يا رب

قادر تزيل الغَمّه

وتجمع شمل الأمه

وتطرح البركه في اللمه

وتديمها علينا نعمه

وكل عام وأنتم جميعاً بخير

مجرد سؤال

كيف يصنعون الفراعنه؟

هذه دعوة للنظر فيمن حولنا ممن نعرفهم

أو لا نعرفهم

ربما نسمع أو نقرأ عنهم.

*****

للتوضيح

*****

الفراعنه هي جمع لكلمة فرعون

وفرعون فى المنجد معناها

كل عات متمرّد

والفرعنه تعني الدهاء والنَكر

وكان فرعون لقباً لكل من ملك مصر

*****

ملحوظه:فكرة هذه التدوينه جاءت بعد قراءة موضوع بعنوان مصر التي في جيبه بقلم ثروت الخرباوي

في جريدة الدستور اليوميه بتاريخ 20رمضان في صفحة رأي و رؤى صفحة 6

الى من يهمه الأكل :)

فتة المجدوس

اولاً شرح لكلمة مجدوس

المجدوس عباره عن باذنجان صغير يتم سلقه

وبعد تصفيته من الماء يتم تجهيز حشو مكون من عين جمل

أيوة عين جمل وفلفل احمر بس مش حرّاء وثوم مفري وملح بمقدار كاف

وبعد ذلك يوضع في قطرميزات ويصفى للمرة الثانيه للتخلص من بقايا ماء السلق

ثم تغمر الكميه كلها بالزيت زيت زيتون طبعاً

يعني يا صايمين خراب بيوت مستعجل

:):):):):)

