الاثنين، ديسمبر 31

قطر وسواق

ف نفس القطر راكبين
ما نعرف واخدنا لفين
فيه ناس للهم شايله
والناس م الفرح طايرة
دي عروسه ف يوم فرحها
ودي ست شايله عيالها
بس يا بت تعالى يا واد
إترزع هنا وإقعد
لعمك السواق يزعل
ولو زعل حيفرمل
ولو ده حصل حنتكعبل
ولا حد ساعتها يزعل
بس السواق مش هامه
قاعد في كبينه لوحده
مش داري باللي بيحصل
والناس دي عايزه توصل
وكل ما محطه تقّرب
يجري منها ويهرب
يا عم عايزين نهايه
للي حاصل ويانا
بس السواق مطنش
وداير ف الخلق يلطش
حد يا اخوانا يقل له
لو دامت لغيرك
ما كانت وصلت لك

هناك 40 تعليقًا:

عدى النهار يقول...

السواق أول مادخل الكبينة فرمل فرملة جامدة كعبل فيها كل الركاب حتى اللي لسه ماجوش الدنيا ومش عايز يتحرك بالقطر ولا يسيب الناس تتحرك بيه

زُمُرده يقول...

السلام عليكم
جاااااااامده اوي
بس هو لسه معرفش انها مش دايمه
كلماتك جميله وخفيفه
وجواها معاني تمام اوي
***********
هابى نيو يير ... وحاجات حلوة وطراطير .... وجاتوه وفطير....والأهلي خطير ..... والريس لسه قدامه كتير

فى القلب يقول...

تنساب كلماتك يا ست لومى برقه وعذوبه ورشاقه

لتصل فى الهدف بسهوله ويسر كما القطار الذى تحلمين به وليس القطار الذى نركبه


كل سنه وأنتى طيبه

gohayna يقول...

الله عليكي يا لومي
احنا فعلا محتاجين الفرمله دي من زمان اوي بجد


بس للاسف السلك بتاعها مقطوع من زمان اوي والفرامل حتي لو داس عليها مش شغاله


دايما طريقتك في العرض جميله
واسلوبك رائع ومشوق



بجد تسلم ايدك

انا بقالي كتير مدخلتش عندك

هو مفيش غرامه ولا ايه
انا لقيت السكه سالكه يعني كدا

اتمني متكونيش زعلانه


كل عام وانتي بالف خير ويارب السنه الي جايه تكوني محققه كل ما تتمني يا قمر
تحياتي ليكي علي الدوام

عدى النهار يقول...

كل سنة وهى طيبة.. ومامتها كمان
:)

klmat يقول...

عزيزتى لومى
جميل اوى واضح ان السواق
تبت حبتين وسايق فيها
ربنا يصلح حالنا ودوام
الحال من المحال
كل سنه وانت واسرتك
وحبايبك ومصر وسوريا بخير
يااارب
وافر تحياتى

اسكندراني اوي يقول...

خانوووووم
كيفك

ايه الحاجات الجباره دي
يعني وبعدين معاكي
تعدد المواهب ده واخدنا معاكي على فين
الله ينور تسلم ايدك

احساس لسه حى يقول...

عزيزتى
كل سنة وانتى طيبة وبخير وعيد وسنة سعيدة عليكى يا رب
اكيد القطر مليان اللى فرحانين واللى زعلانين بس اللى فرحان النهاردة اكيد بكرة الحزن هيعدى عليه واللى زعلان دلوقتى بكرة ربنا هيفرحه اكيد فى يوم
سلام

loumi يقول...

العزيز مدحت
بس الأكيد
إن القطر لازم يوصل لمحطه
نهائيه مهما طال الطريق

loumi يقول...

العزيزة زُمُرده

وعليكم السلام
أهلاً وسهلاً بك
الحقيقه هو عارف بس بيقاوح
:)
تحياتي
وكل عام وانت بخير

loumi يقول...

العزيزة أوشا
حمداً لله على عودتك
وإن شاء الله تكون أخر الأحزان
كلنا نركب نفس القطار
وكلنا نحلم ان يصل بنا إلى بر الأمان


وكل عام وانت بخير

loumi يقول...

جي جي
يا قمر
كل سنه وإنت طيبه
وإن شاء الله ربنا يحقق لك كل ما تتمنيه
ما هى الفرامل مش شغاله عشان كده مش قادرين نغرّم حد
:):):)
الزعل مرفوض
وكل عام وانت بخير
يا قمر

loumi يقول...

