الثلاثاء، يوليو 8

أسرار عسكريه

قد يظن البعض من العنوان أنه لا سمح الله إفشاء لأسرار
عسكريه إستراتيجيه تهدد أمن المحروسه المستتب بواسطه عدولها
وحاشى لله أن اتطرق لمثل هذه الأمور
ليس لشىء إلا لأني لا أحب أن اتكلم فيما لا أفقه فيه من قريب أو بعيد
الحقيقه
أن هذه الجمله جاءت على لسان العزيزة بنت القمر
في أول تعليق لها عندي
على تدوينه قديمه يستطيع أى إنسان بحسبه بسيطه أن يعرف منها عمري الحقيقي
وأذكر أنني ضحكت لأن فكرة أن يكون سن المرأه سر من الأسرار العسكريه
لم يخطر ببالي في يوم من الأيام
وربما يعود ذلك لأن من يعرفني في الحقيقه لا يمكن ان يتوصل لعمري الفعلي
ودائماً ما يكون التخمين أصغر ب10سنوات على الأقل
:):):)
وحتى إن ذكرت الرقم الحقيقي لا يصدقني أحد
حاجه غريبه طب حأكذب ليه
:)
وسرحت وقتها مع الأفكار
لماذا تخشى بعض السيدات من ذكر عمرها الحقيقي؟
ألا يخشى الرجل أيضاً من ذلك؟
لا بد أن البعض منهم يخشى التقدم في العمر
فيلجأ لبعض الحيل فترى الرجل تجاوز الثمانين ربما
وشعره بسم الله ما شاء الله
حالك السواد
:)
وما هو المعيارالحقيقي لقياس العمر
هل هو العمر المحدد بالأيام والساعات التي تحسب له من لحظة ولادته في هذه الدنيا
هل هو بقيمه ما قدمه في هذه الفترة الزمنيه
هل بقيمه الأوقات التي شعر فيها بالسعاده والحزن معاً
أم يسقط منها كل ما هو محزن؟
هل بقيمه ما قدمه من مساعده لغيره
لشعوره بآلام غيره دون معرفه وثيقه بهؤلأء الأشخاص؟
أم بقدر ما حقق من مكاسب شخصيه
وخاصة إذا شاء له القدر أن يتقلد منصباً
مرموقاً في دوله ميمونه
فيكون لسان حال حكومتها
هل يحسب بعدد نقاط التحول التي يمر بها في مشوارالحياه
لا شك أن لكل منا طريقه لحساب سنين عمره
أتمنى أن يجد كل منكم طريقة مُرضيه لقياس عمره
فربما يجد البعض منّا أننا هرمنا قبل الأوان بأوان
وقد يجد البعض الآخر أنه ما زال طفلاَ يركض ويلعب مع أقرانه
ولا يحمل للدنيا هماً

هناك 28 تعليقًا:

بنت القمر يقول...

لومي
====
ربنا يديكي العمر والصحه وراحه البال
متابعاكي يا عزيزتي
:)))
ايا كان عمرك وعمري

اسكندراني اوي يقول...

هوباااااااااااااااااااااا

كده مش حلو ومش كمييييييييل

وبعدين انتي لامالي الاسكندرانيه كلهم جنبك

ماشي يا خانوم

وايه يعني لما يكون عمرك 22 وعمر بنت القمر برضه 22
وعمري انا كمان 20
ههههههههههههههههههههه

برضه لسه صغيريييين

ضحكتوني والله

AHMED SAMIR يقول...

انا باعتبر اي حد سواء كان رجل او امرأة يخفي سنه الحقيقي هو شخص اقل ما يقال عنه انه تافه وسطحبي و غير مؤمن بسنة الحياة وطبائع البشر
تحيااااتي

اسكندراني اوي يقول...

كل سنه طيببببببببببببببببببببببببببه

عدى النهار يقول...

محطة المطار السري
:)

loumi يقول...

ربنا يخليكِ يا قمر

ويسعدك ويفرحك دنيا وآخره
المتابعه متبادله
:)
والمهم إننا نستفيد بهذا العمر
ونفيد من حولنا

خالص تحياتي
لك وللبنوتات الجميلات

loumi يقول...

خاااااااااااال
إنت فييييين؟
أجدع ناس
لا يا بابا أنا لسه
18 وإلا إنت عايز تبين إنك أصغر مننا
وخلاص

أضحك الله سنك
ومتعك بالصحه والعافيه

loumi يقول...

العزيز أحمد

تقدر تقول إنها عادات
شب البعض عليها دون أن يفكر
أما إن اراد البعض بها خداع من حوله
فهي مشكله حقيقيه لأن كل الشىء فى الآخر
بينكشفن ويبان:)

تحياتي

loumi يقول...

كلاكيت
تاني مرة يا خااااال
طيبببببببببببببببه
علينا كلنا

loumi يقول...

أرجو أن تكون قد إستمتعت
معنا بهذه الرحله الخفيه
:)

klmat يقول...

لومى الجميله
وحشتينى اوى .
عارفه مش مهم عندنا كم سنه المهم
ان نكون عايشين سعداء وبنسعد من حولنا عن نفسى مش بحب اسأل حد عنده كم سنه لكن لو حد سألنى بقول لأن من مراحل الاولاد فى التعليم او مخلصين بنقدر نعرف
جميل ان الواحد شكله يكون اقل من
سنه انا كده المهم اننا نشعر انلنا قيمه ايا كان سننا
ربنا يسعدك ودايما تمتعى بالصحه والشباب
سلاااااااااااااام

Mohamed Hesham Safa يقول...