اه معلش

كلمه قطرميزات يعني برطمانات

طبعاً هذا المجدوس له مواسم لعميله وهو هذه الأيام

وهو من ضمن ثقافه المونه التي يتبعها الشعب السورى

حيث يتم تخزين انواع معينه من المأكولات التي تستخدم

في وجبتي الإفطار والعشاء طوال السنه

مثل الزيتون والمجدوس واللبنه والجبن

من السنه للسنه ويمكن ده عشان ظروف البلد شديدة البرودة شتاءاً

المهم إن فتة المجدوس والتي سوف اكتب لكم طريقة عملها

ليس لها علاقه بهذا المجدوس الذي وصفت طريقة عمله

ولكن جرت تسميه هذه الأكله بقتة المجدوس لانه يتم استخدام

الباذنجان الصغير ولكن يتم حشوه باللحمه والبصل العصاج يعني بلغتنا هنا

وبما انه لا يوجد لدينا هذا النوع من الباذنجان الصغير المكلبظ حبتين

فسوف استعيض عنه بشرايح الباذنجان الرومي

كفايه عليكم كده ونكمل بكره؟

إيه ؟إيه؟

ما أبقاش غلسه واكمل؟

حاضر حاضر

من غير زق

ههههههههههههههههه

المقاديرو طريقة التحضير

حبتين باذنجان رومي تقشر وتقطع شرائح وتقلى في زيت غزير

بصله كبيرة مفريه ناعم

لحمه مفرومه ناعمه حسب الرغبه

ويفضل ان لا تكون كميه اللحم كبيره

ملعقة كبيره صلصه

ملح فلفل

يتم عمل العصاج بالطريقه المعروفه

توضع شرائح الباذنجان المقلي سابقاً في طاسه ويوضع عليها العصاج وترفع قليلاً

على النار ليتشرب الباذنجان الصلصه

عدد واحد رغيف عيش شامي او لبناني من الحجم الكبير

يتم تقطيعه مربعات بالمقص ويتم قليه فى زيت غزير

يمكن وضع العيش المقطع فى الفرن ليم تحميصه بدلاً من قليه وذلك أخف وأفضل

عدد اربعة اكواب زبادي بلدي من الكبير

ملعقتين إلى ثلاث ملاعق طحينه كبيرتين

عصير ليمونتين

ملح وفصين إلى ثلاث فصوص ثوم مفريين ناعم جداً

يتم خلط الثوم والزبادي والطحينه وعصير الليمون جيداً لنحصل على خليط متجانس

بكده أصبحت كل المكونات جاهزة

مطلوب أيضاً

بقدونس مفري وصنوبر محمر بمقدار ثلاث ملاعق

وملعقتين سمنه او زيت حسب الرغبه

لتقديم هذه الفته نقوم بإحضارصينيه بيركس متوسطة الحجم

نفرش العيش اولاً ثم نضع عليه الباذجان والعصاج بعد ان يكونوا قد تشربوا الصلصه

:)ثم نصب المزيج المكون من الزبادي انف الذكر

ثم نقدح ملعقتين السمنه وقبل صبها على وش الصينيه نفرش البقدونس والصنوبر

ويجب ان نسمع صوت الطشطشه بتاعة السمنه وهي نازله على خليط الزبادي

وإلا حتضطروا تعملوا الاكله من الأول

ههههههههههههههههه

وتقدم ساخنه طبعاً وتسمّوا وتدعوا لي وانتوا بتاكلوا

يا خوفي لتدعوا عليا

حديث الصباح

لست من هواة سماع قصص وأخبار الناس

بشكل عام

ولكن في الفترة الأخيره وخاصة بعد ما بدأت التدوين

أصبحت أهتم لسماع كل القصص والأخبار

و دائماً يشغلني كيفية تعامل الناس مع بعض المواقف

وخاصةً ما يتعارض مع طريقة تفكيري وتناولي لمثل هذه الأمور

وفي الأخر طبعاً كل واحد حر

وإليكم هذا الموقف

في حديث الصباح بين والدتي وجارتنا العزيزة

ومع فنجان القهوة

علمت أن زوجة إبنها الوحيد سوف تسافر للعمل فى بلد عربي

لمدة عامين تاركة وراءها زوجها وإبنيها

وإنقسمت أراء الأسرة الكبيرة بين مؤيد ومعارض

القسم الأكبر مع فكرة السفر

وإن دي فرصه لا تعوض ويجب ان تستفيد منها

وتشوف مستقبلها