أشكرك على هذه
اللفته الكريمه
وإنت بخير يا رب

loumi يقول...

العزيزة أميره
تبت وبس؟
:):):)
ده دوخنا معاه
ربنا يسمع منك يا رب
وأنت وكل من حولك
بصحه وعافيه يا رب
تحياتي

loumi يقول...

خاااااااال
الحمد لله كيفك إنت؟


أخجلتم تواضعنا يا خال
والله الواحد مش عارف حنوصل لفين بس
نتمنى أن نصل لبر الأمان يا رب

loumi يقول...

العزيز حسام
وأنت طيب يا رب
وإن شاء الله
السنه القادمه
تكون شايلالك معاها كل خير
كما نقول دائماً
دوام الحال من المحال

سلام

Memo يقول...

100/100 البلوج ده و الله
ايه يا بنتي الكلام الكبير ده
تحياتي

يا مراكبي يقول...

السواق ده بقى له 26 ساعة لابد في الكابينة ومش عايز يسيب القطر .. صح؟ هو ده اللي قصدك عليه؟

محمود الدوح يقول...

هو عارف بس مطنش

loumi يقول...

ميمو
أهلاً وسهلاً
وأشكرك على تقيمك للمدونه
تحياتي

loumi يقول...

العزيز الباشمهندس أحمد

ههههههههههههههههه
وهو في سواق غيره؟

loumi يقول...

العزيز محمود

ربنا يصلح الحال

تحياتي

عين فى الجنة يقول...

القطار ماشى وموش حيقف واللى خايف على حياته ينط من الشباك ويسيب البؤجة اللى فيها رغفين العيش و فحل البصل يمكن يلاقيها واحد جعان

أحمد سلامــة يقول...

بحب جدا جدا افكار القطر والطرق دي جدا
بس البوست مفاجيء يا لومي
تسلم ايدك والله
داخلته اجمل ما فيه
:)
كل سنة وانتي طيبة وبصحة وسعادة يا رب
http://mr-coffee-coffee.blogspot.com/2007/01/blog-post_06.html

كلام لوجيك يقول...

السلام عليكم ورحمة الله
ازيك ؟؟ كل لحظة وانتى طيبة وبألف صحة وسلامة
اشكرك الشكر الجزيل على سؤالك و زيارتك الدائمين
أحب أطمنك ان البلوج فتح تانى وكله تمام واحتمال أنزل موضوع بكرة انشاء الله

اسمحيلى أحييكى على كلماتك المعبرة والمنتقاة بعناية والتى قمت بتركيبها ببساطة ورشاقة أثمرت عن هذا البوست الجااااامد

طبعا السواق ده معندوش دم
والمشكلة ان ورديته خلصت من 19 ساعة تقريبا وبرضه مصمم انه يا خد اضافى ومش عاوز يدي فرصه لغيره ابدا
واللى يغيظك اكتر ان بيحكم على الكمثرية وبقية الموظفين انهم يتقاعدو مبكرا من أجل ضخ الدماء الجديدة واعطاء الفرصة للشباب ... ولكنه لا يطبق هذا على نفسه
بل أنه قال فى احد أحاديثه الشهيرة انه باق فى القطار وسيظل يقوده حتى اخر نفس فى صدره
طب يا جدعان افرضوا مات وهو بيسوق .... ايه اللى هيحصلنا وهيحصل للقطر؟؟؟؟؟؟؟
مع العلم انه رافض يشغل معاه مساعد فى كابينة القياده
يعنى يا اختى العزيزة الركاب ضايعين ضايعين

عندي كلام كتير بس للاسف لو كتبته مش هيبقى كومنت
هيبقى بوست كبير

خالص مودتى
دمتى بألف خير
يا أصيلة

loumi يقول...

العزيز راجي
الناس من كتر قعدتها
في القطر بنفس السواق
بقجتهم فضيت وإللي كان
معاه رغيف وفحل بصل أكله
وبقا على الحميد المجيد
وربك يستر

تحياتي

loumi يقول...

صديقي العزيز
أحمد سلامه
حمداً لله على سلامتك
ومبروك رجوع المدونه
فكرة القطار والطريق
دايما بيبقا فيها مساحه واسعه
لإنك تكتب أشياء كثيره ويحمل الطريق
دائماًلنا مفاجاءات
:)
تحياتي لك
وإنت طيب وأسعد حالاً يا رب

loumi يقول...