" عمر الحياة يقاس بالزمن السعيد "

* منقول (فاروق جويدة)

Doaa Ebrahim Aaql يقول...

عمر الانسان مابيتحسبش
بالوقت اللى هو عاشه
بيتحسب بقدر السعاده
وبقدر الشقاء اللى عاشهم فى حياته

.
.

ربنا يسعدك يااارب
ويطيل من عمرك
ويكتب لك الصحة والعافية
ويجعلك
كما أنت دائماً هكذا
محط احترام الجميع

.
.

تحياتى يا قمر

فى القلب يقول...

قبل ما بنحبش حد يعرف عمرنا أحنا مش عايزين نعترف بيه لذاتنا

فعلاً بجد حاجه مرعبه التقدم فى العمر حتى مع وجود أنجاذ ما
للأنه ببساطه يعنى الأقتراب من .....

من أيه يا ترى

أيه ألى بنخاف منه

المجهول

وحشتينى يا لومى ووحشتنى حكمتك

.:.-=- ELGaZaLy-=-.:. يقول...

كل سنة وانتى طيبة يا جميل...

وصدقينى انهم يقولون ..ماذا يقولولن ...دعهم يقولون

alexandrany يقول...

متهيألي ممكن نعتبر العمر بالوقت اللي خليتي فيه الناس اللي حواليكي يحسوا بالسعاده والامان
بالوقت اللي خليتس فيه الناس يحسوا بوجودك الايجابي
بالوقت اللي حسيتي فيه بحلاوة الطاعات
تحياتي

samo يقول...

لومى

اسرار عسكريه ... عنوان لذيذ لموضوع جميل

بس بجد تسأؤل حقيقى الكل بيهرب من اجابته

العمر الحقيقى للانسان ؟؟

وفعلا انتى وفيتى الموضوع حقه

بس التساؤلات عن العمر الحقيقى محتاج وقفه اطول بكتير

وياريت تحاولى تكتبيله بوست اكتر تفصيل علشان نعرف ننا قشك فيه اكتر

وبجد ليك خالص تحياتى

زُمُرده يقول...

موضوع شااااااائك اوووووي

اولا جميل عنوانه المثير
ثانيا
عمر الانسان بيتقاس من رأي
بقدر السعاده والهنا والحزن اللي عاشهم
بقدر السعاده والهنا اللي قدر يحققهم للي حواليه ويفرحهم

بقدر النجاح اللي انجزه واللي شارك فيه سواء بالفعل ام بالقدره على التشجيع للفعل
بقدر تحقيقه لاحلامه
بقدر الحب اللي جواه

اما السن في الاوراق مجرد ارقام ملقاش قيمه غير في شويه تعقيدات روتينيه احنا اللي اوجدناها

والله اعلم

loumi يقول...
أزال المؤلف هذا التعليق.
loumi يقول...
أزال المؤلف هذا التعليق.
loumi يقول...

الغاليه أميره
إنتِ كمان وحشتيني جداً جداً
فعلاً أهم حاجه الإنسان يستمتع بكل لحظه من عمره ويعيش كل مرحله عمريه بكل محاسنها ومساوئها
:)
يا رب إنت وكل من عندك يكونوا بخير وصحه وسعاده

تحياتي يا قمر

loumi يقول...

العزيز محمد هشام

رأى جميل لشخصيه
نعتز بها جميعا

خالص تحياتي

loumi يقول...

دودو الرقيقه

مبروك النجاح أولاً
وثانياً لو جمعنا اوقات السعاده على أوقات الشقاء إللي بنعيشهم حيدينا عدد الأيام والساعات إللي عشناهم من يوم ما اتولدنا
مش كده؟
:)
ربنا يخليك يا جميله
ويسعدك ويحقق أحلامك

loumi يقول...

أوشا؟؟؟؟

مش معقوووول
حمد لله على سلامتك
ما فيش حاجه مرعبه يا جميل دي سنة الحياه
أهم حاجه إننا نعيش ونستمتع
ونبعد عن الخوف تماماً
الرضا بيخلي للدنيا طعم أجمل بكتير
إنتِ كمان وحشتيني يا أوشا

loumi يقول...

وإنت طيب يا محمد


هههههههه
دعهم يقولون
وفي مثل بيقول
إللي بيعرف بيعرف
وإللي ما بيعرف بيقول كف عدس

سلاااااااااام

loumi يقول...

alexandrany

معقول برضه أن نحسب عمرنا بما قدمناه
لغيرنا
فالسعاده أيضا تكمن في العطاء
والسعاده شىء نسبي فقد يُسعد البعض القليل من كثير لدى غيرهم

سعدت بمرورك
خالص تحياتي

loumi يقول...

إزيك يا دكتور
أخبار الإمتحانات إيه؟

يا رب تكون بخير

أنا باطرح التساؤل عشان كل واحد يدور على الإجابه جواه
ويشوف يحب يحسب عمره إزاي
أرجو لك كل التوفيق

loumi يقول...

عزيزتي زُمُرده
أنا شفت شباب في السن
عواجيز في الإحساس
والعكس موجود برضه
وأظن إن ده بيرجع لثقافة الناس وللظروف اللي عاشوا وإتربوا فيها
فعلا التعقيد إحنا إللي بنوجده جوانا وحوالينا
والحقيقه ما فيش أحلى من البساطه

تحياتي يا جميله