والقسم الأصغرمع فكرة عدم السفر

ولغاية فى نفس يعقوب

اللي هو أنا طبعاً كنت اتابع الأخبار من وقت للتاني

حتى الان لم ينته هذا الجدل

ولم يُتخذ قرارٌ نهائيٌ في هذا الموضوع

ولكن الذي إستوقفني حقاً وصدقاً

أولاً:تفكير الزوجه التي قررت أن تسافر تاركة زوجها وابنيها

ثانياً:تفكير الزوج الذي لم يجد غضاضه في أن يوافق على سفر الزوجه

بل ورفض ان تأخذ معها الأولاد

لا شك أن لكل طرف وجهة نظر مختلفه تماماً عن الأخر

وربما لو عرف كل طرف ما يدور بذهن الأخر لأختلفت القرارات تماماً

ولكن تظل هذه الأمور من الخفايا التي لا يعلمها إلا الله

رمضان كريم

رمضان كريم

وكل عام وانتم بخير

اللهم تقبل منّا صيامنا وقيامنا

وإجعله في ميزان حسناتنا

ربنا اتنا في الدنيا حسنه

وفي الاخرة حسنه

وقنا عذاب النار

ربنا لا تؤاخذنا إن نسينا أو أجطأنا

ربنا ولا تحمل علينا إصراُ

كما حملته على الذين من قبلنا

اللهم اغفر لنا وتقبل منا

وارحمنا في الدنيا والاخره

يا كريم

ملحوظه:الصورة مأخوذه من مدونة إسكندراني قوي

اوهام شعريه ف ساعة المغربيه

أنا و اتنين صحابي ع القهوة متواعدين

وفجأه قامت خناقه بين الشباب لتنين

واحد يقول شمال والتاني يقول له يمين

اخدت بعض وقمت م هم لتنين مجانين

*

*

*

*

لا تقول لي كاني ولا تقول لي ماني

ده اللي بناها كان فى الأصل حلواني

جم قللات الأصل الواحد ورا التاني

قسموا وإشتروا وباعوا الكل فى ثواني

*

*

*

*

عايز تقول إتفضل إنت في بلد حر

بس لو لسانك يطول ممكن تدوق المر

ولمّا إيديك تتسلسل ويجي يوم تنجّر

إبقى علّي صوتك وقول إحنا في بلد حر

*

*

*

*

مين إشترى من مين؟

ف زمن الكل فيه بايعين

ناس للقمه مش لاقيين

وناس بفلوسهم عريانيين

*

*

*

*

هي واثقه فيك قوي كده وإلا انت ما تهمهاش؟

ولو جرى لك حاجه حتزعل وإلا حتضرب عليك طناش؟

إنت طبعاً سعيد وعارف إنهاعنك ما تستغناش

بس يا خوفي تطلع مغفل وكل تعبك يضيع بلاش

يا فرحه ما تمت خدها الغراب وطار

فاكرها يا عيني زيّه واحده من الثوار

حلم معاها بكل أحلام الأحرار

وإكتشف فجأه إنه كان مجرد حوار

يا فرحه ما تمت خدها الغراب وطار

*****

جالي غاضب و ثاير على حافة لإنهيار

يعيد ويزيد ويحكي على كل اللي صار

مسكت بالعافيه نفسي من قبل الإنفجار

عايزه أصرخ و أقول له إنت البعيد حمار

*****

تطير وتعلى تعلى وتنزل على ما فيش

وتدخل قصور وتطلع.. بس منتوف الريش

ترجع للعشه تاني تدور على لقمة عيش

لا طولت ا للقمة إنت ولا حتى دقت ياميش

*****

بص ع اللي واقفالك هناك ورا الأسوار

عينيها عليك ما نزلت من قبل يوم الحصار

قوّي نفسك بيها وإمشوا في عز النهار

وإوعى ف يوم تضعف او ييجي يوم تنهار

القاموس الشامي الجزء الثالث والأخير

يا جماعة الخير

انا خجلانه منكن كتير كتير

ومالي عارفه وين بدّي ودّي وشّي منكن

اوديه السودان وإلا أفغانستان؟

:):):)

فلقد إتضح لي أن القاموس إسمه القاموس الشامي وليس الدمشقي

مشان هيك بدكون ما تأخذوني على هالغلطه

:):):)

وهذه هي أخر الكلمات الموجوده فى الرساله

متمسح*

يعني واحد متبلد المشاعر والأحاسيس متل التمساح بفرد شكل

(وبمعنى آخر: لا الحر بيحرّو ولا البرد بضرّو)

