السبت، نوفمبر 10

الرجل والعامود

الراجل يا عيني ماشي

لا بيه ولا عليه

عامل بسيط مكافح

وأصحابه من حواليه

عامل في الحي هو

في مدينة البدوي طنطا

بقا أشهر من نار ع العلم

وأشهر من كليب القلم

راجل داعياله أًمه

ويا عيني ع اللي حصل له

طالع في مهمه صعبه

قال إيه !حيزيلوا عامود

ودخل لك البلدوزر دخله

وهجم ع العامود دي الهجمه

إجري خد لك ساتر

أو حتى كده إتاخر

ويا عيني ع اللي صابه

طقش العامود في دماغه

وهوب جريوا شالوه

وعلى المركز دخّلوه

لا يا عم ما عندناش

لا حقن ولا قطن ولا شاش

وجريوا بيه ع المستشفى

وقام مسؤول مشكوراً

و التاني برضك مشكوراً

ده دفع أجرة أشعه

وده تمن خيط جراحه

مكافأه جامده صرفوا له

بس الراجل محظوظ

ال100 ب خمسه وسبعين

بتضحكوا؟؟لأ لأ عيطوا

ويا عيني ع الجدع

وع إللي جرى له

بس الصراحه

أمه داعياله

ملحوظه :هذا الكلام كتب من 4شهور تقريباً ولم ينشر لعدم توفر الكليب لدي

بالصدفه وجدته من يومين عند الزميل محمد حمدي صاحب مدونة دماغي

لذا أتقدم له بالشكر لأنه من أحد أهم أسبا ب نزول هذا البوست

هناك 32 تعليقًا:

اسكندراني اوي يقول...

العالم دي ما بتفكرش
فين الامن الصناعي
فين
job hazard analysis

Work procedure

Safety chick list



فيه عك وليس كله كويس والضحايا من دول كتييييييييييييييييييييييير

زعلتيني يا خيو والله
حرقتي دمي على الصبح

loumi يقول...

العزيز إسكندراني قوي

لا لا ولا تحرق دمك ولا حاجه

ده إنت لو كنت سمعت المس}ول وهو بيتكلم

كان صابك أكثر من كده بكثير

قال إيه كانوا رابطين العامود بواير
سلكه يعني
ههههههههه
والله حاجه تغم بس الحمد لله صرفوا للراجل مكافأة100 جنيه بس بعد الضرايب والدمغات
أخد في إيده 75 جنيه يا مؤمن


بس الراجل عايش يا باشا
الحمد لله
أصل أمه داعياله

klmat يقول...

عزيزتى لومى
الموضوع ده انا سمعته من مده
فى برنامج القاهره اليوم
وذهلت من طريقه ازاله العمود
وطريقه رد المسئول وقيمه التعويض
هو كده مصر حا تتقدم بهم
ربنا ...... ويريحنا
تحياتى لك

loumi يقول...

العزيزة أميره

يا رب
يسمع منك ومنا جميعاً

سعيده بزيارتك

تحياتي

loumi يقول...

بنت القمر said...
لا حول ولا قوة الا بالله
سمعت عن الموضوع قبل كده
بس شفته عندك
جهجهوني
كل حاجه ماشيه في البلد جهجهوني
اشكرك علي مشاعر الحسره والغضب علي الصبح

November 10, 2007 3:09 PM

loumi يقول...

Hannoda said...
يا لومي.. مصر ماليانة ناس غلابة
غلاااااابة

ع الرزق يسعوا ولا يناموش

تلاقيهم طالعة عينهم..
مش عارفين يسعدوا عيالهم
بس واقفين على شغلهم
قلوبهم فيها رحمة
حاجة غريبة
بيجيبوا الرحمة منين

مش عارفة
الناس ده بدعيلها بجد من قلبي كل ما أشوف حالهم

يارب
حافظلهم على الخير فقلوبهم و اديهم القوة من عندك

ارزقهم الصبر بدل ما يبقوا ولا طالوا دنيا وآخرة
ما تسيبش عامليلنا و عمايل غيرنا تغيرهم و تطلعهم برة حدودهم اللي رسموها بطبيتهم

بدعي ربنا يا لومي
أصل في مصر ماحدش له حد غير ربنا و بس

November 10, 2007 10:10 PM

loumi يقول...
أزال المؤلف هذا التعليق.
loumi يقول...

