه من غرابة ربما بالتداعي كمان لذكريات بعيدة .. او لحالة من الشجن..
دمت بكل ود
خالص تحياتي...

loumi يقول...

العزيز أسامه
الحياه مليئه بالغرائب والعجائب
واللي يعيش ياما يشوف
سعيده بزيارتك
ويا رب يكون البوست أعادك لذكريات جميله كما فعلت بي عودة الأوراق
تحياتي لك

Hannoda يقول...

سبحان الله

معقول يكون الشخص ده كان كسلان يبعت الأوراق بقاله 18 سنة

ولا يمكن اتحشرت الشنطة بتاعتك وسط حاجات راكنها و جرب يفتحها بعد 18 سنة فوجد أوراقك و تذكر الموقف فهم بارسالها

:)
هو في حد بيفتكر حاجة دلوقت
ده أنا ساعات أقف قدام أسماء في أجندة التليفونات اللي عندنا في مصر ساعة و أنا مش قادرة أعرف الأرقام ده تخص مين

بجد .. حاجة غريبة جدا

بس متأكده إن الحدث ده المقصود منه معنى ما.. لازم تدوري عليه و تعرفيه

مبروك ع الحاجات

و الصورة أنا فضلت أتفرج عليها قبل ما أقرأ البوست .. و كان جواي شعور أكيد إنها في اسكندرية

:)

مبروك يا صاحبة الحقيبة

loumi يقول...

هنوده الإنسانه
الجميله
سبحان الله فعلاً

الله يبارك فيك
المعنى إن ليا ناس في إسكندريه رجعت لقيتهم تاني بعد غياب
ده المعنى إللي أنا عايزة أفهمه
:):):)


الدنيا مليانه حاجات غريبه
بس على الأغلب إن مش السارق هو إللي بعت الورق
السرقه حصلت فى تريانون محطة الرمل
والصورة من على طرابيزة السفرة

:):):)
تحياتي

غير معرف يقول...

ياستى الف حمدلله على سلامه المستندات بس يبقا خلى بالك من شنطتك تانى مره

loumi يقول...

العزيز
رئيس جمهورية نفسه
الله يبارك فيك
حاضر يا فندم
مع إنه لا يغن حذر من قدر
تحياتي
يا ريس
:):):)