كل ما حدو بيت السلطان خيلهون بتمد الخنفسة رجلها *

مثل شعبي يقال كناية لمن يحب الاشتراك دوماً في أمور لا ناقة له فيها ولا جمل،

ولا فهم ولا علم له بها وهو يعتقد أن له ما للآخرين

اندفس *

أي: نام احسنلك

تكورت*

متل تدولق، فعل يفيد تناول الطعام، وتزهرم مثله أيضاً

(من بيت شقاع لبيت رقاع (وهي تقرأ كالعادة: من بيت شآع لبيت رآع*

تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة

عم يحاسب القاضي *

أي يقوم بقضاء حاجته في بيت الخلاء

يلي ببالك منو*

كناية عن أمر يتعذّر ذكره لأسباب عديدة

انطمز*

أي انزعج وبوزم وقلب خلقتو وما عاد يتحاكا

مطهمز*

أي مطأطأ أو مطأطئ الرأس

شامم ريحه كرهه*

تطلق على المتكبر يلّي رافع منخاره و قالب وجهه

و مثلها

آكل كم بحالو

خود منّي*

إنهاء للنقاش ودعوة الطرف الآخر للثقة بما يقول المتكلم دون نقاش।

دواليب الجنة*

مصطلح جديد للفلافل ومحاولة لرفع شأن هذه الأكلة الشعبية

عليّي ما عليّي*

قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض

عنها بهذه العباره

سم الكرّاتي*

تقال عندما يكثر الطرف الآخر من الأكل

فجعان*

أي الحالوش أو الشره

مكولك*

أي اللألوء الذي يحب تمسيح الجوخ

كعي فيّ*

يعني كثير ألح وأصر عليه ولكن الطرف الاخر يرفض

طرفنده*

تعبير مؤنث يدل على انه شىء جميل جداً و مميز

القاموس الشامي الجزء الثاني

الأخوة الأعزاء أبناء الأمه العربيه الواحده

حلوة المقدمه دي

حاولت ان اقسم القاموس على جزئين

بس واضح إنه حيبقا فيه جزء ثالث

يا إيدكم *

تعبير عن الهرب من شيء ما بسرعة

زمق*

أي هرب ببراعة وحذق، وزمط شرحو

مأنّف*

يعني لا يعجبه العجب ولا الصيام برجب

جفص*

صفة للجلف غليظ الروح

كل طلقة براحة*

أي يقوم بالشيء رويداً رويداً بين الفينة والأخرى

على كراريت حلقو*

يعني مصاب بغثيان شديد وإقياء لا يستطيع كبحه لا بحلال ولا بحرام

لا تكرّك عليه*

يعني لا تلح عليه إصراراً

لحم السير عالقبقاب وصاروا المبغضين صحاب*

مبينه وما بدها شرح

يلي بيجي منمدلّه فرشة ويلي ما بيجي منرتاح من وشه*

مثل نسائي بحت يفيد عدم الترحيب بأشخاص معينين ما عم يجوا أصلاً

شو هالتجرة*

يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح

كمان مشاني سيبويه الله يرحمو

وحياة خالقك ماني مفارقك*

تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس

بدي دايئك

العين الطرّاءة*

عبارة عن التمسخر على المتكلم عنه وأن لا شيء فيه بينحسد عليه

بيقطش وبيلحش*

يعني المهذار كثير الهفوات ومن يهرف بما لا يعرف ولسانه يسبق عقله

ولي على كسرتو*

تعبير يفيد التحسّر على شخص ما مع لومه على ما فعل (في تناقض، موهيك؟)

مو نفعان لا للخل ولا للخردل*

يعني بلا فائدة تذكر، وأحياناً بقولو من نافع لألله بنافعة

لاطيلو*

يعني كمن له منتظراً

ومنها المتل القائل: "قلّو لاطيلك قلّو صاحيلك"

يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو

خسكار*

كمية من العمل المقرر ليوم واحد أو بضاعة معدّة للبيع ضمن اليوم

ما صرلو بالقصر إلا مبارح العصر*

يعني أنه جديد على أمر ما وغرّ فيه

ولاد آدو*

يعني المشكلجية والعونطجية وولادين الحرام (يالطيف الله يبعدون عنا وعنكن

قولوا أمييييين

القاموس الشامي الجزء الأول:)

وصلتني هذه الكلمات من أخي

فى رساله بعنوان القاموس الشامي

وإسهاماً منّي فى توطيد العلاقات بين افراد الأمه الواحده

وتقريب المفاهيم والمصطلحات المستخدمه

سأدرج بعض الكلمات ومعانيها

:):):):):)