Ragi said...
الله يرحمه
حسبنا الله ونعم الوكيل

November 10, 2007 10:57 PM

loumi يقول...

loumi said...
العزيزة بنت القمر

الراجل ده عامل في الحي
مش من المارة
والحمد لله إنكتب له عمر جديد
ومن ناحية جهجهوني
فهو جهجهوني وهمايوني

العفو أي خدمه يا جميل
بس الحاجات دي منها كتير
وبنسمع عنها برضه
بش الشوف غير الكلام

سعيده بوجودك

November 11, 2007 10:50 AM


loumi said...
هنوده الأنسانه

عارفه كل ما أفكر
أكتب حاجه غير اول كلمتين بأكتبهم لك في كل تعليق ما أعرفش
:)
مش مصر بس اللي مليانه غلابه يا هند
العالم كله مليان
بس إحنا بتأثر بدول أكثر لأنهم الأقرب لينا
أكيد بتتأثري لما تشوفي الأطفال العراقيين والفلسطينيين
وإلا إللي في أفغانستان ولا السودان أي ظلم مؤثر في أى مكان ولأي إنسان
الناس دي طيبه عشان كده قلوبها مليانه خير ورحمه ورضا
بس كل شىء وليه حدود الناس دي حييجى يوم وتكفر بكل شىء وتاكل الأخضر و اليابس
وساعتها ما فيش قوة حتقدر تقف فى وشها
ربنا يستجيب لكل الدعوات
يا رب
وحسنا الله ونعم الوكيل

November 11, 2007 11:15 AM


loumi said...
العزيز راجي

الله يرحمنا جميعاً
بس الراجل ما ماتش
حى يرزق الحمد لله

تحياتي

November 11, 2007 11:16 AM

Ehab يقول...

يا سلام وفعلا اخد ال75ج
كلهم لوحده يا سلااااام
ده راجل بخته من السما
انتي عارفه انهم كان ممكن يلبسوه تهمه انه خبط العمود بدماغع مما ادى لتلف العمود وحرق اللمبه
وتسييح السلك
وعليه يغرم بمبلغ 10000ج
تمن العمود
وغرامه 100 لتعطيل الطريق
ده غير حبس اربعة ايام لأنه قال أي بصوت عالي لما اتخبط

يبقى الحمد لله انها جت على قد كده

وحسبي الله ونعم الوكيل

سلااااااااااااااااام

فى القلب يقول...

لا حول و لا قوه ألا بالله

الحمد الله انه عايش

حساسه أنتى لومى

على باب الله يقول...

للأسف مش عارف أشوف الكليب

لكن عجبني قوي أسلوبك الجميل في الكتابة

--

أتمني لك التوفيق

gohayna يقول...

كويس انه اخد حاجه وللاقي حد يعمله حاجه

كويس انه ملبسهوش تهمه وقاللوله انه السبب في الكوارث الي بتحصل دلوقتي والمسؤول عن ارتفاع درجه حراره الارض

والبركيين والزلازل الي بتحصل في العالم

كويس انهم عالجو حتي لو كسحوه

تتعوض يالومي

احنا كدا دايما


ربنا يخلصنا من دا زمن يارب

وحشاني يا حجه والنبي وحشاااااااااني

samo يقول...

loumi

غلبان ...بسيط ...على قد حاله ...حظه وحش

كل دول لما يجتمعوا فى صفه واحده ... مش هتكون غير .. الشعب المصرى

الحمد لله انهم صرفوا للراجل اى فلوس

جميل منك انى بتحاول توصلى اللى بيحصل للناس وتحكيه لينا

اشكرك

رغم ان الكلام ده زود همومنا اكتر واكتر

Tamer Nabil Moussa يقول...

عامل وشغال ولا فية تأمين وان وجد اى كلام

لازم النتيجة تكون كارثة ومصيبة والنهاية دموع واحزان

ربنا يصلح الحال

كلماتك جميلة جداا وعجبتنى

تحياتى

harmless يقول...

ماهو طول ما الخازوق بيحكمنا
لازم حنتكعبل فى الف عمود

وبرضو العمود اسهل من الخازوق

قطوف يقول...

كان نفسى أشوف الكليب بس مش عارف
بس أسلوبك روعه
وشكرا
انت عرفتينى أقصر طريقه لحصول على 75
جنيه
سلااااااام

يا مراكبي يقول...

أنا شايف برضه إن أمه كانت داعياله .. ده الدنيا كلها داعياله علشان هو مصري كمان .. والجنسيات التانيه بتحسده على العناية الفائقة اللي حصل عليها

آه يا غلبي

اتفضل عندنا يقول...

انا كل ما اقول مش هاعلق علي اي خبر تاني دمي يتحرق و الاقي نفسي بانط اكتب، الواحد مبقاش عارف يقول ايه غير يقعدلك في عينك و عافيتك ياللي في بالي

islam يقول...