وعليكم السلام ورحمة الله وبركاته
الحمد لله أنا بخير
حمدلله على سلامة المدونه
الحكايه دي بقت بتكرر كتير وربنا يستر
إسمح لي أشكرك على تعليقك الوافي الشافي
:):):)
وندعو الله ان يحمي ركاب
القطار ويُلهم السواق الحكمه
تسعدني تعليقاتك مهما طالت
تسلم يا رب
تحياتي
وكل عام وانت وكل من
حولك بخير وسعاده وصحه يا رب

عايش... ولكن !!!! يقول...

القطار طوييل وبرغم انه موارده كتير
وعربياته المكيفه كتير
بس محدش بيقعد فى العربيات المكيفه دى غير ناس بتتعد ع الصوابع
والسواق مش قاعد لوحده فى الكبينه ده قاعد هو والعائله والاصدقاء
واللى بيقرب من الكبينه بترمى تحت القطار وينداس

بجد تحياتى ع البوست ده
علاء

بنت القمر يقول...

ههههههههههههههههه
لا حول الله من سواق طياره لساق قطر اما انتوا عليكوا كلام قدارة يادي الشعب
حلوة تحياتي

loumi يقول...

العزيز علاء
في كل بلد قطر
وفي كل قطر سواق
وكل واحد منهم
ربنا بس إللي يعلم
واخدهم على فين

ربنا يستر

تحياتي

loumi يقول...

العزيزة بنت القمر
مش بيقولوا الست الشاطره تغزل برجل حمار؟؟
ههههههههههههههههههه
هههههههههههههههه
هههههههه

تحياتي يا قمر

Hannoda يقول...

كل ما أخلصها أقراها تاني
فاشوف فيها مشهد غير الأولاني
وأبطال غير الأولانيين
وصور من هنا ومن هنا

بحب قوي كده
الكلمات المرسلة اللي يقدر كل واحد يفصلها على قد ظروفه و ميوله و أجواؤه
وده اللي بلاقيه دايما في كلماتك

عجبتني بشددددة

احساس لسه حى يقول...

عزيزتى
كل سنة وانتى طيبه
اتمنا زيارتى للرد على البوست الهام والضرورى جدا تقولى رائيك فيه بمنتهى الصراحه والوضوح
سلام

Gid-Do - جدو يقول...

يالومى انت والناس انزلوا من القطر ـ لان القطر ملاكى ـ والسواق بيقول قطرى وانا حر فية ـ دانتوا ركاب غلسين غلاسة كتر خير السواق انه مستحمل غلاسيتكم

vision يقول...

جمييييييييييل موت استمتعت وانا بقراه مرتين رغم ان ورايا امتحان لكن اجبرتينى اقراه مرتين


نفس فكرة سواق الميكروباص الى رايح السلاام....واخده باللك

فاكره مقالاات الرفاعى فى صوت الأمه؟

ايوه الى بتتكلم عن طبق اليوم عليكى نوووور...وحشتينى يا جميله

loumi يقول...

هنوده الإنسانه

جميل إن كل واحد يحس
بالمكتوب بطريقته الخاصه
ويشوف بعض منه في الكلام
زيارتك دايماً بتسعدنى بشددددده

تحياتي يا قمر

loumi يقول...

العزيز حسام

زرت المدونه وقرأت
بس للأسف لا أعرف أي ممن كتبت عنهم
ولا أستطيع أن أقول رأي عن شىءبدون علم

ولكن من يسىء إلى شخص أو دين أو معتقد
فهو يسىء لنفسه ودينه ومعتقده لأنه يفتح البابأمام غيره للإساءه له

أرجو أن يفيدك رأيي

تحياتي

loumi يقول...

جدو يا جدو
إحنا بقا غلسين وقاعدين على نفسه
:):):)
وبنفكر نعمل زى اللأفلام و نفك العربيه اللي فيها الكابينه عشان
القطر يقف ونعرف ننزل
ما هى مش شطارة يعنى قعدتنا كده

تحياتي

loumi يقول...

العزيزة أميره

إنت كمان وحشتيني
يا رب تكون الإمتحانات
إللي عدت كويسه
وإن شاء الله يكرمك
ربنا في إللي جاي

سعيده إن الكلام خلّاكي تقريه مرتين
:):):)
سلام يا جميل