سرّي مرّي*

أي جيئة وذهاباً بشكل متكرر

حط بالخرج *

أي لا تعبأ بما يقال

فش نيعو *

يعني انتقم منه شر انتقام وهي بالحلبي: يفشر حنكو

أزّت نفسو*

أي نفر من الشيء نفوراً كأنه رأى صرصوراً

جفص*

صفة للجلف غليظ الروح

حنتر*

أي "تيّس" و"بوزم" في الوقت نفسه

طلع من عيونو عامص*

يعني دفع ثمناً غالياً وندم على ما نال

العين الطرّاءة*

عبارة عن التمسخر على المتكلم عنه وأن لا شيء فيه بينحسد عليه

يعني شايف نفسو على شو؟

بيقطش وبيلحش *

يعني المهذار كثير الهفوات ومن يهرف بما لا يعرف ولسانه يسبق عقله

ولي على كسرتو*

تعبير يفيد التحسّر على شخص ما مع لومه على ما فعل (في تناقض، موهيك؟

كـــــــن*

بكسر الكاف وتسكين النون يعني اهدأ أحسنلك

كروج*

يعني درمل، وبتعبير أفصح افرنقع من هنا، وادحال مثلها

يعنى اتدحرج بالمصري

فــز*

:):)كمان بكسر الفاء يعني قوم (أوقف وانت بتكلمني

يلي بدو يموت يوصّيك بولادو*

ذم بصيغة المدح يعني أن المذكور غير أهل لحمل المسؤوليه

على كراريت حلقو*

يعني مصاب بغثيان شديد وإقياء لا يستطيع كبحه لا بحلال ولا بحرام

مصطهج*

يعني مسلطن، مكيّف، مبسوط أو كما قال سيبويه: منتشي

أفّّعت معو*

يعني حمل القشة التي قصمت ظهر البعير وبلغ السيل الذبى

ما معو نكله*

مفلّس وحالو عدم

أول باشتان.....ثاني باشتان*

طريقة النسوان في تعداد الأمور والأوامر والأسباب والمسببات

بظّت عيونو*

يعني جحظت العينان حتى كادت المقلتان تخرجان من محجريهما (على طريقة الجاحظ)*

من دهنو سئيلو*

تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش

ملحو على ديلو *

يعني لا يقيم وزناً للعشرة والخبز والملح

شاضومة*

تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

شرنّه*

(إنظر الشرح في تفسير مصطلح شاضومه )

( قلبه عميقول حق بق (القاف تقرأ ء*

يعني أنه يريد أمراً بشدّة لكنه يضمره إضماراً ولا يظهره إظهاراً

( مشان ما يزعل سيبوه)

معصمص*

نحيل بارز العظام صغيرها

لم أكن أعلمُ أبدا

لم أكن أعلمُ أبدا

أنّي ساعود إليك يوما

أفتح خزانتي وأجوبها بحثا

عن حذائيَّ الموشى ذهبا

وفستانيًّ المطرز وردا

لم أكن أعلم أبدا

أني لا زلت أحفظ ذلك اللحنا

الذي طالما هزًّني طربا

وملأ الكون من حولي مرحا

قلبي يرقص للقائك

عقلي محتجٌ ويعارض

أبعد كل الذي كان

تعودين لذلك الإنسان

أما كفانا منه ما كان

لم أكن أعلم أبدا

أنّي سأعود إليك يوما

لا أنكر

لا أُُنكر أنّك مددت لي يداً حانيه

تحول بها دون وقوعي فى الهاويه

فتسللت أفكارك وكلماتك إلى وجداني

وفي حنايا القلب سكنت بلا استئذاني

طالبتني بقبول أنصاف الحلول

وتعلم أنّي ارفضها إلا كامله

أخفيت وراء ظهرك أُخرى قاسيه

مزّقت بكل قسوة أحلامي الغاليه

ودارت بيا الدنيا وعدت متسائله

!!أحقاً تظن هاويتك غير تلك الهاويه

في بيتنا طفله بلا إسم

رن هاتفي

وأنا واخدني النوم الساعه الثامنه والنصف صباحاً

الو مرحبا

اهلين اهلين00 خالتو؟

إيه خالتو00 مبارك ما إجاكون

ولدت عليا؟شو جابت؟

بنت بنت

حمدلله على سلامتها

ملحوظه:تم الاتصال بى لعلمهم انى فى الشغل ولكن هذا اليوم كنت فيه فى القاهرة

ولم يريدوا ان يوقظوا احدا فى هذا الوقت

الحمد لله جت فيّا

:):):)