لومى
السلام عليكم ورحمة الله وبركاته

لاتزال كتاباتك وأشعارك تعالج هذا البعد الهام فى حياتنا المعاصرة وهو إهتمام الحكومة بالشعب ؟

بعم إن حكومتنا الميمونة تخطط لإنهاء ألام شعبنا الذى يعانى منهم بالتخلص منه ، لذا قررت إزالة العواميد والبشر

يا خسارة واحد فلت

هنعمل ايه
أمه داعياله

وحشنى العصفور

السلام عليكم ورحمة الله وبركاته

islam يقول...

لومى
بالمناسبة دى بقى

السلام عليكم ورحمة الله وبركاته
أنت مدعوة لمشاركتنا فى مدونة مدونى العالم المتحد
World United Bloggers (WUB)

هدف هذه المدونة هى أن نثبت للعام من خلالها أن الإختلاف فى اللغة ، والدين ، والعرق ، والجنسية لا يعد دافعا لأن يكره بعضنا بعضا ، وأن بإمكاننا أن نجعل هذا العالم افضل لو اننا عبرنا عن أراءنا مع إحترام آراء الأخرين

موافقتك على المشاركة معنا رجاءا أرسلى ميلا يتضمن الإسم الحركى الخاص بك (النيك نيم) ، وعمرك ، وإسم دولتك ، واللينك الخاص بمدونتك إلى هذا الميل know_how_2love@yahoo.com وسيتم إرسال رسالة التفعيل لك وبموجبها تصبح أحد اعضاء الإتحاد العالمى للمدونين (WUB) ، وكأحد المشاركين سيتم تحديث إسمك على المدونة بشكل ألى ، رجاءا إقرئى قواعد المشاركة والنشر فى الإتحاد قبل أن تبدئى فى التدوين .. وستجدى هناك أهداف الإتحاد يمكنك قراءتها كذلك.

تحياتى لك
إسلام
وسيط الشرق الأوسط عن الإتحاد
www.worldub. blogspot. com

loumi يقول...

الشنكوتي الكبير

أهلا وسهلا
بك
الحقيقه الراجل أخد ال75 جنيه كلهم
لان ال100جنيه خضعت للدمغات والضرايب
وما شابه
ما انا قلت
إن أمه داعيا له
وربنا سترها عليه وعى عياله
هم يضحك وهم يبكي

سلام

loumi يقول...

العزيزه أوشا
ونعم بالله

الراجل ربنا فتحها عليه
من بعد ما العمود لطشه
إتشهر وأهل الخير ما سابوهوش
الحمد لله

ده من بعض ما عندكم
يا ذات القلب الكبير

loumi يقول...

العزيز
على باب الله
أنا حطيته تاني في السايد بار
حاولت أضيفه على البوست
حلف ما يدخل
:):):)

تمنيات متبادله

loumi يقول...

جي جي
العزيزة

الحمد لله ربنا بيقطع من هنا ويوصل من حته تانيه
أهل الخير توّلوه

وانت اكثر يا قمرة

loumi يقول...

العزيز سامو

والله لو بصيت في كل مكان حتلاقى البسطاء موجودين
وغلابه وحقوقهم مهضومه

معلش مقصره معاك
تتعوض إن شاء الله

تحياتي

loumi يقول...

العزيز تامر نبيل

أهلين وسهلين

يا رب يصلح الحال

فدوام الحال من المحال

سعيده لأن الكلام عجبك

تحياتي

loumi يقول...

عزيزي....

خازوق

عامود

تعددت الأسباب

والحاكم واحد

تحياتي

loumi يقول...

العزيز
سى السيد

الكليب بقا في السايد بار
كان نفسى أحطه لوحده بس إضطريت أحطه
مع كليبين تانيين وده اللي ما كنتش
حابه أعمله بس عشان خاطركم
:):):)

بس ما تعتمدش على كده
جايز يشيلوا الدعم من على المبلغ
فيدفعوك الللي وراك وإللي قدامك

تحياتي

loumi يقول...

العزيز الباشمهندز
أحمد

اهيييييييييين يا غلبي

والله العظيم الواحد ما بقاش عارف يعمل وإلا يقول إيه

حسبنا الله ونعم الوكيل

تحياتي

loumi يقول...

الغاليه
ولاء

نطي يا حبيبتي
ولا يهمك
بس بلاش تحرقي في دمك
أصل الوجع بقا كتير قوي

امين يارب
وبعدين في ناس عايزاك
تحياتي يا قمر

loumi يقول...

العزيز
إسلام
وعليكم السلام ورحمة الله وبركاته

بأسعد بتعليقك دائماً

والله العصفورالايام دي مش عارف يقول إيه وإلا إيه
عشان كده ملتزم الصمت

تحياتي


بالنسبه للتعليق الثاني
حأقرأ الشروط
إن شاء الله
السلام عليكم