عدت للنوم

******

رن هاتفي

ماما تتصل

ألو صباح الخير

صباح النور

مبروك عليك الحفيده الجديده

الله يبارك فيك

بس دول حيسموها فاطمه

جميل مبروك عليهم

بدأت نبرة صوتها تعلو

ده انت كمان موافقه؟أنا الاسم د مش عاجبني

يا حبيبتي دي بنتهم وهما حرّين فيها

لا ازاي ومن بين كل الاسماء ما عجبش اخوك غير يسمي الاسم ده؟

الست ما عجبهاش كلامي وقفلت السكه

زفّيت الخبر لكل من كان معي

مرات اخويا جابت بنوته اسمها فاطمه

الكل ألف مبروك وتتربى فى عزهم

*****

اليوم سبوع الطفله وحتى لحظه كتابه هذه السطور لم تقيد

الطفله لانه لم يستدل لها على اسم

:):):)

ولم أرها وربما تمر شهور قبل ان اراها ولكن الاكيد إنه حيبقى لها إسم

فى خلال اليومين القادمين

هام جداً:يا ريت حد يقول لي هل رضى الام كمان فى انه ما يسميش اسم مش عاجبها

بصراحه الموضوع ده ازمني نفسيا

لانه حابب الإسم هو ومراته وأنا كمان حاباه

بس هم عايزين رضاها

هى فى الاخر قالت له سم ما شئت وأنا راضيه

تفتكروا؟؟؟

أنا وسواقين الأسود ف أبيض

بدأت الحكايه عندما قررت النزول الى المحروسه لمقابلة صديقتي العائده فى إجازة

وإنتهت بكتابة هذه السطور وأنا فى القطار في طريق العوده

وطبعا اللى يشوفني وانا نازله ما يشوفنيش وأنا راجعه

:):):)

اول مفاجئه فى الصباح ع المحطه القطار وصل متأخر ساعه

عادي الحمد لله إنه ما إتأخرش اكثر من كده!!!

لما وصلنا محطه رمسيس

خرمت ودني كلمه سائح ألمانى بيؤكد على قيمه الوقت فى بلدنا

هروبا من الزحمه ركبت المترو لحد سراي القبه

ومنها كان اول لقاء بيني وبين اول سواق

• أخر مكرم عبيد؟
• أخره؟
• أيوة
• حتاخد كام؟
• اللى تدفعيه
• لا انت تقول يا اوافق يا خلاص

بريزه وعشان خاطرك بس

ركبت لانى كنت مقدرة المشوار ما يزيدش عن كده والراجل عايز يقنعني ان المشوار ما يقلش عن 13جنيه

ما علينا

فى هذا اليوم لم اضطر للتعامل مع اى سائق تاني

اليوم الثانى اول سائق راجل كبير

• العباسيه عمر أفندي؟
• إتفضلي
• حضرتك حتاخد كام؟
• قال مبتسماً ميّه ينفع ؟

ركبت وإديته اللى فيه النصيب والراجل حمد ربنا على رزقه

المشوارالمهم بقا واللي قال عملت فيها حويطه وسألت من مكرم عبيد لفيصل المشوار بكام

قالوا لي ما بين خمسه وعشرين ل خمسه وثلاثين وانت وحظك

شاورت لتاكسي

فيصل؟

إتفضلي

كام؟

قال مصطلح ما فهمتوش بس إتضح فيما بعد إن معناه خمسه وعشرون:)

و فرحت طبعا مش عشان المبلغ اللي طلبه وانما عشان رضي يوصلني

شفتوا اخرتها سعاده لمجرد انك تلاقي سواق يوافق يوصلك

ما علينا

بيني وبينكم ابتديت اتضايق من حكايه المقاوله مع كل سواق قبل ما اركب

ليه ما يبقاش فيه تعريفه مقبوله للكل بدل الخناقات اللي بتحصل بين الطرفين غالبا

ثالث يوم الصبح

وقفت انادى واقول ميدان لبنان؟

ولا حد راضي يعبرنى وخيل لي للحظه

أنني أطلب منهم الذهاب الى ارض المعركه او ان مخيم نهر البارد قد تم نقله الى هناك

المهم اضطريت اطلع على اول الشارع واركب اول تاكسى يقف

من غير مقاوله بقا واللى يحصل يحصل

دول ما كانوش يومين

وصلت المكان المطلوب وطلّعت للراجل عشرين جنيه على اساس ان المشوار ما ياخدش

اكثر من سبع ثمن جنيهات بصيت لقيته مطلع لي خمستين وراسى بقا والف سيف

إزاي ده المشوار ما يزيدش عن سبعه جنيه وابتديت ازعق

راح مطلع لى اتنين جنيه وقال لى انا برضه الحق عليا

ابن الّذين00000

و من بعدها ركبت مرتين بس كنت وصلت لمرحله من الأعياء والإنهاك من كتر المناهده

والاكيد ان الاتنين اخدوا مني اكتر بكتير من الأجرة الحقيقيه

طبعا ابناء مصر المحروسه ما بيتنقلوش بهذه الوسيله فى كل المشاوير

وإذا كانوا كذلك فربنا يكون فى عونهم

ملحوظه:فى طريق العوده كتبت اكثر من عشرصفحات عن هذه الرحله لأنها الأولى من بعد ما إبتديت تدوين

عصفوري مش عاجبه كلامي

جايلي المره دي بيلقف

ومن عطشه عايز يخطف

من إيدي كباية الميه

مديت له الميه بإيد

وسألته إيه الجديد؟

قال لي الناس عطشانه

ومتبهدله وعفشانه

قلت بس فيه ناس فهمانه

حلّوا الميه و المحطات شغاله

والناس تروح تملا

جركن وقله وحله

تشرب وكمان تستحمى

قال لى وهو ده الحل؟

قلت له حل مؤقت

لحد ما الشبكه تركب

قال لى وده بقا إمتى؟

خبيت وشى و مكسوفه أقول له

للي يعيش كده قدامه كام سنه

بص لي وما عجبوش كلامي

قلت له أصل إنت دايماًمش واخد بالك

أصل المشكله دي من قبل زمانك

كل الحق ع الست سنيه

اللى زمان جرّسوها ف الوسائل المرئيه

وقالوا عليها ست نظيفه بس مفتريه

ودايما سايبه الميه ترخ ترخ م الحنفيه

ما هى لو كانت فتحت الشبّاك

وندهت ع الأسطى محمود السباك

و كان جه ركبلها كام جلده

ما كانش يبقا ده حالنا النهارده

ما انت عارف إحنا اللى دايما غلطانين

ومش حاسّين ولا للنعمه صاينين

إحنا اللى ولاد ستين في سبعين

وربنا يخلي لنا الحكومه قول أمين

إتخذت قراراَ

إتخذتُ قراراَ من أصعب قراراتي

كي أُنهي به أهاتي و عذاباتي

بيدي لا بيدك قررت الرحيلا

" وأردتُ " من حبك أن أستقيلا

و ظننتها صفحةَ طويت من صفحاتي

لتبدأ بعدها صفحة جديدة من حياتي

وتتسارع الحروف لتكتب سطورا

ولكن تأبى السطور أن تستقيما

فحروفي ما زالت تبحث عن عباراتك

وسطوري تأبى إلا أن تخط كلماتك

"ظننتك " سطوراَ كتبت بماء

وجدتك محفوراَ في قلب السماء

أغار من ليلى

أغار من ليلى

من طيفها الهادىء

و ثغرها الباسم

من وجهها الوضّاء

و عودها الفارع

ألمحها في عينيه و صوته الدافىء

*****

أغار من ليلى

أتراه يحبني كما يحبها

فأنا لي قلب ينبض كقلبها

وعين تعشق رؤياه كعينها

وأذن ترهف لسماع صوته مثلها

*****

أغار من ليلى

لم تُراه يهرُب من واقع

طرزته له بكل حب وهوى

لحلم لا يحصد منه الا الجوى

ألأنّى أصبحت واقعا؟يحبها؟

*****

أغار من ليلى

ليتنى بقيت حلمأً يهفو إليه

وليلى أُخرى يحلم بطيفها

فلطالما حاولت أن أكون ليلاه

فلا بقيت كما أنا ولا أنا غدوت ليلى

أغار من ليلى

سمعونا زغروده

حبّة عين امه م الغربه راجع

شايل في قلبه حبّة مواجع

حالف ما يرجع وإيده فاضيه

حيفرح جيرانه ومامته ناديه

كل البيوت مفتوحه

قدام عريسنا الحيله

ما هو راجع محمل

وللشقه حيكمّل

م الإبره للدش جايب

و عربيه جمرك راكب

وبناتنا تجري تتذوّق

ده عريسنا أصله متسربع

وهوب زغاريد وكوشه وزفه

وعلى طول تسافر المحروسه

شهرين إتنين وتلقى

تليفون من كل حته

يا ماما مش مبسوطه

وف أول أجازه تنزل

فى إيدها ورقتها

وع الكتف عيّلها

وسمعونا بقا زغروده

عصفوري واكل دماغي

قال لي عرفتي اللي حصل؟

قلت له خير؟قول وخلص

أنا اصلي خلاص زهقانه

ومش طايقه وقرفانه

قال لى طب خدي عندك

بدر منور بضفاير

طفله وإسمها بدور

و قبل ما تاخد شهادتها

و بنجاحها تكمل فرحتها

قال إيه الوقت ازف

و زفوها للدكتورة

وهى قامت مشكورة

بعمل عمليه صغنطوطه

وضاعت يا عينى البنيه

من جرعه بنج زايده

من غلبى قلت له عادى

بقا يحصل كتير الناحيه دى

قعد يرفرف ويزعق

وقال اصلك مش فاهمه

دى عمليه ما ليها لازمه

بس لما البنيه ماتت

الدنيا قامت بس قعدت

أصل دى مش اول بدور

البدور فى بلدى كتير

وزى ما كل مصيبه تحصل

منشتتات عريضه تطلع

بس المفتى قال مشكورا

الختان حرام حرام حرام

!!!!!

السؤال

عفوا هم اكثر من سؤال

تفتكروا دى ممكن تكون اخر بدور؟

يا ترى الفتوى دى مؤثرة فى مجتمعنا؟

هل الموروثات والتقاليد اقوى ام الفتاوى والقوانين؟

هل ممكن ييجى يوم وتختفى فيه هذه العاده ؟

ألبوم صوري

ألبوم صوري مليان

صور أشكال والوان

دي أول خطوة أخطّيها

ودي اول ضحكه أعلّيها

ودي يوم ما خدت شهادتي

ودى صورة في يوم خطوبتي

وتعدي سنين وايام

و ف يوم ماقدر أنام

أفتح ألبوم صوري

ده بيحكي عن يومي وأمسي

ومع كل صورة تصحى

ذكرى قديمه ونايمه

صور أضحك عليها

وصور بسرعه أعدّيها

وصور مش لاقياها

مع إنّي دايما فاكراها

ياه!! الله يا سلام

إيه الصورة ديّه؟

جميله قوى وبهيّه

فين كانت من زمان

بس الغريبه إنّي

مالقيت لهاش عنوان

وفجأه صحيت لقيتني

نايمه فى حضن صوري

أدور ع الصورة لكن

أتاريها فى الأحلام

وكل ما احب اشوفها

أحضن فى صوري وانام